20 Nëntor 2019

Grantet e Ministrisë së Bujqësisë po gjenerojnë vende të reja pune

Prishtinë, 5 korrik - Ministria e Bujqësisë, Pylltarisë dhe Zhvillimit Rural,  përmes investimeve me grante investive po arrin që të rrisë kapacitetet prodhuese dhe përpunuese në agrobizneset vendore, si dhe po krijon vende të reja të punës.

Kështu është shprehur Sekretari i MBPZHR-së, Kapllan Halimi, në ceremoninë zyrtare të nënshkrimit të granteve investive me disa përfitues për sektorin e pemëve të imta.

Me këtë rast, ai ka treguar se përmes investimeve të ministrisë agrobizneset vendore po arrijnë që të zgjerojnë veprimtaritë e tyre bujqësore e bashkë me këtë po sjellin edhe prodhime cilësore në tregun vendor, si dhe po gjenerojnë vende të reja të punës.

 “Ministria e Bujqësisë nga viti në vit ka rritur investimet në zhvillimin e veprimtarive bujqësore në agrobizneset vendore, duke ndikuar kështu në rritjen e prodhimtarisë dhe cilësisë së prodhimeve bujqësore. Edhe këtë vit ashtu si edhe viteve të kaluara do të vazhdojmë me këto investime, me qëllim që sektorin e bujqësisë ta bëjmë sa më konkurrues në tregun e huaj”, ka thënë sekretari Halimi.

Po ashtu, ai ka vlerësuar bashkëpunimin e madh me USAID-in ndër vite në projekte të ndryshme bujqësore.

Në anën tjetër, drejtori i Zyrës për Zhvillim Ekonomik në USAID, Brian Martalus, tha se grantet investive për sektorin e bujqësisë kanë ndikuar që ky sektor të zhvillohet dhe avancohet e bashkë me këtë kjo mbështetje ka rezultuar në qëndrueshmërinë e këtij sektori.

Ai ka thënë se bashkëpunimi me MBPZHR-në në projektet bujqësore, po sjell rezultate mjaft të mira në avancimin e mëtejmë të sektorit në gjithë vendin.

Ndryshe, sot janë nënshkruar grantet investive me agrobizneset “Laberion”, Joni-Sh dhe “Manda”, të cilat agrobiznese janë përfituese të granteve inevstive për sektorin e pemëve të imta në kuadër të projektit të MBPZHR-së dhe Misionit të USAID-it, të nënshkruar vitin e kaluar, ku është krijuar një program i veçantë për mbështetjen e zinxhirit të vlerave të frutave të imëta dhe bimëve mjekësore dhe aromatike në Kosovë.

Kalendari

Ngjarjet e datës 20 nëntor 2019

- Ambasada e Finlandës, UBT dhe UNDP organizojnë bashkërisht konferencën “Towards Small Scale Innovative Ecosystems in Kosovo”. (Kampusi Inovativ i UBT-së në Lipjan, ora 9:00)

- Kryeministri në detyrë, Ramush Haradinaj, merr pjesë në konferencën “Small-Scale Innovative Ecosystems in Kosovo”, organizuar nga ambasada e Finlandës në Prishtinë në bashkëpunim me UBT. (Magjistralja Prishtinë - Lipjan, kampusi i UBT-së, ora 9:00)

- Me rastin e shënimit të 20 nëntorit - Ditës Ndërkombëtare të Konventës për të Drejtat e Fëmijëve, Komuna e Gjilanit organizon vizitë nga Asambleja e Fëmijëve në tri shkollat fillore: Selami Hallaqi, Thimi Mitko, Rexhep Elmazi për nder të Ditës Ndërkombëtare të Konventës për të Drejtat e Fëmijëve. (Objektete e shkollave, ora 10:00)

- Koalicioni i OJQ-ve për Mbrojtjen e Fëmijëve hap dyert për fëmijët, prindërit dhe të gjithë qytetarët që dëshirojnë të vizitojnë ambientet e KOMF për të biseduar bashkë për të drejtat e fëmijëve. (Zyret e KOMF, ora 10:00)

- Fillon punimet Kongresi i parë ndërkombëtarë për trajtimin e hershëm të infarktit të miokardit. (Hotel International Prishtina, ora 10:00)

- Mbahet mbledhja e rregullt e Komitetit për Politikë dhe Financa i Komunës së Mitrovicës. (Salla e mediave të Komunës së Mitrovicës, ora 10:00)

- Mbahet mbledhja e gjashtë e rregullt e Këshillit Komunal për Siguri në Bashkësi në komunën e Rahovecit. (Salla e Kuvendit Komunal në Rahovec, ora 10:00)

- Zyra e UNICEF-it në bashkëpunim me Ministrinë e Arsimit, Shkencës dhe Teknologjisë si dhe Shtëpinë e Evropës në Kosovë organizojn aktivitetin kryesor për shënimin e 30 vjetorit të Konventës për të Drejtat e Fëmijës. (Holli i Bibliotekës Kombëtare të Kosovës, ora 11:00) 

- OQJ Integra organizon publikimin e raportit “Instituti i Vetizoluar - Vlerësim i Shoqërisë Civile për Institutin Albanologjik të Prishtinës”. (Hotel Sirius, ora 11:00)

- Fëmijët e çerdhës "Dardania" në Gjilan dhurojnë 120 pako dhurata për fëmijët me nevoja të veçanta. (Gjilan, ora 11:00) 

- Mbahen aktivitete argëtuese për fëmijët e zgjedhur nga Handikos, Asambleja e Fëmijëve, fëmijët nga komunitetet si dhe nga shkollat SHFMU, Gjilan mbështetur nga 'Albanica' dhe 'Kimi'. (Gjilan, ora 12:00)

- Komuna e Gjilanit organizon program nga Qendra e Vallëzimit Modern “Dancing House” Vallëzim Modern, Balet dhe Popullore. (Teatri i Qytetit, Gjilan ora 15:00)

- Qendra Multimedia shfaq "Pesë stinet e armikut te popullit" me regji të Blerta Nezirajt. (Teatri "Bekim Fehmiu" në Prizren, ora 20:00)