19 Nëntor 2018

Gjilani gati për korrje - shirjet

Gjilan, 3 korrik - Komisioni Komunal për korrje-shirje është takuar sot me autokombanjerët e Gjilanit, ku janë diskutuar gjendja teknike e autokombajnave, kushtet dhe çmimi i korrjes, që sivjet do të jetë 100 euro, i rekomanduar nga Ministria e Bujqësisë.

Nga autokombajnerët është kërkuar të presin vlerësimin e komisionit për të filluar korrje-shirjet që edhe këtë vit janë afro tre mijë hektarë të mbjella me grurë, elb, tërshërë dhe thekër.

Kryetari i këtij Komisioni, njëherit drejtor i Drejtorisë për Bujqësi, Ramiz Ramadani, kërkoi mobilizim të të gjithë akterëve të përfshirë në fushatën e korrje-shirjeve, me qëllim që gjithçka të jetë në dinamikë të lartë të punës që bereqeti për të cilin fermeri ia kushton tërë vitin të korret në bazë të standarteve më të larta dhe në kohën optimale.

Ai ka kërkuar nga kombajnerët që të jenë të pajisur me të gjitha pajisjet e nevojshme dhe të jenë gjithashtu të gatshëm edhe në promovimin dhe parandalimin e inicimit të zjarreve eventuale.

Gjithashtu, nga kombajnerët është kërkuar që të mos nxitojnë në fillimin e fushatës para se komisioni ta vlerësoj pjekjen teknologjike të grurit dhe ta bëjë hapjen zyrtare të fushatës.

 Në komunën e Gjilanit këtë vit janë të mbjellura afro tre mijë hektar grurë, elb dhe tërshërë, ndërkaq operojnë rreth 70 autokombajna të mjaftueshëm për përfundimin e shpejtë dhe të suksesshëm të fushatës.

Në këtë takim ka marrë pjesë edhe pronari i mullirit “Alia Comerc”, në Cërrnicë, që është edhe grumbulluesi kryesor i grurit, i cili gjithashtu është zotuar para komisionit dhe kombajnerëve se ka kapacitete të mjaftueshme për grumbulolimin e gjithë sasisë së grurit.

Kalendari

Ngjarjet e datës 19 nëntor 2018 - Kuvendi i Republikës së Kosovës shënon Diten e Konventës Ndërkombëtare për të Drejtat e Fëmijëve.(Ndërtesa e Kuvendit, salla C 405, ora 10:00) 

- Kryeparlamentari Kadri Veseli merr pjesë në Ditën e Konventës Ndërkombëtare për të Drejtat e Fëmijëve. (Ndërtesa e Kuvendit, salla C 405, ora 10:00)

- Mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 11:00)

- Programi i Kombeve të Bashkuara për Zhvillim do të përurojë impiantin i për trajtimin e ujërave të zeza në vise rurale në fshatin Kramovik, Komuna e Rahovecit. (Fshati Kramovik, ora 11:00)

- Ministri i Mjedisit dhe Planifikimit Hapësinor, Fatmir Matoshi, do të marrë pjesë në ceremoninë e inaugurimit të Impiantit për Trajtimin e Ujërave të Zeza - moçalishtë e ndërtuar në Kramovik të komunës së Rahovecit. (Fshati Kramovik, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Ferizajt, Agim Aliu për avansimin e pozitës së të rinjve në sport, kreativitet kulturor dhe mendim kritik dhe në dituri. (Objekti i Komunës së Ferizajt, ora 11:00)

- Kryeparlamentari Kadri Veseli merr pjesë në mbledhjen e Kryesisë së Kuvendit. (Ndërtesa e Kuvendit, salla C 301, ora 11:00)

-  Mbahet ceremonia e nënshkrimit të marrëveshjes së bashkëpunimit ndërmjet Ministrisë së Integrimit Evropian dhe Norvegjisë, me ç’rast nënshkruhet projekti përkrahës i Norvegjisë për ngritjen e kapaciteteve të shërbyesve civilë për zbatimin e MSA-së. (Ndërtesa e Qeverisë, salla e Konferencave P-32, ora 11:00)

- Kryeparlamentari Kadri Veseli pret në takim të përbashkët ministrin e Financave, ministrin e Drejtësisë dhe kryeshefin e Agjencisë Kundër Korrupsionit në Kosovë. (Kabineti i Kryeparlamentarit, ora 13:00)

- Kryetari i Nismës Socialdemokrate, Fatmir Limaj, mban takim me të rinjtë e Nismës në Shtime. (Shtëpia e Kulturës në Shtime, ora 16:00)
 
- Kryetari i Nismës Socialdemokrate, Fatmir Limaj, mban takim me të rinjtë e Nismës në Lipjan. (Golden Day në Lipjan, ora 18:00) 

- Galeria Kombëtare e Kosovës organizon hapjen e ekspozitës “Muzeu i tri pikave” të artistit Lulzim Zeqiri. (Galeria Kombëtare e Kosovës, ora 20:00)