25 Shtator 2022

Sllovakia furnizon Ukrainën me armë të rënda

Bratisllavë, 28 prill - Presidentja Zuzana Čaputová deklaroi sot se Sllovakia është e gatshme të furnizojë Ukrainën fqinje me armë shtesë, për sa kohë që mbrojtja e vendit të saj mbetet e sigurt.

“Negociatat janë në zhvillim e sipër për t’i dërguar Ukraines obusët vetëlëvizës të projektuar dhe zhvilluar nga Sllovakia”, tha Čaputová.

“Pozicioni i republikës sllovake është i qartë. Përveç ndihmës humanitare, kemi ofruar edhe ndihmë ushtarake, për nga vëllimi… kjo është ndihma më e madhe në historinë e republikës sllovake”, tha Čaputová.

Sllovakia i ka dhuruar Ukrainës sistemin e saj të mbrojtjes ajrore S-300, mes armëve dhe pajisjeve të tjera.

Megjithatë, Čaputová tha se parakushti për dërgesat e mëtejshme të armëve ishte që vetë gatishmëria ushtarake e Sllovakisë të mos minohet.

“Për këtë arsye, bisedimet po zhvillohen jo vetëm me përfaqësuesit ukrainas, por edhe me aleatët e NATO-s”, tha ajo.

Kalendari

Ngjarjet e datës 24 shtator 2022

- Federata Atletikës së Kosovës dhe Departamenti i Sporteve, organizon maratonën “Prishtina 2022”, në të cilën marrin pjesë mbi 500 garues. (Nisja bëhet nga Teatri Kombëtar, ora 9:00)

- Me qëllim të koordinimit ndër-institucional mes Qeverisë dhe Pushtetit Lokal mbahet takimi i përbashkët me Kryeministrin, Albin Kurti, Ministrin e Pushtetit Lokal, Elbert Krasniqi, Ministrin e Financave, Hekuran Murati, Ministren e Ekonomisë, Artane Rizvanolli dhe Kryetarët e Komunave me ç ‘rast do të diskutohet performanca buxhetore e Komunave dhe Investimet Kapitale, energjia, etj... (Hotel Dukagjini në Pejë, ora 10:00)

- Partia Demokratike e Kosovës mban Konventën Programore të Gruas Demokratike të Kosovës.  (Hotel Emerald, ora 10:00)  

- Lidhja Demokratike e Kosovës, Dega në Gjilan mban konventën e madhe programore. (Salla e Teatrit të Qytetit në Gjilan, ora ora 11:00)

- Koalicioni i OJQ–ve për Mbrojtjen e Fëmijëve në Kosovë bën prezantimin e instalacionit simbolik “Fëmijët në Shkolla”. (Sheshi “Skënderbeu” në Prishtinë, ora 12:00)
 
- Kryeministri i Republikës së Kosovës, Albin Kurti, bashkë me Zëvendëskryeministren për Çështje të Pakicave dhe të Drejtat e Njeriut, Emilija Redžepi, marrin pjesë në hapjen solemne të Qendrës Kulturore Boshnjake, me rastin e festimit të Ditës Kombëtare të Boshnjakëve. (Qendra Kulturore Boshnjake në Prizren, ora 14:00)