04 Dhjetor 2020

AKR shfaq shqetesimin për shtrenjtimin e çmimit të bukës

Prishtinë, 10 gusht - Aleanca Kosova e Re, (AKR) ka shfaqur shqetësimin e saj për shtrenjtimin e çmimit të bukës në Kosovë.  Nga 24 euro çmimi për 100 kg miell është rritur në 30 euro, për mungesë të rendimentit të brendshëm. 


 Nën presidentja e AKR-së Mimoza Kusari-Lila nëpërmjet një konference për media ka prezantuar efektet që mund të këtë shtrenjtimi i çmimit të bukës.

Sipas saj në Kosovë jetojnë më shumë se 17 për qind e qytetarëve në varfëri me nga një euro në ditë dhe këtë kategori shtrenjtimi i bukës do ta godas më së shumti.

“Ajo që është shqetësuese se Qeveria e Kosovës asnjëherë nuk ka bërë plan për të marrë masa në rast të rritjes së çmimit të bukës. Edhe në vitin 2008 e kemi pas të njëjtën gjendje dhe kjo qeveri nuk ka intervenuar”, tha Kusari-Lila.

Ajo shtoi se rritja e çmimit të bukës ka ndikuar edhe në mos subvencionimin e fërmërve për ta mbjell tokën.

“Në Kosovë për ta punuar një hektarë tokë kushton afërsisht 800 euro metë gjitha shpenzimet, ndërsa rendimentet janë afër 500 euro. Për këtë arsye fermerët  nuk e punojnë tokën, por Qeveria duhet t’i subvencionojë me nga 300 euro në këtë kohë ku rendimenti është më i ulët për shkak të kushteve atmosferike”, tha ajo.

Sipas saj bujqit heqin dorë nga punimi i tokës sepse për ta më profitabile është importi. “Për këtë arsye Qeveria e Kosovës duhet t’i subvencionojë fermerët për shkak që ata të mos heqin dorë nga punimi i tokës për arsye të humbjeve”. 

Kusari-Lila tha se duhet të bëhet ligji për rezervat shtetërore, sepse sipas saj, është i domosdoshëm për mbajtjen e sasisë së grurit në dispozicion të shtetit për kriza të kësaj natyre.

Ajo tha se Qeveria e Kosovës nuk po mundet t’i mbrojë qytetarët e vet nga kriza dhe nuk ka planë veprimi. Kusari-Lila i dha edhe disa rekomandime Qeverisë se si të veprojë.

“Subvencionimi i  prodhuesve për prodhimin bazë bukën, për  mbajtjen e çmimit stabil. Duhet të mbahet çmimi i mbrojtur i inputeve: Ujit,Rrymës, Derivateve.  Vendosja e pikave të blerjes me çmim të mbrojtur për kategoritë me asistencë sociale. Vendosja e rregullativës së qartë në pikat e shitjes dhe inspektimi i rregullt: Kualiteti, Pesha, Përmbajtja”, tha Kusari-Lila

Elhami Ismajli
 

Kalendari

Ngjarjet e datës 4 Dhjetor 2020

- Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

 

- Kryetari i Grupit Parlamentar të Partisë Demokratike të Kosovës, Bedri Hamza, mban sot konferencë për media. (Oborri i Kuvendit hyrja nga sheshi, ora 14:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)

 

- Kryeministri Avdullah Hoti dhe ministrja e Financave Hykmete Bajrami, mbajnë konferencë për media. (Ndërtesa e Qeverisë, ora 16:00)