14 Tetor 2019

Gjilani shpërndan mekanizim bujqësor për 60 farmerë

Gjilan, 23 shtator - Drejtoria e Bujqësisë e Komunës së Gjilanit ka shpërndar sot mekanizim bujqësor për 60 farmerë, vlera e të cilëve është afro 53 mijë euro.

Drejtoria i Bujqësisë, Ramiz Ramadani, ka deklaruar se ky është viti i gjashtë që Komuna e udhëhequr nga Lutfi Haziri shpërndan këtë pako.

“Është viti i gjashtë i qeverisjes së z Lutfi Haziri që e promovojmë këtë projekt, duke e vlerësuar rëndësinë e mekanizimit bujqësor. Nga kjo pako mbështetëse, përfitojnë 20 farmerë me spërkatëse 440 litërshe, 10 farmerë përfitojnë rotofreza, 10 të tjerë përfitojnë piajtore me 24 disqe, 10 farmerë kosa rotative, ndërsa 10 farmerë të tjerë përfitojnë grumbulluese të sanës. Për pak ditë, edhe dhjetë fermerë do të furnizohen me makina për mbjelle të misrit. Pra, janë 70 pajisje mekanizimi. Urime të gjithë përfituesve”, tha Ramadani.

Pasi e ka falëndëruar kryetarin Haziri për mbështetjen sistematike ndaj sektorit të bujqësisë, Ramadani tha se krahas këtij aktiviteti, Drejtoria për Bujqësi e ka të hapur edhe thirrjen për aplikim për farë të grurit, duke shtuar se mekanizimi bujqësor do ta krijojë mundësinë e punimit cilësor të tokës e rritjes së rendimentit.

Ndërsa, farmeri nga Pogragja, Ismajl Rexhepi, e ka falënderuar kryetarin Haziri për mbështetjen në mekanizim, duke thënë se ky është një lehtësim i madh për të për punmin e tokës. 

Kalendari

Ngjarjet e datës 14 tetor 2019

- Shefja e BE-së në Kosovë, Ambasadorja Apostolova, do ta hapë vitin e ri akademik në Kolegjin Ndërkombëtar të Biznesit në Mitrovicë. (Kampusi i IBCM-së, Mitrovicë e Jugut, ora 10:00)

- Drejtoria për Ekonomi, Zhvillim dhe Turizëm në komunën e Rahovecit mban sesionin informues në thirrjen për aplikim të publikuar nga Zyra e Bashkimit Evropian në Kosovë me bizneset e komunës. (Salla e mbledhjeve të Kuvendit Komunal të Rahovecit, ora 10:00)
 
- Asociacioni i Gazetarëve të Kosovës në bashkëpunim me agjencitë, fondet, programet dhe entitetet e OKB-së në Kosovë - Ekipin e OKB-së së Kosovës nën koordinimin e Zyrës e Koordinatores për Zhvillim do të shënojë Ditën Ndërkombëtare për Zhdukjen e Varfërisë. (Menza Ramiz Sadiku, ora 15:00)