27 Maj 2022

Vazhdojnë trajnimet për zbatimin e legjislacionit në fushën e pylltarisë

Prishtinë, 17 dhjetor - Me qëllim të përmirësimit të shfrytëzimit të ligjshëm të pyjeve, tregtimit të drurit dhe zbatimit të ligjit në sektorin e pylltarisë, FAO përmes programit të financuar nga Ambasada Suedeze “Mbështetje në fuqizimin e menaxhimit të qëndrueshëm dhe shumëqëllimor të pyjeve për të përmirësuar jetesën në vendet rurale dhe për të adresuar ndryshimin klimatik në Kosovë” është duke mbajtur një seri trajnimesh për zyrtarët ligjorë të Ministrisë së Bujqësisë, Pylltarisë dhe Zhvillimit Rural, Agjencisë Pyjore të Kosovës, inspektorët e pyjeve, gjyqtarët, prokurorët, policët dhe avokatët.

“Zgjidhja më urgjente por edhe më vështirë është si të ndalen prerjet ilegale të pyjeve, të cilat janë të mëdha dhe shkaktojnë dëme të konsiderueshme për mjedisin dhe ekonominë e Kosovës. Sa herë që ne flasim me zyrtarët pyjorë, thonë se një prej problemeve kryesore për këtë gjendje qëndron në mosefikasitetin e trajtimit të lëndëve nga gjykatat”, tha Tahir Ahmeti, Drejtor i Departamentit të Pylltarisë në MBPZHR në hapjen e sesionit të tretë të trajnimit për aspektet e shfrytëzimit të ligjshëm të pyjeve.

Ky sesion që ka filluar të premtën dhe vazhdon të hënën, është përqëndruar në përgatitjen më të mirë të dokumentacionit të nevojshëm për paraqitjen e rasteve në gjykata.

Trajneri, një gjyqtar i njohur nga Kosova, po trajnon pjesëmarrësit për përgaditjen e dokumentacionit, llogaritjen e saktë të dëmit në bazë të legjislacionit për kompensimin e dëmit, kontrollimin më të mirë të kontratave të prerjeve, të licencave, lejeve për transport, tregti dhe përpunim.

Gjatë këtij sesioni po diskutohet edhe për rritjen e ndërgjegjësimit për përgjegjësinë e inspektorëve të pylltarisë, rojeve dhe zyrtarëve të tjerë në rast të keqpërdorimit të përgjegjësive të tyre ligjore dhe pasojave në rast abuzimi.
 
Pjesëmarrësit e shohin këtë trajnim si një ngjarje shumë e dobishme dhe mundësi e veçantë që që të përmirësojnë njohuritë për të zhvilluar aftësitë e tyre për zbatimin e ligjit, duke i praktikuar proceduarat me efikase.

 

Kalendari

Ngjarjet e datës 27 maj 2022

- Fillon punimet konferenca “Qasjet Aktuale në Diagnostikimin dhe Menaxhimin e Pacientëve me Sklerozë Multiple, Dita Botërore e Sklerozës Multiple 2022”. (Four Points by Sheraton, Marigona Residencë, ora 9:00)

- Ministri i Ministrisë së Mjedisit, Planifikimit Hapësinor dhe Infrastrukturës, Liburn Aliu raporton para Komisionit për Mjedis, Ushqim, Bujqësi, Planifikim dhe Zhvillim. (Ndërtesa e Kuvendit, salla N302, ora 10:00)

- Drejtoresha e Misionit të USAID-it, Zeinah Salahi, do të flasë në hapjen e Forumit të Bizneseve të Diasporës. (Swiss Diamond Hotel, ora 10:00)

- Kolegji AAB organizon hapjen zyrtare të edicionit të parë të Panairit të Karrierës dhe Punësimit AAB 2022. (Kolegji AAB, ora 10:00)

- Në kuadër të projektit “Evropa Juglindore - Së Bashku Kundër Korrupsionit” mbahet konferenca për media, në të cilën do të prezantohet raporti me titull “Nevoja për institucionalizimin e vlerësimit anti-korrupsion në Kosovë”, në të cilin raport trajtohet ndryshimi e shpeshtë i ligjeve anti-korrupsion dhe nevoja që ndryshimeve të ligjeve tu paraprijë vlerësimi periodik i legjislacionit dhe masave anti-korrupsion. (Hotel Sirius, ora 10:00)

- Oficerë të lartë nga Kroacia dhe Shqipëria që ishin pjesë e UÇK-së bëjnë homazhe në Kompleksin Memorial në Prekaz. (Prekaz, ora 10:00)

-  Zyrtari për Sektorin Privat në USAID, Mathju Kulinajn, bashkë me Ministren e Arsimit, Shkencës, Teknologjisë dhe Inovacionit, Arbërie Nagavci, do të mbajnë fjalë rasti në ceremoninë përmbyllëse të Programit të USAID-it Përkrahje Adoleshentëve pas Mësimit të Rregullt. (Hoteli Emerald, ora 10:30)

- Komuna e Rahovecit bën homazhe te vendi i rënies së dëshmorëve të kombit Sadedin Hajda dhe Mexhit Mustafa. (Hamoc, ora 11:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës diskuton rreth emrave të ekspertëve. (Ndërtesa e Kuvendit, salla  N303, ora 11:00)

- Komuna e Rahovecit bën homazhe të vendi i rënies së dëshmorëve të kombit Feim Gashi, Sakip Bellaqa, Përparim Thaqi në fshatin Fortesë. (Fortesë, ora 12:00)

- Qendra për Informim, Kritikë dhe Aksion organizon konferencë për media si pjesë e Javës Kundër Varfërisë Menstruale dhe Stigmatizimit të menstruacioneve. (Para Bibliotekës Kombëtare, ora 12:30)

- Komuna e Rahovecit bën homazhe në vendin e rënies së dëshmorëve të kombit Milaim Morina dhe Xhevdet Krasniqi. (Në rrugën Fortesë-Celinë, ora 13:0)

- Ministrja e  Industrisë, Ndërmarrësisë dhe Tregtisë, Rozeta Hajdari, do të takohet me një delegacion nga Shqipëria, të kryesuar nga ministrja e Ministrisë së Turizmit dhe Mjedisit të Shqipërisë, Mirela Kumbaro, me rastin e organizimit të konferencës “Turizmi i përbashkët Kosovë - Shqipëri”. (Hotel Prishtina, ora 14:00)

- Mbahet konferenca për media e përzgjedhësit Alain Giresse në kuadër të grumbullimit për katër ndeshjet e muajit qershor në UEFA Nations League. (Hotel Emerald, ora 14:00)

- Komuna e Rahovecit bën homazhe në vendin e rënies së dëshmorëve të kombit në fshatin Brestoc. (Brestoc, ora 14:00)

- Kombëtarja e Kosovës i fillon stërvitjet dhe do t’i mbajë dy seanca në Kampin Nacional në Hajvali. (Stërvitja e parë mbahet, ora 10:30 derisa stërvitja e dytë, ora 17:30)