04 Dhjetor 2020

Ministri Stavileci, në panairin e 48 ndërkombëtar për bujqësi

Ljubjanë, 23 gusht - Me ftesë te Ministrit të  Bujqësisë, Pylltarisë dhe Ushqimit  te Republikës se Sllovenisë, Dejan Zhidan, Ministri i Ministrisë së Bujqësisë, Pylltarisë dhe Zhvillimit Rural  te Republikës se Kosovës Blerand Stavileci, ka marr pjesë në AGRA 2010, në Panairin e 48 ndërkombëtar për Bujqësi dhe Ushqim.

Ky panair është duke u mbajtur ne Gornja Radgona te Sllovenisë nga data 21- 26 Gusht, 2010.

Në hapje të panairit ka marr pjesë presidenti i Republikës së Sllovenisë  Dr. Danillo Turk, dhe ministrat e vendeve të rajonit si ai Hungarisë, Kroacisë dhe Maqedonisë, si dhe shumë zyrtarë të vendeve të BE-se dhe te regjionit si dhe përfaqësues të ndërmarrjeve nga fusha e agrobiznesit dhe ekspert të kësaj fushe.

Ministri Stavileci  ka takuar  Ministrin e Slloven te Bujqësisë z. Dejan Zhidan ku është diskutuar për fushat e bashkëpunimit dhe për mbështetjen të cilën Ministria e Bujqësisë, Pylltarisë dhe Ushqimit të Republikës së Sllovenisë do t’i ofroj Kosovës në hartimin e politikave bujqësore dhe zhvillimit rural, në përgatitjen e legjislacionit, në plotësimin e kritereve dhe përgatitjen e negociatave në procesin e integrimeve evropiane.

Po ashtu,  në këtë takim është biseduar lidhur me nxitjen e investimeve të ndërmarrjeve sllovene ne Kosovë, në fushat e prodhimtarisë së farërave të drithërave, në sektorin e përpunimit të qumështit, të përpunimit të mishit të pulave si dhe në sektorët tjerë të agrobiznesit.

Gjatë takimit të dyja palët janë pajtuar për hartimin e draft marrëveshjes për bashkëpunim ku do të parashihen hapat konkretë të bashkëpunimit në të gjitha fushat e bujqësisë dhe zhvillimit rural.

Takime  tjera shumë i rëndësishme të ministrit Stavileci ka qenë ai me drejtuesit e Agjencisë së Pagesave për Bujqësi dhe Zhvillim Rural dhe me Oden e Bujqësisë dhe Pylltarisë së Sllovenisë, ne këto takime me udhëheqësit e këtyre institucioneve, Ministrit Stavileci i është premtuar mundësi përkrahje në ngritjen e kapaciteteve humane për Njësinë e Pagesave, dhe përkrahje implementimit të modelit slloven ne organizimin e Shërbimeve Këshillimore që ju ofrohen fermerëve në Kosovë.

Ministri Stavileci gjatë këtyre ditëve të qëndrimit  në Republikën e Sllovenisë ka pasur takimet edhe me ministrin e Bujqësisë, Peshkatarisë dhe Zhvillimit Rural të Kroacisë, Petar Çobankoviç  dhe atë të Republikës së Maqedonisë Ljupko Dimovski - Ministër i Bujqësisë, Pylltarisë dhe Ujrave, teme e diskutimeve ka qenë përforcimi i bashkëpunimit të ngushtë në bazë të parimeve të ndërtimit të marërdhënieve të mira, në rritjen e respektit të ndërsjellë në mes vendeve fqinje, zhvillimin e dialogut dhe bashkëpunimit në fushat e Zhvillimi Rural dhe të Bujqësisë, Zhvillimit Ekonomik, Agro-industrisë dhe zhvillimit të projekteve të bashkëpunimit rajonal.  


 

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)