12 Nëntor 2019

Pemët sjellin përfitime për të luftuar ngrohjen globale

Los Angeles, 30 gusht - Një studim i ri konfirmon se pemët sjellin përfitime shumë të mëdha për të luftuar ngrohjen globale duke thithur gaz karbonik nga atmosfera.

Aktivistët për shtimin e sipërfaqeve të pyllëzuara thonë se ky ka qenë fakt i konfirmuar prej vitesh, por më në fund ky mesazh po përqafohet gjerësisht.

Vullnetarët me organizatën “TreePeople” po mbjellin pemë e bimë të tjera në pyllin kombëtar pranë Los Anxhelosit. Speciet e zonës aktualisht janë në gjendje kritike pasi pylli është zaptuar nga bimë invazive.

"Po mbjellim 40 specie të ndryshme. Disa prej tyre janë barna, kemi shkurre, si dhe lisa e pemë të tjera,” thotë Tierry Rivard me organizatën TreePeople.

Të gjitha këto specie i përkasin këtij ekosistemi. Pemët janë një komponent jetik:

"E dimë që pemët sjellin përfitime të shumfishta. Ato na ofrojnë hije, si ne ashtu edhe mjedisit sidomos në momente të nxehti ekstrem. Pemët zbusin përmbytjet pasi mbajnë ujë dhe nuk lejojnë rrjedhje të pakontrolluara," thotë Cindy Montanez, shefe ekzekutive e organizatës “TreePeople”.

Pemët eliminojnë nga mjedisi sasi të mëdha gazi karbonik, duke ulur ngrohjen globale. Studime të shumta, ndër to një studim i fundit nga shkencëtarë evropianë i botuar në revistën Science, kanë konfirmuar përfitimet nga pemët. Po ashtu mbjellja e pemëve zbut problemin e shpyllëzimit:

Projekte për rimëkëmbjen e pyjeve janë në zbatim edhe në vende si Indonezia thotë një studiuese në San Francisko që punon për Fondin Botëror të Florës e Faunës:

"Në një projekt të quajtur “Thirty Hills”, po ndjekim një metodë me shumë aspekte, jo thjesht uljen e sasisë së gazit karbonik, por edhe përfitimet e tjera nga pyjet,” thotë studiuesja Christa Anderson.

Një projekt krijoi koshere bletësh në pyll për të ndihmuar edhe banorët lokalë me të ardhura.

Studimi thotë se pyjet e reja mund të thithin dy të tretat e gazit karbonit që i është shtuar atmosferës nga aktiviteti i njeriut. Por kërkohen edhe masa të tjera:

"Ky është vetëm një element i zgjidhjes. Duhen masa të tjera të guximshme për të ulur djegien e energjisë dhe çlirimin e gazeve nga aktiviteti industrial,” thotë studiuesja Anderson.

Me ngrohjen e planetit, pyjet e shëndetshme janë më rezistente ndaj zjarreve dhe ofrojnë strehë nga dielli për kafshët si dhe njerëzit. Qeveritë mund të luajnë rol të rendësishë. Por në Kaliforni, janë mobilizuar edhe vetë banorët dhe bizneset:

"Secili duhet të mbajë përgjegjësi personale duke mbjellë pemë. Kur mbjell pemë argëtohesh, përmirëson komunitetin dhe e bën klimën më të qëndrueshme," thotë zonja Montanez.

Kalendari

Ngjarjet e datës 12 nëntor 2019 - Mbahet takimi vjetor i ministrave të Bujqësisë së vendeve të Evropës Juglindore me c'rast  Ministria e Bujqësisë, Pylltarisë dhe Zhvillimit Rural e Republikës së Kosovës, do të marrë edhe presidencën për udhëheqjen e Grupit Drejtues të Punës për Zhvillimin Rural Rajonal në Evropën Juglindore për një vit. (Hotel Emerald, ora 9:00)

- Universiteti i Shkencave të Aplikuara në Ferizaj në bashkëpunim me Universitetin e Shkencave të Aplikuara në Salzburg, organizon Konferencën Ndërkombëtare “Bashkëpunimi Universitet – Industri në Inovacion”. (Lokalet e Universitetit  të Shkencave të Aplikuara në Ferizaj. ora 9:00)

- Mahet takimi i 174-të i Këshillit Prokurorial të Kosovës. (Ojekti i Prokurorisë së Shtetit, ora 10:00)

- Zyra Kombëtare e Auditimit bën prezantimin e raportit të auditimit të performancës “Sistemi i kontrollit dhe monitorimit të cilësisë së derivateve të naftës”. (Salla e konferencave “Orion”, ora 10:00)

- Oda e Afarizmit të Kosovës organizon konferencë për media lidhur me pProblemet e bizneseve me bankat komerciale. (Zyret e OAK-së, ora 11:00)

- Lansohet projekti 'Subvencionet për Efiçiencë të Energjisë në Kosovë' të mbështetur nga MCC dhe MFK i cili synon të ofrojë stimuj financiarë dhe teknik për sektorin residencial që mundësojnë investime në masat e efiçencës së energjisë, si dhe të mbështesë gratë ndërmarrëse në energji dhe sektorë të tjerë. (Hoteli Swiss Diamond, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green i cili po  qëndron në Kosovë do të marrë pjesë në lançimin e pilot projektit Nxitjet e Efiçencës Energjetike i cili implementohet nga Fondacioni Milenium Kosova dhe financohet nga Korporata e Sfidave të Mijëvjeçarit në bazë të Marrëveshjes “Threshold” të MCC-së në Kosovë. (Hoteli Swiss Diamond, ora 11:00)

- Organizata për Rritjen e Cilësisë në Arsim publikon raportin “Borgjezia” e Akademisë, ku do të paraqitet hulumtimi mbi të ardhurat e stafit akademik menaxherial në universitetet publike të Kosovës. (Para objektit të Qeverisë së Kosovës, në sheshin Skënderbeu, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green do të kalojë kohë edhe me të rinjtë me rastin e lançimit të platformës së internetit “Të Rinjtë Prijnë” për t’u krijuar mundësi bartësve të rinj të ndryshimeve të lidhen me rrjete të të rinjve me interesime të ngjashme, mentorë, resurse dhe ngjarje të ndryshme. (Qendra e Rinisë, salla atele, përballë Sallës së Kuqe, ora 15:00) 

- Zhvillohet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- OSBE organizon shfaqjen premierë të dokumentarit “Above the Fold” i cili ofron një tregim narrativ të vështirësive me të cilat përballen gazetarët në sjelljen e informacionit në publik. (Kino ABC, ora 19:00)