25 Nëntor 2020

Bujqësia prioritet i zhvillimit ekonomik

Prishtinë, 16 prill - Kryetari i Odes Ekonomike te Kosovës (OEK), Safet Gërxhaliu u takua sot me Ministrin e Bujqësisë, Pylltarisë dhe Zhvillimit Rural (MBPZHR), Blerant Stavileci me te cilin bisedoi lidhur me çështjet aktuale te bashkëpunimit ne mes te dy institucioneve dhe prioritetet e zhvillimit të bujqësisë ne vend.

Gjate takimit kryetari Gërxhaliu theksoi gatishmërinë e OEK-ut qe te thelloj bashkëpunimin dhe partneritetin me MBPZHR.

Kryetari i OEK-ut u angazhua për mbështetjen e investitorëve vendor dhe ndërkombëtar ne Kosove dhe theksoi nevojën e formimit te një fondi për zhvillimin rural dhe themelimin e bankës agrare.

Gërxhaliu u angazhua për regresim dhe subvencionim te prodhuesve bujqësor për ta arritur baraspeshë ne mes te tregut vendor dhe regjional si dhe për krijimin e lehtësirave fiskale për importin e pajimeve dhe repromaterialeve bujqësore.

Me qellim te zhvillimit te bujqësisë Oda insiston ne implementimin e ligjit mbi tokat bujqësore dhe ngritjen e vetëdijes për shfrytëzimin e kësaj toke për nevoja te bujqësisë.

Gjithashtu kryetari Gërxhaliu u angazhua për ruajtjen e fondit te pyjeve, rritjen e buxhetit te MBPZHR për ndihme prodhuesve bujqësor, ngritjen e mekanizmave funksional për kontrollin e cilësisë dhe sigurisë se ushqimit, per arsimin dhe trajnimin e prodhuesve bujqësor dhe kujdes dhe angazhim me te madhe ne reklamimin dhe marketingun për prodhimet vendore.

Oda është e gatshme dhe kërkon rolin e partnerit ne hartimin e politikave dhe ne nxjerrjen e ligjeve nga lëmi i bujqësisë si dhe organizimit te takimeve te përbashkëta, te seminareve dhe trajnimeve nga fushë veprimtaria e MBPZHR dhe organizimin e panaireve te përbashkëta brenda dhe jashtë Kosovës.

Ministri Stavileci ka felenderuar përfaqësuesit e OEK dhe të Komunitetit të Biznesit për vizitën dhe kontributin që e kanë dhënë dhe po e japin për zhvillimin e bujqësisë konform standardeve ndërkombëtare, duke i mbështetur dhe inkurajuar ata që të vazhdojnë tutje me rritjen  e prodhimtarisë bujqësore dhe të vlerave të mirëfillta në këtë fushëveprimtari.

Ai e ka çmuar shumë rolin koordinues të OEK dhe të Komunitetit  të Biznesit dhe i ka njoftuar ata se tani Ministria e Bujqësië ka një agjendë të ngjeshur të aktiviteteve vepruese me donatorë të jashtëm që janë duke e mbështetur MBPZHR.

Me këtë rast ministri Stavileci ka përmenduar angazhimin e madh që USAID-it po e bënë në hartimin e Strategjisë për Zhvillimin Rural Bujqësor dhe Stategjinë e MBPZHR për  ZHRB (2009-2013).

Kalendari

Ngjarjet e datës 25 Nëntor 2020 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit njofton me ftesën e Gjykatës Kushtetuese adresuar Kryetarit të Komisionit për Legjislacion, etj. (Ndërtesa e Kuvendit, salla N303, ora 9:00)

- Hapet edicioni i pestë të Panairit Nacional të Punës dhe të Karrierës, i cili për herë të parë do të organizohet online. (Përmes platformës virtuale: virtual.kosovafair.com, ora 9:00)

- Kryeministri Avdullah Hoti merr pjesë në shënimin e 25 Nëntorit - Fushatës Ndërkombëtare për Eliminimin e Dhunës ndaj Gruas. (Ndërtesa e Qeverisë, ora 10:00)

-  Komisioni për Buxhet dhe Transfere shqyrton raportet vjetore financiar të Operatorit të Sistemit, Transmisionit dhe Tregut, Zyrës Rregullative për Energji dhe Autoritetit Rregullativ për Komunikimeve Elektronike dhe Postare. (Ndërtesa e Kuvendit, salla C203, ora 10:00)

