22 Nëntor 2019

Shqipëria e fundit në Ballkan për kujdesin ndaj grave

Tiranë, 24 tetor - Shqipëria renditet e fundit në Ballkan sa i takon mbrojtjes dhe mirëqenies së grave, sipas një studimi global të sapo publikuar.

Indeksi për Gratë, Paqen dhe Sigurinë 2019/20 e rendit Shqipërinë në vendin 57 midis 167 shteteve, të krahasuar në 11 tregues mbi cilësinë e jetës së grave.

ndeksi u përgatit nga Instituti i Universitetit Georgetown për Gratë, Paqen e Sigurinë si dhe Instituti i Oslos për Kërkime mbi Paqen.

Ai mati në mënyrë të krahasuar treguesit e mirëqenies ekonomike, sociale, politike të grave, ligjet dhe diskriminimin, si dhe sigurinë e grave në familje, komunitet dhe në shoqëri.

Shqipëria raportohet në të 11 treguesit e Indeksit me pikë dhe përqindje, përkatësisht: Shkollimi 9.8 pikë, përfshirja financiare 38.1, punësimi 46.4, përdorimi i celularëve 86.1, përfaqësimi parlamentar 29.3, mbështetja ligjore 10, paragjykimi gjinor 1.08, diskriminimi në punë 6, dhuna nga partneri 8.2, siguria në komunitet 61.6 pikë, dhunë e organiizuar 0.

Sipas Indeksit të këtij viti, krahasuar me një vit më parë, Shqipëria ka shënuar ndryshime të papërfillshme në shkollimin e grave, paragjykime gjinore, dhunë gjinore dhe përdorim celularësh, si dhe përmirësim në përfshirjen financiare të grave, përfaqësim parlamentar, mbrojtje ligjore dhe siguri në komunitet.

Por këto nuk mjaftuan që të kapërcente në renditje asnjë nga vendet fqinje në rajon.

Maqedonia Veriore renditet 20 vende mbi Shqipërinë në këtë Indeks global, duke raportuar më shumë përfaqësim parlamentar të grave (38.3 pikë), përfshirje financiare (72.9), më shumë siguri të tyre në komunitet (64.9) dhe më pak dhunë nga partneri (3.1).

Indeksi ka të dhëna për Kosovën në 6 prej 11 treguesve të studimit, çka e bëri të pamundur vendosjen e saj në renditjen globale. Sipas treguesve të paraqitur për Kosovën, përfshirja financiare e grave është 43.7 pikë (më e lartë se Shqipëria), përdorimi i celularëve 89.6 (më e lartë se Shqipëria dhe Maqedonia Veriore), mbështetja ligjore 10, diskriminimi në punë 9, dhuna nga partnerët 3.7, ndërsa siguria në komunitet 67.2 pikë (më e lartë se Shqipëria dhe Maqedonia Veriore).

Indeksi për Gratë, Paqen dhe Sigurinë 2019/20 hapet me Norvegjinë në vendin e parë dhe mbyllet me Jemenin në vendin e fundit 167.

Autorët e studimit voluminoz theksuan se e kryejnë Indeksin me besimin se “paqja e qëndrueshme mund të vijë përmes përfshirjes, drejtësisë dhe sigurisë për gratë”.

Kalendari

Ngjarjet e datës 22 nëntor 2019 - UBT në bashkëpunim me Institutin Shkencor Suedez-Kosovar do të mbajnë bashkërisht konferencën “30-vjetori i Rënies së Sistemit Komunist”. (Hotel Sirius, ora 9:00)

- Drejtoresha e misionit të USAID-it në Kosovë Lisa Magno do të flasë në hapjen e konferencës Vetë - Qeverisja Lokale në Kosovë - 20 Vjet. (Hoteli Swiss Diamond, ora ora 9:00)

- OJQ-Voice of Roma Ashkali and Egyptians - VoRAE organizojnë hapjen e ceremonisë të tri projekteve të financuara nga Roma Education Fund dhe Komisioni Evropian organizim ky i mbështetur nga Roma Versitas dhe Roma Education Fund, Kosovo së bashku me VoRAE. (Qendra Kulturore dhe Informative të BE-së në Prishtinë, ora 9:00)

- Instituti Demokratik të Kosovës organizon tryezën e diskutimit “Tejkalimi i sfidave të Kuvendit - nevoja për një Rregullore të re të punës”, në një diskutim të hapur me përfaqësues të partive politike parlamentare si dhe përfaqësues të organizatave vendore dhe ndërkombëtare. (Salla e konferencave Orion, ora 10:00)

- Në prag të 25 nëntorit, Ditës Ndërkombëtare për Eliminimin e Dhunës ndaj Grave, dhe fillimit të fushatës 16 Ditët e Aktivizmit, Misioni i OSBE-së në Kosovë do t’i prezantojë rezultatet e Anketës mbi Mirëqenien dhe Sigurinë e Grave në Kosovë. (Hotel Swiss Diamond, ora 11:00)

- Iniciativa për Histori Gojore përmes projektit të Programit të Kombeve të Bashkuara për Zhvillim “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, financuar nga Instrumenti i Bashkimit Evropian që kontribuon në Stabilitet dhe Paqe, do të lansojnë aplikacionin mobil 'Janjeva Ecë'. (Restoran 2000 në Janjevë, ora 11:00)

- Grupi për Studime Juridike dhe Politike organizon konferencën për media me temë “Vetingu: Mënyra e vetme për të siguruar pavarësinë e plotë të sistemit të drejtësisë në Kosovë”. (Qendra e Konferencave Orion, ora 11:00)

- Presidenti i Republikës së Kosovës, Hashim Thaçi, merr pjesë në konferencën “Nisja e sondazhit për mirëqenien dhe sigurinë e grave në  Kosovë”, e cila organizohet nga OSBE. (Hoteli “Swiss Diamond”, ora 11:00)

- Komuniteti Merakli t'kerreve organizon protestë kundër rritjes së cmimeve për sigurimin e veturave. (Rr. Luan Haradinaj, pran Bankes Qendrore të Kosovës, ora 13:00)

- Fondacioni Geoffrey Nice në bashkëpunim me “Qendrën për të Drejtat e Njeriut” të RIT Kosov organizon konferencën dy ditore me temë "Narrativat Kalimtare, Post-Kalimtare dhe Strategjike për Luftërat Jugosllave: nga Luftërat dhe Kërkimi i Drejtësisë tek Lojërat Gjeo-Politike të Fuqisë. {RIT Kosova - AUK në Rr. Dr. Shpetim Robaj, në Prishtinë, ora 13:00)

- Promovohet libri "Profili i Bjeshkëve të Nemuna’’ nga Profesor Sadri A Lokaj. (Salla e Asamblesë Komunale në Deçan, ora 14:00)

- Universiteti “Kadri Zeka” në Gjilan dhe Universiteti “Hasan Prishtina” në Prishtinë, në mbështetje të Aktivitetit të USAID-it Drejtësia Vlen dhe në bashkëpunim me Odën e Avokatëve të Kosovës, organizojn diskutim në lidhje me “Klinikat Jurdike me raste reale”. (Salla A34 në Universitetin e Gjilanit, ora 14:00)

- Kryeministri në detyrë, Ramush Haradinaj, pret në takim njohës komandantin e ri të KFOR-it, Gjeneral Major, Michele Risi. (Ndërtesa e Qeverisë, ora 15:00)

- Shoqata e Malazezëve të Kosovës organizon shfaqjen e leximit skenik të dramës “Flora”. (Qendra e zhvillimit Malazezeve në Arbëri ish Dragodan, rruga Eduard Lir 4, ora 19:00)