03 Shkurt 2023

BE-ja dënon Bullgarinë me 25 milionë euro

Sofje, 20 mars - Komisioni Evropian do ta dënojë Bullgarinë me rreth 25 milionë euro për shkak të shkeljeve lidhur me pagesën e drejtpërdrejt të bujqërve në vitin 2008.

Ministria e Bujqësisë konsideron se gjoba do të paguhet nga mjetet për subvencione për bujqësi, për sivjet, për çka janë paraparë rreth gjysmë miliard euro.

Ministri bullgar i Bujqësisë dhe Ushqimit, Mirosllav Najdenov, paralajmëroi se do të ankohet, për ta ulur lartësinë e gjobës.

Komisioni Evropian para një muaji gjobiti Bullgarinë me 20 milionë euro për shkak të pagesës së parregullt të subvencioneve për vitin 2007 dhe i bëri thirrje Sofjes të zbatojë politikë strikte fiskale dhe të vazhdojë me reformat e planifikuara strukturore.

Rritja ekonomike e Bullgarisë vitin e kaluar ra për 5,1 për qind, ndërsa Qeveria planifikon që ajo sivjet të rritet për 0,3 për qind.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)