11 Dhjetor 2018

Prezantohet platforma e re për raportimin e burimeve pyjore në botë

Romë, 6 mars - FAO ka prezantuar sot një platformë të re online për raportimin e gjendjes dhe tendencave të burimeve pyjore në botë. Platforma u mundëson vendeve të rrisin efikasitetin e procesit të raportimit dhe të përmirësojnë cilësinë, besueshmërinë dhe transparencën e të dhënave për pyjet.

Monitorimi efikas dhe raportimi i mbulimit të pyjeve dhe ndryshimit të përdorimit të tokës është thelbësor për monitorimin e progresit për arritjen e Objektivave të Zhvillimit të Qëndrueshëm (SDGs) dhe është vendimtare përsa i përket miratimit të masave për të përshtatur dhe zbutur ndryshimet klimatike.

Platforma do të përdoret për raportin e ardhshëm të Vlerësimit të Burimeve Pyjore 2020 (FRA). Platforma u zhvillua nga FAO me mbështetjen financiare nga Bashkimi Evropian dhe Qeveria e Finlandës u prezantua në një ceremoni të posaçme të nivelit të lartë në Toluca të Meksikës.

Sistem i reformuar raportimi

"Vlerësimi i gjendjes së burimeve botërore të pyjeve kërkon të dhëna të qëndrueshme dhe të besueshme," tha zyrtari i lartë i pylltarisë i FAO-s Anssi Pekkarinen. "Platforma e re lejon vendet të përmirësojnë kapacitetin e tyre për të përpiluar të dhëna të sakta dhe të sakta të pyjeve, ul mundimin e raportimit dhe lejon matjen më të mirë të progresit drejt Axhendës2030."

Mjeti i ri përmban një numër karakteristikash të reja, ku përfshihet përmirësimi i të dhënave dhe vizualizimin e të dhënave, dhe funksionet e rishikimit dhe analizës. Platforma ka një ndërfaqe më të lehtë për përdorim, e cila lejon shtimin e të dhënave, kopjimin dhe ngjitjen nga fletët hyrëse ekzistuese dhe dokumentimin e burimeve kombëtare të të dhënave.

Për herë të parë që nga raportimi i vitit 2000, numri i variablave të vlerësimit është zvogëluar ndjeshëm duke lehtësuar barrën e raportimit për vendet.

Komponenti i matjes në distancë në bashkëpunim me Google

Për të lehtësuar më tej procesin e raportimit, sidomos për vendet ku informacionet pyjore janë të kufizuara ose nuk janë të disponueshme, platforma ofron mundësinë për të hyrë në informacionin e mbledhur nga të dhënat gjeohapësinore nga produktet globale të matjes nga larg.

Platforma përdor Google Earth Engine dhe për herë të parë do të furnizojë me të dhëna të gjithë 171 Korrespondentët Kombëtarë të FRA - autoritetet kombëtare pyjore të emëruara zyrtarisht, të cilët janë përgjegjës për hartimin e raporteve të vendit - si dhe bashkëpunëtorët e tyre të kenë qasje të lirë në bazën globale të të dhënave dhe mjeteve analitikeve të Google.

"Ky njoftim bazohet në partneritetin tonë produktiv trevjeçar me FAO-n i nënshkruar në COP 21 në Paris", tha Rebecca Moore, Drejtore, Google Earth, Earth Engine & Earth Outreach. "Ne jemi të lumtur që do t’u mundësojmë të gjithë vendeve qasje të barabartë në teknologjinë më të fundit në mbështetje të veprimeve globale ndaj ndryshimeve klimatike dhe zhvillimit të qëndrueshëm".

Platforma e bën të lehtë edhe për njerëzit që nuk kanë eksperiencë paraprake për të përdorur imazhe satelitore dhe të dhëna të tjera gjeohapësinore për monitorimin e ndryshimeve kombëtare të pyjeve dhe ndryshimet e përdorimit të tokës me kalimin e kohës.

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)
- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Policia e Kosovës mban konferencën zyrtare e cila i dedikohet fushatës kundër korrupsionit, të realizuar nga Drejtoria për Hetimin e Krimeve Ekonomike dhe Korrupsionit në bashkëpunim me ICITAP-in Amerikan. (Stacioni policor “Qendra”, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00 - shtyhet, ora 15:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)