06 Shkurt 2023

Çështja e mbrojtjes së ambientit nuk është luks

Prishtinë, 26 tetor - Presidentja e Republikës së Kosovës, Vjosa Osmani, bashkë me Ministrin e Mjedisit, Planifikimit Hapësinor dhe Infrastrukturës, Liburn Aliu dhe ministrin e Bujqësisë, Pylltarisë dhe Zhvillimit Rural, Faton Peci morën pjesë në mbjelljen e drunjve në aksin rrugor tek Aeroporti Ndërkombëtar i Prishtinës.

“Çështja e mbrojtjes së ambientit nuk është çështje luksi, por ka të bëjë me ajrin që e thithim çdo ditë. Bashkë më ministrat do të vazhdojmë fazën e dytë ku do të angazhohet edhe mërgata, e cila është shtytëse  në shumë procese”, deklaroi presidentja Osmani.

Tutje, presdidentja shtoi se duke e mbrojtur ambientin e mbrojmë shëndetin tonë.  "Këtu është vendi që e shohin të gjithë qytetarët tanë, duke falënderuar, ministritë dhe partnerët ndërkombëtarë, të cilët i japin rendësi kësaj kauze", theksoi, mes tjerash, presidentja Osmani.

Ndërsa minsitri Liburn Aliu, theksoi se rreth 500 drunj janë të dhuruar nga kompania “Chair airline” dhe shtoi zotimin e Minsitrisë që ai drejton, me iniciativën e presidentes, deri më tani, janë mbjellë 850 mijë drunj.

“Rregullojmë peisazhin, ndotja e ajrit nga industria e thëngjillit dhe politikat e ndryshimeve klimatike. Po e përmbajmë zotimin tonë. Shumë projekte tjera do kemi”, deklaroi ministri Aliu.

Ndërkaq ministri Peci bëri të ditur se mbjellja e tyre ka filluar në tetor të vitit te kaluar e do të përfundojë këtë vit. "Iniciativa të tilla nga liderë shtetëror kanë rëndësi kombëtare", deklaroi ai, derisa theksoi se është avancuar legjislacioni, ku me task-forcën do të parandalohet prerja ilegale.

"Një ditë e mirë te jemi së bashku në Kosovën e bukur. Drunjtë janë mbrojtës së natyrës. Për këtë arsye jemi përgjegjës të mbjellim me shumë  drunj", tha përfaqësuesi i UNDP-së.

Kalendari

Ngjarjet e datës 6 shkurt 2023

- Forumi Rinor i Lidhjes Demokratike të Kosovës do të organizoj një aksion si reagim ndaj skandalit të fundit me vende të punës në Arsim dhe akuzave publike për shitjen e vendeve të punës. (Para Komunës së Prizrenit, ora 9:30)
    
- Ministria e Financave, Punëve dhe Transfereve lanson Platformën për Punësim të të rinjve ku pjesëmarrës do të jenë Kryeministri, Albin Kurti, Ambasadori i Zvicrës, Thomas Kolly dhe Ministri, Hekuran Murati. (Hotel Sirius, ora 10:00)
    
- Mbahet mbledhja e Kryesisë së Kuvendit ku në rend dite është Interpelanca e Kryeministrit të Republikës së Kosovës, Albin Kurti. (Kuvendi i Kosovës, salla C301, ora 11:00)

- Kryesia e Parlamentit Studentor mban konferencë për media lidhur me organizimin e marshit kundër asociacionit. (Para Bibliotekës Kombëtare në Prishtinë, ora 11:00)

    Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Qeveritar për Persona të Zhdukur dhe Këshillit Koordinues të Familjarëve të Personave të  Zhdukur gjatë luftës në Kosovë. (Kuvendi i Kosovës, salla N302, ora 12:00)

 

- Kryeministri i Republikës së Kosovës, Albin Kurti dhe ministri i Financave, Punës dhe Transfereve, Hekuran Murati vizitojnë ndërmarrjen “Liri”, në Prizren. (Ndërmarrja "Liri", Prizren, ora 16:00)

 

- Kryetari i Kryeqytetit Përparim Rama së bashku me përfaqësuesit e grupeve të qytetarëve organizojnë ceremoninë e nënshkrimit të Agjendës për Kontratën Sociale për Kryeqytetin që është zotim i përbashkët ndërmjet zyrtarëve të komunës dhe qytetarëve për të përmirësuar komunikimin, bashkëpunimin dhe veprimet kolektive. (SHFMU “Ismail Qemajli”, Bregu i Diellit, ora 19:00)