26 Shkurt 2021

Kryeministri Kurti vizitoi fermën e familjes Abazi, në fshatin Keqekollë

Prishtinë, 8 maj - Kryeministri në detyrë i Republikës së Kosovës, Albin Kurti, nën shoqërimin e zëvendësministrit në detyrë të Bujqësisë, Pylltarisë dhe Zhvillimit Rural, Imri Demelezi, kryetarit të Odës Veterinare të Kosovës, Arben Sinani, dhe nën kryetarin e kësaj ode, Arsim Ademi, vizituan fermën e familjes Abazi, në fshatin Keqekollë të Prishtinës.

Ferma e familjes Abazi ka 12 lopë qumështore, 8 viça, 300 pula e shpezë të tjera dhe 12 hektarë tokë të punueshme me grurë, miser dhe livadhe.

Përkrahja prodhimeve ushqimore vendore nga ferma deri në konsum është e rëndësishme për mirëqeniet e familjeve, zhvillimin lokal e atë rural. Fermat e vogla dhe me llojshmëri të ndryshme të produkteve duhet të kenë mbështetje edhe më shumë.

Përballja me pandemi, na ka rikujtuar rëndësinë e prodhimit vendor. Prandaj, këtë përballje duhet ta shohim edhe si një rast të mirë për riorientim të ekonomisë sonë. Përmes Pakos për Rimëkëmbjen Ekonomike dhe politikave përcjellëse, ne, nuk do të synojmë vetëm kthimin në gjendjen e mëhershme, por do ta synojmë edhe zhvillimin e mëtutjeshëm të saj. 

Kalendari

Ngjarjet e datës 26 Shkurt 2021

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00)

- Këshilli Organizues ''Pranvera Shqiptare 81'' do të bëj nderime dhe do të vendos lule te varri i varri i Adem Demaçit. (Velani, ora 11:00)

- Organizata Etea, përmbyllë fazën e parë të projektit “Biblioteka Qarkulluese me strategjitë e lexim kuptimit”. (Kino Armata, ora 11:00)

- Ministria e Kulturës, Rinisë dhe Sportit organizon ceremoninë e ndarjes së çmimeve në fushën e trashëgimisë kulturore. (Parku arkeologjik "Ulpiana", ora 12:00)

- Këshilli Organizues ''Pranvera Shqiptare 81'' organizon tryezëm përkujtimore për Adem Demaçin në 85 vjetorin e lindjes. (Instituti Albanologjik në Prishtinë, ora 13:00)

- Qendra për Raste Gjyqësore Strategjike platformë e themeluar nga Grupi për Studime Juridike dhe Politike mban konferencën për media me rastin e dorëzimit të Padisë për Konflikt Administrativ kundër Lejes Ujore për Hidrocentralin Brezovica në Shtërpcë të Lëshuar nga Autoriteti Rajonal i Pellgjeve Lumore në kuadër të Ministrisë së Ekonomisë dhe Ambientit. (Para Pallatit të Drejtësisë, Ndërtesa A, ora 14:00)

- Zëdhënësi i KQZ-së, Valmir Elezi mban konferencë lidhur me progresin në procesin e rinumërimit dhe të aktiviteteve tjera që po zhvillohen në këtë qendër. (Qendra e Numërimit dhe Rezultateve, ora 15:00)