09 Shkurt 2023

Organizata gjermane HELP ndihmon bujqësinë e Kosovës

Prishtinë, 26 shkurt - Zëvendësministri i Ministrisë së Bujqësisë, Pylltarisë dhe Zhvillimit Rural Firkrim Damka me bashkëpunëtorët ka pritur sot një delegacion gjerman nga organizata joqeveritare HELP,  të prirë nga Timo Stegelman dhe znj.Nathalie Siegriht.


Në këtë takim është biseduar për grante të  zhvillimit ekonomik që organizata gjermane HELP do t’i  implementojë në Kosove. 


Duke marrë parasysh se shumica e granteve brenda këtij projekti do të jepen në sektorin e bujqësisë, pesha e takimit ka qenë me rëndësi edhe më të madhe, ngase përfaqësuesit e kësaj organizate e kanë parë të udhës që të informojnë ministrinë rreth objektivave zhvillimore të këtij projekti që do të shtrihet në tërë territorin e Kosovës, për të themeluar kështu sa më shumë biznese të vogla.


Zv.Ministri Damka, pasi ka falënderuar delegacionin gjerman për  interesimin e tyre që kanë  shfaqur për zhvillimin e bujqësisë kosovare, ai më pas  ka dhënë një shpejgim të gjerë përkitazi me rrjedhat në bujqësinë e Kosovës, duke shënjestruar sukseset e shënuara në realizimin e projekteve konkrete në mbështetje të fermerëve kosovarë.

 

Në takim është shprehur gatishmëria që të dyja palët të vazhdojnë bashkëpunimin gjatë periudhës vijuese.

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)