27 Nëntor 2020

Fillon punimi i arave në veri të Mitrovicës

Mitrovicë, 20 maj - Pas përmirësimit të kushteve atmosferike ka rinisur punimi i arave në veri të Mitrovicës, përkatësisht në sipërfaqet bujqësore që janë prona të banorëve të Suhadollit dhe Vidimriqit.

Këto punë janë duke u realizuar në kuadër të një Memorandumi Mirëkuptimi për subvencionimin e fermerëve në këtë pjesë të Kosovës që është bërë ndërmjet Komunës së Mitrovicës, koordinatorit të Zyrës së Qeverisë së Republikës së Kosovës për Veriun e Mitrovicës dhe Ministrisë së Bujqësisë.

Për të parë ecurinë e punëve të enjten kanë dalur në terren zyrtarë të komunës si dhe koordinatori i Qeverisë së Kosovës për Strategjinë gjithëpërfshirëse për veriun, Ylber Hysa, të cilët kanë theksuar se punët janë duke ecur mirë dhe pa probleme.

Hysa tha se gjithçka po shkon mirë dhe njerëzit janë shumë të kënaqur me këtë projekt, meqë ata për dhjetë vjet rresht nuk kanë mundur t‘i punojnë tokat e tyre.

Ndërsa Rasim Veseli, drejtor i Drejtorisë për Shërbime Publike dhe Infrastrukturë në Komunën e Mitrovicës, tha se interesimi i banorëve për t’u bërë pjesë e këtij projekti, nëpërmjet të cilit janë siguruar nga 280 euro për punimin e çdo hektari tokë ka qenë shumë i madh.

Ai theksoi se kërkesat e fermerëve për punimin e tokës janë më shumë se për 100 hektarë sa janë paraparë në memorandumin e  nënshkruar për subvencionimin e fermerëve të veriut.

Shumë të kënaqur me punën e filluar shpreheshin edhe banorët e asaj ane. Ali Haliti, në arën e të cilit pas dhjetë vitesh shihej gjallëri nga traktorët që lëvronin arën, thotë se tash duket që gjërat kanë nisur të kthehen mbarë. Ai thekson se pas luftës disa herë kishin provuar që t’i punonin tokat e tyre, por ju kishte munguar siguria.

 

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)