21 Tetor 2019

Denoncohet MBPZHR për keqpërdorime gjatë shpërndarjeve të granteve

Prishtinë, 26 tetor - Oda e Afarizmit të Kosovës përkrah denoncimin që Kompania Bylmeti bëri ndaj keqpërdorimeve që po bëhen gjatë shpërndarjeve të granteve, rasti konkret i Grantit nga Agjencioni për Zhvillimin e Bujqësisë.

Duke pas parasysh që këto grante ndikojnë në zhvillimin e biznesit dhe krijimin e vendeve të reja të punës, Oda e Afarizmit të Kosovës kërkon nga Qeveria e Kosovës që të gjitha fondet të cilat janë të dedikuara për zhvillimin e vendit të shkojnë aty ku edhe janë të parapara dhe se çdo keqpërdorim i fondeve të përballet me organet e drejtësisë.

Oda e Afarizmit të Kosovës përkrah dhe kërkon nga bizneset që të jenë sa më bashkëpunues dhe të paraqesin raste të tilla të keqpërdorimeve, pasiqë shpërndarja e drejtë granteve do të ndikonte pozitivisht jo vetëm në zhvillimin e biznesit por edhe në rritje të punësimit dhe zhvillim ekonomik të Kosovës.

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)