28 Maj 2020

Dëmtimi dhe shkatërrimi i pyjeve në përmasa shqetësuese

Prishtinë, 30 korrik - Pas një njoftimi të Policisë së Kosovës lidhur me prerjet ilegale të pyjeve në fshatin Keqekollë të komunës së Prishtinës, ministri i MBPZHR-së Blerand Stavileci së bashku me ekipin e tij, dje me 29 korrik (e enjte) ishte në vendin e ngjarjes dhe shikoi për së afërmi dëmet e shkaktuara.

Osman Osmani banor i fshatit të lartpërmendur, kishte marrë nga MBPZHR-ja, përkatësisht nga AKP-ja (Agjensioni Pyjor i Kosovës) lejen për prerjen e 150 metrave kub/dru, ndërsa në vendin e ngjarjes janë gjetur përafërsisht 400 m3 dru të llojit bung, shkozë dhe çarr.

Në këtë rast, ministri Stavileci dha urdhër të menjëhershëm për konfiskim të masës së jashtligjshme.

I shqetësuar nga ngjarja në terren, ministri Stavileci, në praninë e Policisë së Kosovës, Policisë së EULEX-it, zyrtarëve të APK-së, mediave dhe të pranishmëve të tjerë tha se prerjet ilegale të pyjeve janë një dukuri e shëmtuar.

"Këto janë krime ekologjike dhe ekonomike dhe këta njerëz të cilët e kanë bërë këtë krim të pariparueshëm që po e shohim sot këtu, do të përballen me drejtësinë dhe ligjin dhe për ta nuk do të ketë aspak mëshirë. Ne jemi të përkushtuar që t’i shkojmë deri në fund luftimit të kësaj dukurie negative", shtoi ministri Stavileci.

Ministria e Bujqësisë, Pylltarisë dhe Zhvillimit Rural, përkatësisht Agjensioni Pyjor i Kosovës muajin e kaluar ka nënshkruar Memorandumin e Mirëkuptimit me të gjitha komunat e Kosovës, për delegimin e kompetencave në menaxhim me pyje dhe bartja e kompetencave nëpër komuna është bërë me qëllim të parandalimit të dëmtimit dhe shkatërrimit të pyjeve, tha ministri Stavileci.

Ai më tej shtoi se duhet të informohen të gjithë lidhur me aksionin e sotëm dhe ata që merren me veprimtari të tilla, duhet ta kenë të qartë se do të denohen dhe do të gjykohen sipas ligjit.
 

Kalendari

Ngjarjet e datës 28 Maj 2020  - Kryeministri në detyrë, Albin Kurti, viziton Komunën e Prishtinës. (Objekti i vjetër i Komunës, ora 10:00)

 - Mbahet mbledhja e Komisionit për Ekonomi, Punësim, Tregti, Industri, Ndërmarrësi dhe Investime Strategjike në të cilën do të votohet Raporti Vjetor i Zyrës së Rregullatorit të Energjisë, si dhe shpallja e konkursit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit”, etj. (Ndërtesa e Kuvendit, salla N10, ora 11:00 -mbledhja do të mbahet pa prezencën e mediave)

- Ambasada e Italisë dhe Ushtria Italiane prezantojnë kontributet e tyre për Ministritë e Shëndetësisë dhe Ministrinë e Punëve të Brendshme dhe të Administratës Publike në përgjigje të pandemisë globale Covid-19 në Kosovë. (Salla e konferencave të Administratës Qendrore të QKUK-së, ora 11:00)

- Mbahet mbledhja e Kryesisë së Kuvendit në të cilën do të diskutohet kërkesa e KOSTT-it për miratimin e Planit të biznesit, propozim rregullorja për rendin dhe qasjen e  mediave dhe të publikut në punën e Kuvendit, propozim rregullorja për shfrytëzimin e automjeteve të Kuvendit, raporti i shpenzimeve të Kuvendit, shpenzimet e telefonisë mobile dhe reprezentacionit, etj. (Ndërtesa e Kuvendit, salla  C-301, ora 12:00)

- Qendra për Zhvillim të Karrierës në Universitetin e Prishtinës. aktivitetit “KarrieraUP” ku folës do të jetë përfaqësuesi nga kompania farmaceutike “Gentipharm”, Demir Shkodra. (Facebook.com/qzhkunipr, ora 13:00)

- Komisioni Qendror i Zgjedhjeve mban mbledhjen e radhës në të cilën shqyrton raportin për azhurnimet e të dhënave vjetore të Partive Politike, raportin për dorëzimin e raporteve të shpenzimeve vjetore të partive politike, raportin për deklarimin e partive politike për vazhdimin e regjistrimit, etj. (Selia e KQZ-së, ora 13:30)

- Partia Demokratike e Kosovës, mban konferencë për media. (Selia e Partisë Demokratike të Kosovës, ora 15:30)

- Një delegacion austriak i kryesuar nga Ministri për Evropë dhe Punë të Jashtme, Alexander Schallenberg do të qëndrojë për vizitë të shkurtër zyrtare në Republikën e Kosovës ku do të pritet nga Ministri i Punëve të Jashtme dhe Diasporës i Republikës së Kosovës, Glauk Konjufca. (Hapësirat e Terminalit VIP të Aeroportit Ndërkombëtar të Prishtinës, ora 15:45)

- Lëvizja Vetëvendosje organizon protestë. (Sheshi “Skënderbeu”, ora 17:00)

- Ministri i Punëve të Jashtme dhe Diasporës, Glauk Konjufca, Ministri i Integriemev Evropiane Blerim Reka se bashku me Ministrin për Evropë dhe Punë të Jashtme te Austrisë, Alexander Schallenberg dhe Ministren për Evropë e Austrisë, Karoline Edtstadler mbajnë konferencën e përbashkët për media. Aeroporti i Prishtinës, ora 17:00)