17 Shkurt 2019

Kënetat dhe lumenjtë janë me rëndësi për të ardhmen e qëndrueshme të qyteteve

Prishtinë, 2 shkurt - Megjithë përfitimet e mëdha që kemi nga lumenjtë dhe kënetat tona natyrore, gjatë 100 viteve të fundit ne kemi arritur të shkatërrojmë rreth dy të tretat e ligatinave të botës, kryesisht për shkak të urbanizimit të pakontrolluar, kanalizimit të lumenjve dhe kullimit të ligatinave.

Çdo vit, më 2 shkurt, ne shënojmë Ditën Botërore të Ligatinave, të cilat mbrohen ndërkombëtarisht nga Konventa Ramsarit, për të rritur ndërgjegjësimin për rolin e tyre të rëndësishëm për njerëzit dhe gjithë botën. Këtë vit, nën moton "Ligatinat për një të ardhme të qëndrueshme urbane", do të theksohet roli i tyre i rëndësishëm për një jetë më të mirë në qytete.

"Kënetat dhe lumenjtë janë shumë të rëndësishme për njerëzit, natyrën dhe speciet që varen nga to. Ato janë pasuri e jetës dhe na ofrojnë shumë më tepër përfitime sesa mendojmë."

"Ato furnizojnë qytete me ujë, na mbrojnë nga përmbytjet, zvogëlojnë ndotjen e ajrit dhe përdoren edhe për rekreacion, gjë që sigurisht kontribuon në shëndetin dhe cilësinë më të mirë të jetës në qytete."

"Ligatinat gjatë reshjeve të mëdha mbajnë ujin e tepërt, duke parandaluar fatkeqësitë natyrore dhe kostot e shkaktuara prej tyre. Bimësia në ligatinat urbane gjithashtu vepron si një filter për lloje të ndryshme të ndotjes, që kontribuon në cilësinë më të mirë të ujit ", tha Marta Rohas Urego, Sekretare e Përgjithshme e Konventës të Ramsarit.

WWF ka punuar për shumë vite në ruajtjen e ligatinave më të rëndësishme botërore dhe këtë vit është partneri zyrtar i Konventës se Ramsarit.

Dhe WWF mendon se zhvillimi i  sotëm urban i paqëndrueshëm është një problem i madh sepse, për shkak të zgjërimit të qyteteve ligatinat janë duke u shkatërruar dhe tharë.

Megjithatë, kur ligatinat dhe lumenjtë mbrohen dhe përdoren në mënyrë të qëndrueshme, ato mund t'u ofrojnë qyteteve përfitime të shumta ekonomike, sociale dhe kulturore.

Në Kosovë ligatina më e rëndësishme është ajo e Hencit, e cila gjendet në afërsi të Aeroportit të Prishtinës, me sipërfaqe prej 70 ha.

Dhe sipas Agjencisë për Mbrojtjen e Mjedisit të Kosovës është formuar në mënyrë artificiale në vitet e 60-ta me bashkim e rrjedhave të Magures dhe Vrelles.

Ku përveç llojeve tjera të florës dhe faunës së egër aty jetojnë më shumë se 50 lloje të shpendëve. Dhe është e shpallur zone e mbrojtur. Mirëpo Kosova ende nuk është pjesë e Konventë së Ramsarit, për shkak se nuk është anëtare e OKB-së.

Në Kroaci, shembull i mirë është lumi Drava dhe kënetat e tij, rrafshinat dhe rrëket për përmbytje, të cilat ofrojnë përfitime të mëdha për banorët e qyteteve ku kalon, duke përfshirë qytete më të mëdha si Cakoveci, Varazhdini, Virovitica dhe Osijeku.

Drava ka furnizuar që nga e klauara këto qytete me ushqim dhe ujë të pijshëm dhe ju ka ofruar banorëve të tyre një natyrë të mrekullueshme për të shijuar.

Për shumë vite, WWF Adria ka mbështetur institucionet kompetente në menaxhimin qëndrueshëm të Rezervatit Ndërkufitarë të biosferës të UNESCO-s Mura-Drava-Danub, për të zvogëluar kërcënimet sic janë menaxhimi i paqëndrueshëm i ujit dhe hidrocentralet e planifikuara.

Për këtë qëllim, ata kanë pranuar fonde të konsiderueshme nga BE-ja për projekte të menaxhimit të qëndrueshëm DRAVA LIFE dhe coop MDD.

