03 Dhjetor 2020

KPEP prezanton draftin për procesin e çërtifikimit të pyjeve

Prishtinë, 30 korrik - Dje me 29 korrik, ministri Stavileci morri pjesë në takimin e parë të organizuar nga KPEP-ja për procesin e çertifikimit të pyjeve, i cili u mbajt në objektin e Kuvendit Komunal të Dragashit. 


Në fjalën hyrëse, Kryetari i Komunës së Dragashit, Salim Jenuzi tha se pyjet e komunës së Dragashit janë ndër pyjet më të ruajtura në vend dhe kjo më së shumti është meritë e qytetarëve të komunës sonë, duke shtuar se këtu edhe tradicionalisht janë ruajtur pyjet por me shtimin e numrit të kafshëve paksa edhe ka filluar të shfaqet dukuria e dëmtimit.

Sipërfaqet pyjore në komunën e Dragashit, shtoi Jenuzi, janë gjithmonë në rritje dhe tanimë ekziston edhe plani për pyllëzimin natyrorë dhe artificial.

"Ne e kemi hartuar planin zhvillimor për rritje ekonomike dhe ngritje të standardit", vazhdoi më tej Jenuzi, dhe si fusha kryesore për të cilat jemi përcaktuar më shumë janë bujqësia, turizmi dhe energjitika.

Ndërsa, ministri Stavileci tha se aktualisht sektori pyjor ndeshet me sfida të llojeve të ndryshme por prerja ilegale është dukuri shumë e theksuar dhe objektiv i përgjithshëm i qeverisë qendrore është që të ngritet vetëdijesimi, duke i inkurajuar qytetarët për mbrojtje dhe shtim të sipërfaqeve pyjore me qëllim që edhe ata të ndjejnë përmirësime në mënyrën e jetesës së tyre.
Më tej, ministri Stavileci pasi paraqiti një përmbledhje dhe një zbërthim analitik për sektorin e pylltarisë, potencoi edhe tri momente të rëndësishme që kanë ndodhur gjatë këtij viti dhe që kanë të bëjnë me mbrojtjen dhe menaxhimin e pyjeve.

Si moment të parë ceku 11 shkurtin, datën kur është bërë miratimi i strategjisë për zhvillimin e sektorit të pylltarisë së bashku me tri shtyllat e saj (menaxhimin dhe mbrojtjen e pyjeve, planifikimin dhe shfrytëzimin, si dhe në aspektin institucional krijimin e bordit për zbatimin e politikave zhvillimore të sektorit pyjor.

Momenti i dytë, vazhdoi ministri Stavileci, është 14 prilli, datë kur ka hyrë në fuqi amendamenti i ligjit për pyje, ku si rrjedhojë parashikohet dhe realizohet edhe bartja e kompetencave në nivel lokal për mbrojtjen e pyjeve dhe liçensimin e tyre.

Ndërkaq, si moment të tretë të rëndësishëm, ministri Stavileci përmendi nënshkrimin e 37 marrëveshjeve së bashku me listat e zyrtarëve dhe aseteve, si dhe nxjerrjen e tre udhëzuesve administrativ për rregullimin e bartjes së kompetencave.

Për më shumë, shtoi ministri Stavileci, MBPZhR-ja ka formuar edhe grupin i cili do të hartojë ligjin e ri në bazë të agjendës së legjislativit të këtij viti dhe me këtë ligj, shtoi se do të definohen edhe më mirë përgjegjësitë e secilit prej institucioneve dhe njëherazi, secila prej tyre do të mund të praktikojë atë që është më e rëndësishme për ta realizuar objektivin tonë kryesor, pra ruajtjen e pyjeve dhe luftimin e krimit ambiental.

Në të ardhmen do të kemi një bashkëpunim edhe më të mirë në dobi të interesave të përgjithshme, përfundoi ministri Stavileci.

Ndërkaq, drejtori i KPEP-së David Cowles, pasi përfundoi diskutimin rreth planeve afatshkurta dhe afatgjata me të pranishmit tha se, më vjen mirë që Dragashi nuk karakterizohet me dëmtimin e pyjeve në të njejtën masë siç dëmtohet nëpër zona rurale të tjera dhe meqë pyjet janë një aset i mirë i resurseve të kësaj komune, ju inkurajoi që të fokusoheni edhe në zhvillimin e turizmit sepse vërtetë keni terrene të bukura dhe të përshtatshme.

Më tej, këshilltari për agrokulturë në kuadër të KPEP-së, John Mackillop, tha se projekti ka si qëllim rritjen e konkurrencës në vendet e rajonit dhe ne jemi duke shikuar sesi kosovarët do të mund të konkurronin sa më mirë përmes drurit të çërtifikuar, përfundoi ai.

Njësia menaxhuese Koretniku II (komuna e Dragashit), nga dhjetë njësi në kuadër të njësive për menaxhimin e pyjeve, në bazë të kriteriumeve të ndryshme është vlerësuar si më e mira dhe me standard draftin e prezantuar nga KPEP-ja ka filluar edhe diskutimin publik për harmonizimin me kërkesa të reja, për arritjen e standardeve të akreditimit.

 

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Komisioni Qendror i Zgjedhjeve mban mbledhjen ku shpall rezultatet përfundimtare të jashtëzakoshme për Kryetar të Komunës së Podujevës dhe Mitrovicës së Veriut, të cilat u mbajtën më 29 nëntor 2020. (Ndërtesa e KQZ-së, kati 4, ora 10:00)

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)