19 Mars 2024

6.6 milionë amerikanë aplikojnë për asistencë papunësie

Washington, 3 prill - Një numër rekord prej 6.6 milionë kërkesash për asistencë papunësie u regjistruan javën e kaluar, duke tejkaluar shifrat rekord të një jave më parë, gjë që sinjalizon se pushimet nga puna do të rëndohen në mes të epidemisë së koronavirusit.

Ekonomia amerikane, por edhe ekonomia globale kanë pësuar goditje duke rritur mundësinë e një recesioni, ndërkohë që bizneset vazhdojnë të mbyllin operacionet.

6.6 milionë kërkesa për asistencë papunësia - shifrat e një javës së kaluar shënojnë një rritje të madhe krahasuar me 3.3 milionë kërkesa të regjistruara në javën pararendëse.

Ekonomistët parashikojnë tani deri në 20 milionë vende pune të mbyllura deri në fund të prillit.

Ritmet e papunësisë mund të arrijnë deri në 15% këtë muaj, duke tejkaluar rekordin e recesionit të vitit 1982 kur shkuan në 10.8%.

Shumë pronarë po ulin numrin e punonjësve për të përballuar goditjen që kanë marrë me rënien e aktivitetit, sidomos në hotele, palestra, restorante, kinema apo biznese të tjera që kërkojnë shkëmbime fizike me klientët.

Vendimet e marra nga autoritetet shtetërore për të reduktuar lëvizjet dhe kontaktet fizike të popullatës në një pjesë të madhe të SHBA e kanë shtuar presionin mbi bizneset që nuk janë në gjendje të përballojnë qeranë, pagesat e kredisë dhe shpenzimet e tjera.

Kongresi zgjeroi ndjeshëm sistemin e asistencës për papunësinë përmes paketës stimuluese prej 2.2 trilionë dollarësh. Në paketë parashikohen ndihma prej $600 dollarësh në javë për aplikantin. Ideja është që individi të përballojë jetesën dhe të shpenzojë duke ndihmuar për të rigjallëruar ekonominë.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)