Kalendari

Ngjarjet e datës 17 shkurt 2019 - Qeveria e Kosovës mban mbledhje festive për nder të 11-vjetorit të Pavarësisë. (Ndërtesa e Qeverisë, ora 8:00)

- Ngritja solemne e Flamurit të Republikës së Kosovës për nder të 11-vjetorit të Pavarësisë në të cilën marrin pjesë presidenti Hashim Thaçi, kreu i Kuvendit, Kadri Veseli dhe kryeministri Ramush Haradinaj. (Hapësira mes ndërtesës së Kuvendit dhe Qeverisë, ora 8:30) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh te shtatorja e ish-presidentit Ibrahim Rugova. (Sheshi “Ibrahim Rugova”, para Kuvendit, ora 8:45) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh në Kompleksin Memorial “Adem Jashari” në Prekaz. (Prekaz, ora 9:40)

- Në 11 vjetorin e shpalljes së pavarësisë të Kosovës, anëtarë të kryesisë së LDK-së bashkë më struktura të saj, bëjnë homazhe te varri i Presidentit Historik të Kosovës, Dr. Ibrahim Rugova. (Velani, ora 10:00)

- Komuna e Gjilanit organizon homazhe  te varrezat e dëshmorëve. (Gjilan, ora 10:00)

- Federata e Ping-Pongut e Kosovës (FPPK) organizon turneun “Dita e Pavarësisë”.  (ShMU “Tefik Çanga”, Ferizaj, ora 10:00)

- “Star Kids” do të performojnë në sheshin “Skënderbeu” për nder të Pavarësisë. (Sheshi “Skënderbeu” në Prishtinë, ora 10:00)

- Kuvendi i Kosovës mban seancë solemne për nder të 11-vjetorit të Pavarësisë. (Kuvendi i Kosovës, ora 10:45) 

- Komuna e Gjilanit organizon akademi solemne dhe program artistik nga Shkolla e Muzikës në Gjilan. (Teatri i Qytetit, ora 11:00)

- Trupat e Forcës së Sigurisë së Kosovë parakalojnë me rastin e 11-vjetorit të Pavarësisë së Kosovës. (Prej Sheshit “Nënë Tereza” deri te Sheshi “Ibrahim Rugova”, ora 12:20)

- Me rastin e 11-vjetorit të Pavarësisë së Kosovës organizohet koktej për të gjithë të ftuarit në Parakalimin e Trupave të FSK-së. (Hotel “Swiss Diamond”, ora 13:00)

- Dega e Lidhjes Demokratike të Kosovë në Gjilan bën përurimin e bustit të ish-presidentit Ibrahim Rugova (Gjilan, ora 13:00)

- Përfaqësues të organizatave studentore organizojnë një “protestë artistike” në lidhje me vonesën e liberalizimit për qytetarët e Kosovës. (Sheshi “Zahir Pajaziti”, ora 13:00) 

- Komuna e Vushtrrisë organizon manifestimin qendror për shënimin e 11-vjetorit të Pavarësisë. (Kalaja e Qytetit, Vushtrri, ora 13:00)

- Kryeministri Ramush Haradinaj pret në takim deputetët nga Mbretëria e Bashkuar, John Grogan dhe Martin Vickers. (Ndërtesa e Qeverisë, ora 14:00)

- Shoqata e Gastronomëve të Prishtinës, në bashkëpunim me Qeverinë e Kosovës, organizon një event simbolik për Pavarësi. (Sheshi “Skënderbeu”, ora 14:00) 

- Kryetari i Kuvendit të Kosovës, Kadri Veseli, dhe ministri i Kulturë, Rinisë dhe Sportit, Kujtim Gashi, përurojnë Palestrën Sportive në Shtime. (Shtime, ora 15:00)

- Kryeministri Ramush Haradinaj pret në takim delegacionin 17-anëtarësh nga Shtetet  e Bashkuara të Amerikës, të kryesuar nga Senatori James Inhofe. (Ndërtesa e Qeverisë, ora 15:00) 

- Komuna e Lipjanit organizon koncert festiv për 11-Vjetorin e Pavarësisë. (Qendra e Kulturës “Tahir Sinani”, Lipjan, ora 15:00)

- Ansambli Kombëtar i Këngëve dhe Valleve “Shota” mban koncert festiv për Pavarësi. (Sheshi “Zahir Pajaziti”, Prishtinë, 18:00)

- Për 11-vjetorin e Pavarësisë së Kosovës bëhet ndezja e organizuar e fishekzjarrëve. (Sheshi “Zahir Pajaziti”, Prishtinë, ora 18:30)

- Me rastin e 11-vjetorit të Pavarësisë së Kosovës organizohet pritja shtetërore nën përkujdesjen kryeministrit Ramush Haradinaj. (Hotel “Venus”, magjistralja Prishtinë-Ferizaj, ora 19:30)

- Mbahet koncerti festiv për nder të 11-vjetorit të Pavarësisë së Kosovës. (Sheshi “Zahir Pajaziti”, Prishtinë, ora 20:00)