18 Shtator 2018

Gjilani mobilizohet për aksionin “Ta pastrojmë Gjilanin”

Gjilan, 14 shtator - Kryetari i Komunës së Gjilanit, Lutfi Haziri, me këshillin komunal të drejtorëve, me përfaqësuesit e Kuvendit, ka takuar sot udhëheqësit e të gjitha institucioneve duke përfshirë Gjykatën, Prokurorinë, Policinë e Kosovës, Forcën e Sigurisë së Kosovës, Universitetit, Bashkësinë Islame, udhëheqësit e shëndetësisë në nivelin primar dhe regjional, ndërmarrjet komunale etj, me të cilët kanë bashkëbiseduar për organizimin masovik të fillimit të aksionit për pastrim të Gjilanit.

Kryetari Haziri ka kërkuar pjesëmarrje masive nga të gjitha institucionet e përmendura dhe nga shoqëria civile e nga qytetarët për të krijuar një ambient më të mirë.

Ai ka potencuar se takimi në qendër të qytetit është nga ora 9:00 në sheshin “Agim Ramadani” për t’u shpërndar pastaj në bazë të lokacioneve të caktuara me planin e veprimit.

“Pas takimit shpërndarja e masës bëhet në drejtim të rrugës së Prishtinës, të Preshevës dhe të Bujanocit. Gjithashtu secila shkollë me komunitetin do të bëjnë pastrimin e ambientit të shkollës por edhe të lagjesnën. Ekipe tjera do të pastrojnë varrezat e qytetit, varrezat e dëshmorëve, të pendës, lumenjëve, parqeve, institucioneve dhe hapësirave rreth tyre, pastaj ambientin e institucioneve shëndetësore, të institucioneve të drejtësisë, sigurisë dhe mbrojtjes. Këshillat e Fshatrave dhe lagjeve së bashku edhe me Bashkësinë Islame dhe banorët nëpër këto lokalitete do të pastrojnë fshatin, varrezat e fshatrave dhe hapësirat publike nëpër fshatra”, ka thënë kryetari Haziri.

Ai gjithashtu ka bërë thirrje që bashkërisht të krijojmë një ambient të pastërt për jetë, në mënyrë që java e parë e pastrimit të arrij qëllimin e saj real, për të vazhduar pastaj me planin e gjelbrimit të zonave të ndryshme, kudo që është e nevojshme në koordinim me komunitetin.

Kryetari ka apeluar te të gjithë qytetarët dhe komuniteti i biznesit që t’i bashkohen aksionit për pastrim dhe të jenë kontribues të ruajtjes së pastërtisë më vonë.

Të gjithë pjesëmarrësit tjerë në këtë takim kanë konfirmuar gatishmërinë e tyre për angazhim maksimal, në mënyrë që efekti i aksionit të jetë i lartë.  

Kalendari

Ngajrjet e datës 18 shtator 2018

- Ambasadori gjerman, Christian Heldt dhe ambasadori francez, Didier Chabert, do të mbajnë  ligjeratë në hapjen e ketij sesioni të Universiteti Veror  gjermano-francez. (Fakulteti Juridik i  Universitetit të Prishtinës, ora 8:30)

- Në Kuvendin e Republikës së Kosovës vazhdon mbledhja e pestë e Komisionit Parlamentar për Stabilizim-Asociim BE-Kosovë. (Salla e mbledhjeve plenare të Kuvendit, ora 9:00)

- Oda Ekonomike e Kosovës do të mbajë konferencën e rradhës për media në të cilën do të flitet për iniciativën “ Komiteti i biznesit dhe zhvillimi i sportit”. (Objekti i Odës Ekonomike të Kosovës, ora 9:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Planit të punës së Komisionit për sesionin vjeshtor 2018. (Ndërtesa e Kuvendit, salla N 302, ora 10:00)

- Kryeparlamentari Kadri Veseli pret në takim Ambasadorin e SHBA-së në Kosovë, Greg Delawie. (Kabineti i Kryeparlamentarit, ora 10:00)
 
- Ministri i Zhvillimit Ekonomik, Valdrin Lluka viziton Telekomin e Kosovës me ç’rast do të pritet nga Kryeshefi i kësaj kompanie Gent Begolli dhe Bordi i Drejtorëve. (Telekomi i Kosovës, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të behët shqyrtimi i Planit të punës së Komisionit për sesionin vjeshtor 2018. (Ndërtesa e Kuvendit, salla N 225, ora 10:00)

- Presidenti i Republikës së Kosovës, Hashim Thaçi, pret në takim Ministren e Mbrojtjes së Republikës së Italisë, Elisabetta Trenta. (Kabineti i Presidentit, ora 10:30 vetëm pamje)

- Kryeministri Ramush Haradinaj pret në takim ministren e Mbrojtjes së Italisë, Elisabetta Trenta. (Ndërtesa e Qeverisë, ora 11:00)


- Presidenti i Republikës së Kosovës, Hashim Thaçi  mbanë konferencë për media. (Kabineti i Presidentit, ora 11:15)

- Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal se  bashku me  Zyren e Rregullatorit për Energji dhe Federaten e Sindikatave të Pavarura ElektroKosova diskutojn lidhur me "Raportet Konsultative për përcaktimin e të Hyrave të Lejuara Maksimale" si dhe "Raportin Konsultativ për përcaktimin e Faktorit të efikasitetit". (Ndërtesa e Kuvendit, salla N204, ora 11:00)

- Hapet e dyqani i tretë të bamirsisë "Teshavesha" në Ferizaj. (Ferizaj, rr. Ahmet Kaqiku, afër stacionit të autobusave, ora 12:00)

-  Mbahet ceremonia e ndarjes së çmimit letrar "Beqir Musliu". Ky çmim ndahet tashmë tradicionalisht dhe është ndër çmimet e veçanta në fushën e letërsisë. (salla e Kuvendit të Komunës së Gjilanit, ora 12:00)

- Mbahet mbledhja e Komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Planit të punës së Komisionit për sesionin vjeshtor 2018. (Ndërtesa e Kuvendit, salla N 303, ora 12:00)

- Të dy kryesuesit e Komisionit Parlamentar për Stabilizim-Asociim BE-Kosovë mbajn konferencë për shtyp. (Holli i Kuvendit, ora 12:30)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Kryeministri Ramush Haradinaj dhe kryeparlamentari Kadri Veseli, organizojnë pritje lamtumirëse për ambasadorin e SHBA-së në Kosovë, Greg Delawie. (Ndërtesa e Qeverisë, ora 18:00)