- Ministria e Arsimit dhe Shkencës në bashkëpunim me Agjencinë Austriake për Zhvillim, nën përkujdesje të Ambasadorit Austriak, Christoph Weidinger dhe Ministrit Ramë Likaj, do të bëjë lansimin zyrtar të Projektit “Heras Plus”. (https://zoom.us/j/91960516678?pwd=cFRXZXVodTR1Q1ZnQVNIaWtwWTd2QT09, - Meeting ID: 919 6051 6678 dhe Passcode: 167271, ora 10:00)

- Drejtësia Sot, platformë e Grupit për Studime Juridike dhe Politike organizon konferencën për media me temë “Si dështuan institucionet në trajtimin e rasteve të mosdeklarimit dhe deklarimit të rrejshëm të pasurisë”. (Hotel Sirius, ora 10:00)

- Sindikata e Pavarur e Sektorit Privat të Kosovës mbanë konferencë për shtyp, me qëllim të informimit për keqpërdorimin e punëtorëve në sektorin privat nga pronarët e kompanive dhe vet shteti. (Zyret e kësaj sindikate në objektin Ish Gërmia, ora 11:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport interviston kandidatët për Anëtarë të Këshillit të Kosovës për Trashëgimi Kulturore. (Ndërtesa e Kuvendit, salla N10, ora 11:00)

- Komuna e Prizrenit organizon debat publik me temën “Gjendja e përgjithshme e komuniteteve jo shumicë në Komunën e Prizrenit dhe bashkëpunimi”. (Shtëpia e Kulturës “Xhemajli Berisha”, ora 11:00)

- Instituti i Prishtinës për Studime Politike organizon diskutimin “Reforma për Racionalizimin e Agjencive: Faza e Dytë”. (https://us02web.zoom.us/j/89564823471?pwd=VmcwY2J5TVpWZWhZUGl2SVIrTFJ5QT09 - Meeting ID: 895 6482 3471 dhe Passcode: 192988, ora 11:00)

- Shënohet 76 vjetori i themelimit të Bibliotekës Kombëtare të Kosovës dhe në hapësirat e Bibliotekës do të hapen dy ekspozita për nder dhe kujtim të profesor Anton Çettës, ku do të merr pjesë edhe Ministrja e Kulturës, Rinisë dhe Sportit, Vlora Dumoshi. (Biblioteka Kombëtare, ora 12:00)

- Zëvendëskryeministrja e Kosovës, Albulena Balaj- Halimaj pret në takim zëvendëskryeministrin e parë të Maqedonisë së Veriut, Artan Grubi. (Ndërtesa e Qeverisë, ora 12:00)

- Hapet ekspozita “Anton Çetta : 100-Vjetori i lindjes” me libra dhe artikuj të/për Anton Çettën në koleksionet e BKK-së si dhe ekspozita e fotografisë: “Anton Çetta: 30-Vjetori i pajtimit të gjaqeve” ku do të paraqiten fotografi të publikuara për herë të parë. ((Biblioteka Kombëtare, ora 12:40)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve dhe diskuton planin e punës për periudhën e mbetur. (Ndërtesa e Kuvendit, salla N303, ora 13:00)

- Qendra për Informim, Kritikë dhe Aksion organizon konferencë për media në të cilën do të publikohet analiza për rastin e Suzana Zogëjani Sekiraqa, e cila është shpallur fajtore për vrasje të rëndë të bashkëshortit të saj dhe është dënuar me 25 vjet burgim. (Zyret e organizatës QIKA, në rrugën Hajdar Dushi, C2, Hy2/6, Prishtinë, ora 13:00)

- Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e drejtorit te prokurimit në SHSKUK-së, Selami Krasniqi. (Ndërtesa e Kuvendit, salla N302, ora 14:00)

- Kryeministri Avdullah Hoti i shoqëruar nga përfaqesues të Aleancës Kosovare e Bizneseve  viziton fabrikën Silcapor në Kaçanik ku do të përcjell eksportin e një kontigjenti të prodhimeve vendore në katër shtete regjionale e që kjo është edhe promovim i prodhimeve Made in Kosova në Ballkanin Perendimor. (Fabrika Silcapor, Kaçanik, ora 14:30)
 
- Kryeministri Avdullah Hoti merr pjesë në ceremoninë e ndriçimit të Ndërtesës së Qeverisë me ngjyrë portokalli, pjesë e aktiviteteve të Fushatës Ndërkombëtare për Eliminimin e Dhunës ndaj Gruas. (Ndërtesa e Qeverisë, ora 17:30)