04 Dhjetor 2020

Mbi 60 për qind të prerjeve të pyjeve janë ilegale

Prishtinë, 21 shtator - Prerja e pyjeve llogaritet të jetë një ndër problemet kryesor të Ministrisë së Bujqësisë, Pylltarisë dhe Zhvillimit Rural, (MBPZHR) dhe Agjencisë Pyjore të Kosovës, (APK).

Kryeshefi ekzekutiv në APK, Ahmet Zejnullahu tregon se në periudhën janar-qershor të vitit 2010, janë prerë 21 mijë e 579 metra kub drurë. “Diku përmbi se 60 për qind e prerjeve janë ilegale, ndërsa pjesa tjetër marrin leje nga inspektorët”, tha ai.

Sipas Zejnullahut sfida kryesore është pranadalimi i prerjeve ilegale. Ai thotë se dëmet janë të mëdha, por të gjithë prerësit ilegal që kapen në flagrancë, lënda iu shkon në gjykatë.

“Numri i fletëparaqitjeve të cilat janë lëshuar gjatë periudhës janar-qershor të vitit 2010,  janë 3 mijë e 848 fletëparaqitje, prej të cilave, 2 mijë e 260 janë për kundërvajtje, ndërsa për vepër penale janë 1 mijë e 588”.

Zejnullahu thotë se të gjithë këta shkelës do të përballen me ligjin dhe presin ekzekutimin e këtyre lëndëve. “Të gjitha këto lëndë janë në procedurë gjyqësore dhe ende nuk kemi ekzekutimin e asnjë lënde të kësaj periudhe”.

Sipas Zejnullahut pyjet janë dëmtuar më së shumti në komunën e Deçanit, Kaçanikut, Prishtinës dhe Podujevës dhe sipas tij, në këto komuna duhet të ketë më shumë kujdes.

“Këto komuna të dëmtuara  kanë nevojë ende për një koordinim dhe bashkëpunim me nivelin qendror për shtrimin e kompetencave dhe eliminimin e prerjeve”.

Sipas kryshefit të APK-së, tash edhe komunat kanë përgjegjësi në mbrojtjen e pyjeve nga prerësit ilegal. “Nga korriku i vitit 2010 të gjitha komunat obligohen që t’i mbrojnë pyjet, por nuk i kanë të gjitha kompetencat, por disa nga kompetencat”, thotë Zejnullahu.

“I gjithë stafin i mbrojtjes së pyjeve ka kaluar në nivele komunale. Të 266 punëtorët nga Agjencia e Pyjeve kanë kaluar nëpër komuna, duke përfshirë përgjegjësin e njësisë komunale, një pjesë të teknikëve dhe i gjithë stafi i rojeve të pyllit”.

Sipas Zejnullahut qëllimi i APK-së është që ta zvogëloi dëmin në pyje përmes rritjes së sipërfaqeve për prerje legale. “Interesi ynë është që të angazhohen në shtimin e sipërfaqeve të prerjeve legale, ndërsa të minimizohen maksimalisht prerjet ilegale, sepse mënyra e prerjes ilegale po i shkatërron pyjet dhe dëmet janë të mëdha”.

Ndërsa Ministri i Bujqësisë, Pylltarisë dhe Zhvillimit Rural, Blerand Stavileci thotë se si obligim që rrjedh nga pakoja e Ahtisarit, janë dy kompetenca që duhet të barten nëpër komuna, jo të gjitha, ajo që ka të bëjë me prerjen e pyjeve dhe licencimin në nivel komunal.

“Kjo gjë ka ndodhur dhe ne kemi nënshkruar një memorandum mirëkuptimi dhe këto kompetenca janë deleguar. Nëpër disa vende akoma po vazhdon shkatërrimi i pyjeve, por kjo nuk do të thotë që ne do të qëndrojmë duar kryq”.

Stavileci thotë se mbrojtja e pyjeve duhet të jetë obligim i të gjithëve, pavarësisht se disa i ka njëri institucion disa tjetri. “Çështja e dëmtimit të pyjeve është krim i trefishtë. Është krim natyror, ambiental dhe ekonomikë sepse shkakton në të tria këto dëme. Problemin e shkatërrimit të pyjeve do ta trajtojmë për çdo ditë”.

Këtë vit parashihet edhe pyllëzimi i sipërfaqeve të reja prej 150 hektar.

Sipërfaqe pyjore në Kosovë janë 464 mijë hektarë, prej të cilave 60 për qind janë të sektorit shtetëror, ndërsa pjesa tjetër private.

Shtimi i masës drunore brenda një viti në Kosovë është diku 1.2 milion metra kub, ndërsa kërkesat për dru janë afër 1 milion metra kub.
 

Elhami Ismajli

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)