20 Shtator 2018

ATK mban seminar te përbashkët me Drejtorinë Tatimeve të Shqipërisë

Prishtinë, 14 nëntor - Është mbajtur seminari i përbashkët mes Administratës Tatimore të Kosovës dhe Drejtorisë së Përgjithshme të Tatimeve të Shqipërisë, lidhur me Transferimin e Çmimit.

Qëllimi i këtij seminari ishte shkëmbimi i përvojave në fushën e transferimit të çmimit, aspekti i bazës ligjore dhe i përgatitjes së dokumentacionit të Transferimit të Çmimit.

Ky seminar është organizuar nga organizata Price Waterhouse Coopers, dega në Kosovë dhe Shqipëri dhe përmes eksperteve vendor dhe ndërkombëtar të kësaj fushe, janë prezantuar tematikat specifike dhe sfidat në këtë fushë. Gjithashtu, janë prezantuar edhe përvojat e autoriteteve tatimore të vendeve të rajonit, të cilat kanë qenë të dobishme në sqarimin e mëtejmë të transferimit të çmimit.

Si pika kryesore të cilat u trajtuan gjatë seminarit ishin; dokumentacioni i transferimit të çmimit, analiza funksionale, metodat e transferimit të çmimit, zgjedhja e palës së testuar, si dhe analiza e krahasueshmerisë.

Nevoja për të organizuar një seminar të tillë dhe për të zhvilluar bazën ligjore lidhur me këtë fushë, ka lind me rritjen e rolit të kompanive shumëkombëshe në tregtinë botërore,  rritje kjo e cila konsiderohet tejet e madhe në 25 vitet e fundit.

Baza ligjore e Transferimit të Çmimit në Kosovë konsiderohet se përmbush kërkesat e detajuara në Kodin e Sjelljes të Bashkimit Evropian (BE). Gjithashtu, janë përfshirë edhe një pjesë e madhe e praktikave nga raportet BEPS të OECD.

Administrata Tatimore e Kosovës dhe Drejtoria e Përgjithshme e Tatimeve në Shqipëri kanë bashkëpunim të ngushtë në fusha tatimore të ndryshme.

Kalendari

Ngajrjet e datës 20 shtator 2018  - Këshilli i Investitorëve Evropianë në bashkëpunim me Zyren e Bashkimit Evropian në Kosovë dhe Bankën Evropiane për Rindertim dhe Zhvillim organizojn konferencën e nivelit të lartë 'Drejt një klime miqësore të biznesit dhe investimeve në Kosovë, “White Book 2018”. (Hotel Emerald, ora 8:30)

- Komuna e Gjilanit organizon aktivitetin "Dita pa Makina", që shënohet në kuadër të aksionit "Ta pastrojmë Kosovës". (Para shtatores se Rexhep Males e Nuhi Berishes, ora 10:00)

- Ministria e Kulturës, Rinisë dhe Sportit organizon konferencën “Siguria Njerëzore, Problemi dhe Reagimi Institucional”. (Salla e konferencave Orion, përballë KINO ABC, ora 10:00)

- Nën patronatin e Presidentit të Republikës së Kosovës bëhet përurimi i shtatoreve të heroit Fehmi Lladrovci dhe heroinës Xhevë Krasniqi-Lladrovci. (Sheshi “Fehmi Lladrovci” në Drenas, ora 12:00)

- Kryeparlamentari Kadri Veseli dhe Kryeministri Ramush Haradinaj merr pjesë në zbulimin e shtatoreve të Heroit Fehmi Lladrovci dhe Heroinës Xhevë Krasniqi - Lladrovci. (Sheshi “Fehmi Lladrovci”, Drenas, ora 12:00)

- Ushtruesi i Detyrës së Ministrit te Mjedisit dhe Planifikimit Hapësinor, Fatmir Matoshi do të vizitojë Komunën e Pejës dhe Kompaninë Rajonale të Ujësjellësit “Hidrodini” në Pejë. (Komuna e Pejës, ora 13:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të mbahet shqyrtimi i Projektligjit pÑ‘r Ratifikimin e Marrëveshjes për Pjesëmarrjen e Kosovës në programin Evropa Kreative për Mbështetjen e Sektorëve Kulturorë dhe Kreativë. (Ndërtesa e Kuvendit, salla N 302, ora 13:00)

- Mbahet seanca e jashtëzakonshme e Kuvendit të Republikës së Kosovës. (Kuvendi i Kosovës, ora 14:00)  

- Fillon asfaltimi i rrugëve në oborrin e Qendrës Klinike Universitare të Kosovës. (Oborri i QKUK-së, ora 15:00)

- Kryetari i Odës Ekonomike të Kosovës, Berat Rukiqi takohet me Kryetarin e Odës Ekonomike të Maqedonisë veri-perëndimore, Nebi Hoxha. (Objekti i Odës Ekonomike të Kosovës, ora 15:00)

- Fakulteti Filozofik i Universitetit të Prishtinës dhe forumZFD Programi në Kosovë organizojn konferencën tre ditore 'Rishikimi i ballafaqimit me të kaluarën dhe drejtësia tranzicionale në Ballkan' . (Fakulteti Filozofik, ora 15:30)