09 Dhjetor 2018

FAO ndihmon veterinerët në Ballkan për të luftuar sëmundjet e kafshëve

Budapest, 12 Shkurt – Manuali i FAO për sëmundjen e lëkurës e njohur si dermatoza nodulare (LSD) për veterinerët tani vjen në gjashtë gjuhë, për të ndihmuar në parandalimin dhe kontrollin e sëmundjes së kafshëve që është përhapur në Evropë që nga viti 2015. Kjo plotëson edhe trajnimin e trajnerëve, duke mbuluar edhe një sëmundje tjetër të ripërtypësve, sëmundjen e gjuhës blu, në ish Republikën Jugosllave të Maqedonisë.

Nxitur nga ngrohja e klimës, shumë sëmundje ekzotike dhe lokale ndërkufitare të kafshëve, janë duke u përhapur shpejt nëpër kontinente dhe territore të reja. Aftësia për t'u përballur me to, ndikon në mjetet e jetesës së shumë rritësve të bagëtive - kryesisht fermerëve familjarë që mbështeten në ekspertizën e veterinerëve.

Ardhur nga Afrika, sëmundja e dermatozës nodulare ka një histori të shkurtër në Evropë por është përhapur në Ballkan, Kaukaz dhe Federatën Ruse dhe po kërcënon të përhapet më tej në lindje në Azinë Qendrore. Megjithatë, shumë veterinerë në terren nuk janë të njohur me tiparet klinike të sëmundjes, rrugët e transmetimit dhe opsionet për parandalimin dhe kontrollin. Gjatë një epidemie të mundshme të sëmundjes, një përgjigje e shpejtë është thelbësore.

Profesionistët e shëndetit të kafshëve mund të përdorin manualin me udhëzime praktike në gjuhën shqipe, angleze, maqedonisht, ruse, serbe dhe turke. Përveç kësaj, kopjet fizike të këtij manuali janë shpërndarë në shërbimet veterinare në Ballkan dhe së shpejti do të transportohen në tetë vende në Evropën Lindore dhe Azinë Qendrore që janë në rrezik për përhapjen e sëmundjes.

"Sëmundja e dermatozës nodulare mund të shkaktojë humbje serioze ekonomike për fermerët, veçanërisht në rastin e fermerëve të vegjël familjarë që mbështeten shumë tek kafshët individuale", tha zyrtari i FAO për shëndetin e kafshëve, Daniel Beltrán-Alcrudo. "Për më tepër, sëmundja ka implikime serioze tregtare për vendet eksportuese."

Kafshët e prekura kanë dëmtim në lëkurë, gjë që mund ta cënojë dhe shitjen e lëkurës së tyre të vlefshme. Efektet e tjera të sëmundjes së lëkurës janë ulja e sasisë së prodhimit të qumështit dhe ulje e pjellorisë. Virusi transmetohet kryesisht nga pickimet e insekteve.

Përveç sëmundjes së dermatozes nodulare, FAO gjithashtu ka punuar për të luftuar sëmundjen e sëmundjes së gjuhës blu në rajon. Në fund të vitit 2017, FAO drejtoi një program trainimi për trajnerët në ish Republikën Jugosllave të Maqedonisë, duke arritur tek veterinerët zyrtarë dhe privatë në terren.

 "Gjithsej, 281 veterinerë morën pjesë në program," tha Beltrán-Alcrudo. "Ata kanë mësuar për karakteristikat kryesore të të dy sëmundjeve, praninë e tyre në rajon, mënyrat për të trajtuar një epidemi, vaksinim dhe raportim".

FAO planifikon të vazhdojë me trajnime të ngjashme, duke u fokusuar në LSD në Bjellorusi, Moldavi dhe Ukrainë. Secili prej këtyre vendeve është në rrezik të lartë infektimi.

