27 Nëntor 2020

BE jep 1.5 milion euro për ruajtjen e tokës bujqësore

Prishtinë, 26 maj - Ministria e Bujqësisë, Pylltarisë dhe Zhvillimit Rural (MBPZHR) në bashkëpunim me Zyrën Ndërlidhëse të Komisionit Evropian kanë lansuar projektin “Mbështetje e mëtutjeshme e shfrytëzimit të tokave”, projekt ky qe kap një shumë prej 1.5 milion euro dhe është i financuar nga Bashkimi Evropian.

Ky projekt synon të ruhet toka nga ndërtimet e pakontrolluara, shfrytëzimin e saj në mënyrë më të mirë për bujqësinë si dhe parcelizimin e saj.

Blerand Stavileci, Ministri i Bujqësisë Pylltarisë dhe Zhvillimit Rural, ka thënë se toka bujqësore ka një rëndësi fondamentale për rritjen dhe qëndrueshmërinë ekonomike të popullatës rurale. 

\"Sikurse edhe projektet e tjera edhe ky projekt është në linjë të plotë me politikat e qeverisë së Kosovës dhe është në linjë me politikën e përbashkët bujqësore të Bashkimit Evropian si dhe me planin e bujqësisë dhe zhvillimit rural 2009-2013\", ka deklaruar Stavileci.

Sipas ministrit Projekti “Mbështetje e mëtutjeshme shfrytëzimit të tokave” është vazhdim logjik i rezultateve dhe koncepteve të zhvilluara në projektin e shfrytëzimit të tokës bujqësore të viteve 2006 dhe 2008 si dhe aktiviteteve të shfrytëzimit të tokës në projektin tjetër në vitin 2008 dhe në fillim të vitit 2009.

Prioriteti i parë sipas tij është konsolidimi i tokës në veçanti përfundimi i  komasacionit të papërfunduar i tokës në vitet e 80-ta.

Ministri Stavileci ka premtuar se do të punohet në ruajtjen e tokës nga ndërtimet e pakontrolluara që po ndodhin, duke shtuar se edhe komunat do të kenë një rol udheheqës në këtë drejtim.

 “Një tjetër prioritet është shfrytëzimi i tokës bujqësore dhe ruajtja e saj nga ndërtimet e pakontrolluara. Të gjithë e dimë dhe të gjithë jemi unik rreth këtij konstatimi që është më se thelbësore për të ardhmen e bujqësisë së Kosovës dhe jo vetëm për të sepse ky sektor është i një rëndësie i veçantë ekonomike dhe sociale dhe si rezultat është i rëndësisë së veçantë për tërë ekonominë e vendit tonë dhe për një zhvillim të qëndrueshëm dhe afatgjatë në periudhën vijuese. Edhe komunat këtu luajnë një rol udhëheqës”, ka thënë Stavileci. 

Ministria e Bujqësisë që një kohë ka filluar implementimin e programit për  grande për zhvillim rural dhe subvencionimin e disa sektorëve në bujqësi. Ministri Stavileci ka thënë se për këtë qëllim ministria ka themeluar njësinë e pagesave që në të ardhmen do të jetë një agjenci e pagesave sipas kritereve të BE. Në mënyrë që këto pagesa të bëhen në mënyrë të kontrolluar nevojitet një sistem informimi në lidhje me parcelizimin dhe shfrytëzimin e tokës në Kosovë.

Ministri ka shtuar se projekti për  “Mbështetje e mëtutjeshme e shfrytëzimit të tokave” është një projekt ambicioz, por ka shfaqur shpresën që ky projekt do të jetë i suksesshëm së bashku me ministrit, komunat dhe palët e tjera.

Kjartan Bjornson nga Zyra Ndërlidhëse e Komisionit Evropian ka thënë se projekti i lansuar sot ka për qëllim rritjen dhe zhvillimin e produktivitetit të tokave dhe shfrytëzimit të tokave.

 “Ky projekt ka për synim rritjen dhe zhvillimin e mëtutjeshëm të produktivitetit të tokave dhe shfrytëzimit të tokave përmes reformimit të tokave dhe një planifikim të duhur hapësinor. Ne besojmë që projekti kontribuon në arritjen e objektivave të cilat janë në kuadër të partneritetit të Bashkimit Evropian ose të politikave të përbashkëta bujqësore evropiane si dhe planit zhvillimor rural për Kosovën”, ka thënë Bjornson.

Ai ka shtuar se sa i përket partneritetit me evropianët projekti adreson çështjet që janë një bujqësi e qëndrueshme dhe mjedisore e cila ofron resurse të nevojshme natyrore dhe do të përmirësoj menaxhimin e tokës së punueshme.

Sipas Bjornson që nga viti 1999 Bashkimi Evropian ka dhënë rreth 70 milion euro për tokat, ndërsa ka shtuar se projekti i lansuar sot kap një vlerë prej 1.5 milion eurosh.

\"Kjo duhet të shihet në një kontekst më të gjerë edhe të mbështetjes që ofrohen përmes projektit të IPA-së janë dhënë edhe 7 milion të tjera në këtë sektor përfshirë këtu edhe 5 milion mbështetje për mbështetje të zhvillimit rural në Kosovë\", ka pohuar ai. 
 

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)