27 Nëntor 2020

Ministri Stavileci ka udhëtuar për në shtetin Slloven

Prishtinë, 20 gusht - Ministri i Bujqësisë, Pylltarisë dhe Zhvillimit Rural (MBPZHR) Blerand Stavileci, ka udhëtuar për në shtetin Slloven, me ç’rast do të marrë pjesë në panairin bujqësor dhe ndërkombëtar të 48-in me radhë, i cili do të mbahet në Gornja Radgona të Sllovenisë.

Në këtë panair do të marrin pjesë edhe ministrat e Ministrive për Bujqësi të vendeve rajonale dhe më gjërë.

Ministri i MBPZHR-së, Blerand Stavileci, për t’u njohur për së afërmi me strukturën organizative, përgjatë këtyre ditëve do të vizitojë edhe Agjensionin e Pagesave dhe Institutin për Bujqësi dhe Pylltari, të cilat veprojnë në kuadër të Ministrisë për Bujqësi, Pylltari dhe Ushqim në Slloveni, si dhe kompani të shumta, produktet e të cilave janë të pranishme në tregun kosovar.

Homologu slloven i ministrit Stavileci, Mr. Dejan Židan në një takim bilateral do të bëjë edhe prezantimin e projektit të binjakëzimit “Përgatitje për Zbatimin dhe Menaxhimin e Politikës së Zhvillimit Rural dhe Bujqësor në Kosovë”.

Ky projekt është i ndarë në 5 komponente dhe si qëllim të përgjithshëm ka lehtësimin dhe stimulimin e rritjes ekonomike në Kosovë, nëpërmjet ristrukturimit të sektorëve të bujqësisë, ushqimit, pylltarisë, duke zbatuar politika të reformuara të zhvillimit rural dhe bujqësor.

Në vazhdimësi, do të bëhen edhe prezantime lidhur me procesin e integrimeve në BE dhe shkëmbime përvojash mes shteteve, ku do të diskutohet për programet e zhvillimit rural që nga SAPARD (Special Accession Programme for Agriculture and Rural Development) deri tek periudha e pas aderimit në BE.

Hapja zyrtare e panairit “AGRA 2010” do të bëhet nga Presidenti i Republikës së Sllovenisë Dr. Danilo Turk me datë 21 gusht 2010 dhe takimet bilaterale do të vazhdojnë deri më 22 gusht.

 

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)