03 Mars 2021

Ekonomia e Eurozonës shënon një rritje prej 12,5 për qind

Bruksel, 8 dhjetor - Ekonomia e Eurozonës ka shënuar një rritje prej 12,5 për qind në tremujorin e tretë në krahasim me tremujorin e kaluar.

Zyra e Statistikës Evropiane (Eurostat) publikoi të dhënat rreth rritjes në tremujorin e tretë të vitit 2020 në Bashkimin Evropian (BE) dhe Eurozonë.

Sipas kësaj, produkti i brendshëm bruto (PBB) i rregulluar sezonalisht në Eurozonë me 19 anëtarë, në tremujorin e tretë të vitit 2020 në krahasim me tremujorin e kaluar është rritur për 12,5 për qind.

Ndërsa në krahasim me periudhën e njëjtë të vitit 2019 është tkurrur për 4,3 për qind.

Shifra në fjalë në BE është rritur 11,5 për qind në krahasim me tremujorin e kaluar, kurse në krahasim me vitin 2019 ka shënuar rënie prej 4,2 për qind.

Rritja më e madhe në tremujorin e tretë ka ndodhur në Francë me 18,7 për qind, në Spanjë 16,7 për qind, në Itali 15,9 për qind, në Belgjikë 11,4 për qind, në Gjermani 8,5 për qind. Kështu, u shënua rritja më e madhe tremujore në BE dhe Eurozonë që nga viti 1995 kur filluan të regjistrohen të dhënat në fjalë.

Ndërkohë për shkak të pandemisë së koronavirusit të ri (COVID-19) në tremujorin e dytë eurozona ishte tkurrur për 11,7 për qind, kurse BE 11,3 për qind.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)