Kalendari

Ngjarjet e datës 10 dhjetor 2018 - Ambasador i Shteteve të Bashkuara të Amerikës, Philip S. Kosnett së bashku me ambasadorët e Mbretërisë së Bashkuar, Italisë dhe Francës,  të ngarkuarin me punë të ambasadës gjermane, Kryesuesen e Zyrës së BE-së në Kosovë, si dhe një përfaqësues të organizatës Iniciativa për Progres do të flasin gjatë hapjes së Javës kundër korrupsionit në Kosovë. (Sirius Hotel, ora 9:30)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë aktivitetin “Çohu për të Drejtat e Njeriut” për shënimin e 10  dhjetorit, Ditës Ndërkombëtare për të Drejtat e Njeriut.​  (Teatri Kombëtar të Kosovës, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për Ratifikimin e Marrëveshjes për Protokollin Shtesë 5 të Marrëveshjes për Amendimin dhe Aderimin në Marrëveshjen e Tregtisë së Lirë të Evropës Qendrore si dhe shqyrtimi i vendimit të Qeverisë për emërimin e anëtarëve të Bordit të Agjencisë Kosovare të Privatizimit. (Ndërtesa e Kuvendit, salla N 303, ora 11:00)

- Koalicioni i Organizatave për Mbrojtjen e Fëmijëve organizon konferencën për avancimin e shërbimeve shëndetësore dhe rehabilituese për fëmijë. (Hotel Sirius, ora 10:00)

- Mbahet konferenca e Forumit të Rinisë së LDK-së me temën “Pa-siguria Sociale dhe Ekonomike e të Rinjve në Kosovë”. (Hotel Sirius, ora 10:00)

- Mbahen punimet e Forumit Kosovaro-Maqedonas të Sigurisë 2018, që organizohet nga Fondacioni “Konrad Adenauer Stiftung”, Kolegji AAB dhe Universiteti Kliement Ohridski, Fakulteti i Sigurisë, Shkup. (Kolegji AAB, ora 10:00)

- Klubi  Dëshira organizon promovimin e programit të Ndërmarrjes Sociale Dëshira. (Hotel Prishtina, ora 10:00)

-  Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Vushtrrisë. (Restaurant Holiday, ora 11:00)

- Muzeu i Kosovës për nder të ditës ndërkombëtare të drejtave të njeriut do të bëjë promovimin e katalogut me imazhe taktile dhe të përkthyer në Brail në bashkëpunim me shoqatat e të verbërve në Kosovë. (Muzeu i Kosovës, ora 11:00)

- Koalicioni i OJQ-ve “Java Kundër Korrupsionit 2018” organizon tryezën e diskutimit me temë “Parandalimi dhe luftimi i konfliktit të interesit në pushtetin gjyqësor”. (Hotel Sirius, ora 11:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje bashkëpunimi me kryetarin e Komunës së Klinës Zenun Elezaj. (Objekti i Komunës së Klinës, ora 11:30)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë marshin “Çohu për të Drejtat e Njeriut”, i cili fillon nga sheshi “Skënderbeu” deri te sheshi “Zahir Pajaziti”. (Sheshi “Skënderbeu”, ora 12:00)

 - Mbahet mbledhje e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi në parim i Projektligjit për Arsimin e Lartë në Republikën e Kosovës(Ndërtesa e Kuvendit, salla N 303, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje me kryetarin e Komunës së Junikut Agron Kuçi. (Objekti i Komunës së Junikut, ora 13:30)

- Me rastin e 10 Dhjetorit, Ditës Ndërkombëtare të të Drejtave të Njeriut, Kolegji AAB në bashkëpunim me KMDLNJ organizojn tryezë që i kushtohet Adem Demaçit, fitues i Çmimit Saharov dhe çmimeve të tjera ndërkombëtare për të drejtat e njeriut. (Qendra Mediale e Kolegjit AAB, ora 14:00)

- Qendra Kinematografike e Kosovës në bashkëpunim me Shtëpinë e Kulturës në Bujanoc organizojn Javën e Filmit të Kosovës në Bujanoc. (Shtëpia e Kulturës në Bujanoc, ora 17:00)

- Mbahet ceremonia e dorëzimit të çmimit që shënon Ditën Ndërkombëtare Kundër Korrupsionit për të falenderuar publikisht kontributet e gazetarëve të guximshëm të cilët zbulojnë rastet e korrupsionit dhe për të rritur ndërgjegjësimin përmes tregimeve të tyre. (Grand Hotel, ora 17:30)