24 Nëntor 2017

Koreja e Veriut kërcënoi sërish ShBA-në, do të paguajë për sanksione

New York, 13 shtator - Koreja e Veriut kërcënoi sërish ShBA-në se do ta paguajë vendimin për sanksioneve të reja ndaj Penianit.

I dërguari i Penianit në OKB, Han Tae Song, akuzoi Washingtonin se po kërkon të shkojë drejt përballjes politike, ekonomike dhe ushtarake.

Gjatë një sesioni të Konferencës së OKB-së për Çarmatimin, ai tha se vendi i tij e kundërshton me forcë "qëllimin dashakeqës" të Uashingtonit, i cili kërkon të "gjunjëzojë" Korenë e Veriut.

"Ashpërsimi i sanksioneve kundër vendit tim është një manifestim ekstrem i qëllimit të SHBA-së për të eliminuar ideologjinë, sistemin shoqëror të Koresë së Veriut dhe popullin e saj me çdo kusht."

"Në vend që të bënte zgjidhjen e duhur me një analizë racionale mbi situatën në tërësi, regjimi i Uashingtonit synoi konfrontimin politik, ekonomik dhe ushtarak. Peniani dënon me forcë këto sanksione dhe hedh poshtë rezolutën e paligjshme të Këshillit të Sigurimit të OKB-së."

Në të njëjtën ditë, ambasadori koreanoverior në Rusi u zotua se vendi i tij do të marrë masa kundër sanksioneve të reja për ta "zhytur" SHBA-në në "situatën më të vështirë" në historinë e saj. 

Kalendari

Ngjarjet e datës 24 Nëntor 2017 - Sektori Kundër Dhunës në Familje, Drejtoria e Policisë në Bashkësi dhe Preventivë e Policise e Kosovës mbajn konference e cila i dedikohet hapjes së fushatës për të shënuar 16 Ditët e Aktivizimit, e titulluar ‘Roli i burrave në parandalimin e dhunës në familje’ nën sloganin “Mos e le askënd prapa”. (Hotel Swiss Diamond, ora 9:00)

- Instituti Demokratik i Kosovës në bashkëpunim me Komisionin për Integrime Evropiane të Kuvendit të Republikës së Kosovës, ju fton të përcillni tryezën e diskutimit me temë “Dialogu Kosovë-Serbi dhe BE: A duhet të ratifikohen marrëveshjet e Brukselit në Kuvend?”. (Salla e konferencave Orion, ora 9:00)

- Kryeministri Ramush Haradinaj pret në takim ministren e Mbrojtjes së Shqipërisë, Olta Xhaçka. (Ndërtesa e Qeverisë, ora 9:30)

- Vazhdimi i seancës plenare të Kuvendit të Republikës së Kosovës. (Kuvendi i Kosovës, ora 10:00)

- Ministri i Forcës së Sigurisë së Kosovës, Rrustem Berisha pret në takim Ministren e Mbrojtjes së Republikës së Shqipërisë, zonja Olta Xhaçka . (Ministria për Forcën e Sigurisë së Kosovës, Kazerma "Adem Jashari", ora 10:00)

- Save the Children në bashkëpunim me Ministrinë e Arsimit Shkencës dhe Technologjisë, organizojnë diten e dytet te konferencës rajonale "Investimi në Kujdesin dhe Zhvillimin gjatë Fëmijërisë së Hershme: Faktet, Mundësitë dhe Sfidat". (Hotel International, rrugës për Lipjan, ora 10:00)

- Policia e rajonoit të Pejës bën homazhe për Sabahate Tolajn dhe Isuf Haklaj. (Pranë hyrjes së Stacionit policor Pejë, ora 11:00)

- Organizatat e dala nga lufta e UÇK-së dhe familjarët e të vrarëve dhe të arrestuarve në rastin Kumanova do të mbajnë konferencë për media. (Lokalet e Organizatës së Veteranëve të Luftës së UÇK-së, selia qendrore në Prishtinë, ora 12:00)

- Policia e rajonoit të Pejës bën homazhe në Kompleksin Memorial të Dëshmorëve në Koshare. (Koshare, ora 13:00)

- Kryeministri Ramush Haradinaj viziton Aleancën Kosovare të Bizneseve. (Zyrat e AKB-së, 13:00)

- Presidenti i Republikës së Kosovës, Hashim Thaçi, pret Ministren e Mbrojtjes së Republikës së Shqipërisë, Olta Xhaçka. (Kabineti i Presidentit, ora 14:00)

- Ministri i Drejtësisë, Abelard Tahiri pret në takim Ministrin e Drejtësisë së Hungarisë, László Trócsányi, me ç ‘rast do të nënshkruajnë dy marrëveshje bilaterale: “Traktatin për Ekstradim” dhe “Traktatin për Transferim të Personave të Dënuar”. (Ministria e Drejtësisë, ora 15:00)

- Hapet ekspozita “Dhimitër Vangjeli një arkiv i shpëtuar dhe i dokumentuar”, organizuar nga Ministria e Kulturës së Shqipërisë në bashkëpunim me Qendrën Kombëtare të Inventarizimit të Pasurive Kulturore dhe Bashkinë Kolonjë. (Muzeu i Kosovës, ora 18:00)

- Shoqata “Miqtë e Amerikës”  organizojnë ngjarje me rastin e “Thanksgiving Day- Dita e Falenderimeve”. (Sheshi 21, ora 18:00)

- Ambasada Gjermane në Prishtinë organizon dy mbrëmje muzikore të zhanrit jazz me artistët gjermanë të grupit „Casimir Jazz Trio“. (Hamam Jazz Bar në Prishtinë, ora 21:00)