21 Tetor 2019

Haziri: Secila familje bujqësore ka nevojë për prodhimet e Nutrivida

Gjilan, 29 maj - Kryetari i Komunës së Gjilanit, Lutfi Haziri, i shoqëruar nga drejtoresha për Zhvillim Ekonomik, Valbona Tahiri dhe ai i Bujqësisë, Ramiz Ramadani, kanë vizituar fabrikën kanadeze Nutrivida, duke parë nga afër punën që po bëhet aty.

Haziri e ka përgëzuar për punën pronarin, Alban Murati, ndërsa theksoi se produktet e kësaj fabrike janë të nevojshme për çdo familje bujqësore në Gjilan.

“Produktet e Nutrivida janë të nevojshme për çdo familje bujqësore në Gjilan dhe qytetet tjera të Kosovës, sepse është një ushqim në bazë organike dhe eliminon plehrat artificiale që kanë qenë me kimikate të rrezikshme dhe do të ushqej bimën dhe tokën për një produktivitet cilësor”, ka deklaruar Haziri.

Ndërsa, pronari i fabrikës  Nutrivida, Alban Murati, e ka falënderuar kryetarin Haziri për vizitën dhe mbështetjen e ofruar të Komunës në vazhdimësi.

Përndryshe, fabrika “Nutrivida Nutrients”, e cila është fabrikë kanadeze e plehrave artificial, e licencuar në Kosovë, është hapur në Gjilan javë më parë dhe është e para dhe e vetmja e këtij lloji në Ballkan.​

 

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)