27 Nëntor 2020

SHBA ka rreth 1 milionë fermerë, shumica imigrantë ilegal

SHBA, 14 gusht - Amerikanët janë tepër të ndarë për çështjen e imigracionit të paligjshëm. Konservatorët e kritikojnë administratën Obama për bllokimin e ligjit të debatueshëm të Arizonës që synon identifikimin dhe deportimin e imigrantëve të paligjshëm. Kritikët thonë se ata po u marrin amerikanëve vendet e punës.

Por shumë fermerë amerikanë kanë pikëpamje të ndryshme. Ndërsa vetë amerikanët nuk punojnë më në bujqësi, fermerët po thonë se për të siguruar prodhimet e freskëta në tavolinat e amerikanëve, është e nevojshme puna e imigrantëve të paligjshëm.

Është sezoni kur piqet kungulli në shtetin lindor të Virginias. Një ekip punëtorësh hispanikë punojnë në fushë: mbledhin, lajnë dhe paketojnë perimet, gati për udhëtimin e tyre drejt supermarketeve në Bregun Lindor të SHBA.

Ashtu sikurse breza të tjerë para tyre, imigrantët kanë ardhur në Amerikë në kërkim të një jete më të mire. Shumë prej tyre vijnë në mënyrë të paligjshme, si ky immigrant. Do ta quajmë Martinez për të mbrojtur identitetin e tij.

“Vijmë në kërkim të një të ardhmeje më të mire. Ç’është e vërteta, heqim shumë për kaluar kufirin”.

Ai thotë se ka ecur për ditë me radhë përmes shkretëtirës, i shoqëruar nga një trafikant, të cilit i pagoi 2 mijë dollarë.

Loreto Ventura është bosi i ekipit të punëtorëve, ai tani është shtetas amerikan.  Por ai ishte i paligjshëm kur erdhi në fillim këtu për të punuar, 30 vjet më pare.

“Ata kalojnë nëpër shumë vështirësi, paguajnë para për të ardhur dhe rrezikojnë jetën e tyre për punën. Dhe puna që i pret është tepër e vështirë”.

Punëtorët e fermave e kalojnë ditën të kërrusur, duke mbledhur perimet dhe duke mbajtur pesha të rënda. Dita e punës është e gjatë dhe puna është e vështirë.

Ndër rreth 1 milionë punëtorë të fermave në SHBA, shumica janë imigrantë dhe 25-50 për qind e tyre janë pa dokumente të ligjshme.

SHBA kanë një program, që i jep leje pune imigrantëve. Ky program i lejon punëdhënësit t’i marrin në punë imigrantët ligjërisht. Por fermerët si ky këtu, i cili do që të mbetet anonim, thotë se është një rrugë e gjatë dhe vështirë, me shumë hallka burokratike.

“Çdo fermer që unë njoh do ta shfrytëzonte me kënaqësi programin për të patur dokumente të ligjshme. Por programi është i vështirë të realizohet dhe ai është i kushtueshëm, madje nganjëherë nuk arrin t’i sjellësh njerëzit që do… Vjen koha dhe të mbjellat janë gati për t’u korrur, ndërkoqë njerëzit nuk i ke këtu akoma, dhe gjithshka shkon kot”.

Ai thotë se është përpjekur të punësojë amerikanë, por nuk mund të gjejë numrin e nevojshëm dhe që duan të punojnë në bujqësi.

“E vërteta është se askush nuk i rrit fëmijët për t’u bërë punëtorë ferme”.

Por Jack Martin, nga Federata për Reformën Amerikane të Imigracionit, thotë se kjo nuk është e gjithë historia.

“Sipas meje, është e vërtetë që prindërit kanë aspirata më të larta për fëmijët e tyre, se sa që të bëhen puntorë ferme. Megjithatë, ka një numër të madh të papunësh, të cilët, në se do të fitonin para të mjaftueshme për të jetuar duke punuar në bujqësi, mendoj se do ta bënin një gjë të tillë”.

Zoti Martin thotë se paga, përfitimet dhe kushtet për punëtorët e fermave kanë mbetur relativisht të këqija, për shkak të numrit të madh të imigrantëve të paligjshëm. Ai pranon gjithashtu se kostoja e punësimit të imigrantëve me programin e vizave është e lartë.

“Është e vërtetë se është më e kushtueshme se sa të punësosh imigrantë të paligjshëm, që tregojnë dokumente fallso, ngaqë për punëtorët amerikanë ka rregulla mbrojtëse. .. Dhe ata mund t’i punësosh  në se duan të punojnë në bujqësi…Edhe për punëtorët e huajka rregulla mbrojtëse”.

Ligji që ka të bëjë me programin e imigrantëve me viza pune ka ngecur në Kongres. Ndërkohë, fermerët janë tepër të shqetësuar për masat ndëshkuese ndaj imigrantëve të paligjshëm. Ata thonë se pa patur punëtorët për të mbledhur prodhimet bujqësore, frutat dhe perimet e freskëta do të prisheshin në fushë. Dhe fermat do të rrënoheshin gradualisht.

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)