22 Shtator 2018

Liderët e BE-së nuk arrijnë marrëveshje për migrantët

Bruksel, 25 qershor - Liderët e 16 shteteve të Bashkimit Evropian kanë diskutuar për zgjidhjen e krizës së migrantëve në kontinent, mirëpo “mini-samiti” i së dielës nuk ka rezultuar me ndonjë vendim konkret.

“Ne do të vazhdojmë të punojmë në zgjidhjen e këtyre çështjeve”, ka thënë kancelarja gjermane, Angela Merkel më 24 qershor, pas takimit në Bruksel.

“Ka pasur shumë gatishmëri dhe pavarësisht disa dallimeve të vogla, kemi arritur të bashkohemi”, ka thënë ajo.

Merkel, e cila gjendet nën presion në Gjermani për të diskutuar këtë çështje, ka bërë thirrje për takime para samitit të BE-së, i cili pritet të mbahet me të gjitha shtetet anëtare më 28-29 qershor.

Ajo është duke u sfiduar nga ministri i Brendshëm gjerman, Horst Seehofer, i cili ka kërcënuar me zbatim të kontrollit të njëanshëm në kufijtë e Gjermanisë, nëse nuk arrihet ndonjë marrëveshje mes shteteve të BE-së.

Hungaria, Polonia, Sllovakia dhe Republika Çeke, kanë thënë se do të bojkotojnë mini-samitin për shkak të kundërshtimeve të thirrjeve të vendeve tjera, kryesisht Gjermanisë, për të pranuar kuotën e migrantëve.

Merkel ka theksuar nevojën për solidaritet, duke thënë se nuk mund të përballen të vetme vendet ku hyjnë për herë të parë migrantët.

Qindra mijëra persona kanë arritur në Evropë nga viti 2015, kryesisht pasi kanë ikur nga Siria dhe Iraku, duke nxitur tensione në mesin e anëtarëve të bllokut.

Kjo situatë më pas ka ndikuar në fuqizimin e partive kundër migrantëve, të cilat kanë rritur frikën ndaj të huajve.

  

Kalendari

Ngajrjet e datës 22 shtator 2018

- Ministria e Mjedisit dhe Planifikimit Hapësinor, ju njofton se në bashkë organizim me Komunën e Prishtinës, OJQ-të “Lets do it Kosova”, “REC”, “GAC” dhe SHFMU “Shkolla e Gjelbër” ju ftojmë të merrni pjesë në shënimin e 22 Shtatorit, Ditës Ndërkombëtare pa Makina. (Hapësirat para Objektit Qeveritar gjegjësisht “Ish objekti Rilindja”, ora 10:00)
 
- Në Teatrin Dodona, do te jepet shfaqja "Mustaqoshi Larosh" me regji te Melihate Qena. (Teatri Dodona, ora 12:00)

- Lëvizja Vetëvendosje mban tubim në Mitrovicë në të cilën do të flasin Albin Kurti, Agim Bahtiri, Fatmire Mulhaxha Kollçaku dhe Faruk Mujka. (Qendra e Kulturës "Rexhep Mitrovica", ora 14:00)