07 Mars 2021

AGK publikon ndikimin e Pandemisë të gazetarët, kameramanët dhe fotoreporterët

Prishtinë, 27 tetor - Kriza aktuale globale e shkaktuar nga pandemia COVID-19 ka pasur një sërë ndikimesh në fushën e gazetarisë dhe komunitetin medial në Kosovë.

Gjatë kësaj periudhe, gazetarët, kameramanët dhe fotoreporterët në vazhdimësi kanë punuar në marrjen dhe plasimin e informacionit të saktë tek publiku, duke iu ekspozuar mundësisë së shkeljes së të drejtave të punës dhe rrezikimit të shëndetit fizik e mendor të tyre.

Duke i pasur parasysh rrethanat ekonomike dhe shëndetësore të krijuara, Asociacioni i Gazetarëve të Kosovës (AGK), me mbështetje nga Fondacioni Kosovar për Shoqëri të Hapur (KFOS) do të publikojë hulumtimin "Ndikimi i Pandemisë Covid-19 në gjendjen ekonomike të gazetarëve, kameramanëve dhe fotoreporterëve".

Hulumtimi fokusohet në largimet nga puna dhe zvogëlimin e pagave të gazetarëve, ndikimin e Pakos Emergjente në sektorin emedieve, si dhe mirëqenien fizike e mendore të punëtorëve medialë gjatë periudhës së pandemisë.

Të gjeturat e hulumtimit do të prezantohen përgjatë diskutimit në panelin e përbërë nga Getoarbë Mulliqi Bojaj, drejtoreshë ekzekutive në AGK, Lirikë Demiri -Hulumtuese e raportit dhe gazetarët Jehona Zhitia & Bujar Vitija.  
 

Kalendari

Ngjarjet e datës 7 Mars 2021

- Turnir në shigjetari, Skenderaj  -  ora 9:00

- Turnir në shah, Hotel Grand, Prishtinë 13:00 – Finalja e turnirit të volejbollit, Skenderaj - ora 11:00

- Manifestimi Nata e Zjarreve, në Kompleksin Memorial “Adem Jashari”, në Prekaz - ora 17:45

- Koncert pa praninë e publikut (për shkak të pandemisë), në Stadiumin e futbollit në Skenderaj, transmetim direkt në TV dhe rrjete sociale - ora 18:00