18 Janar 2019

Këshilli i Sigurimit dënon përdorimin e urisë kundër civilëve si një mjet lufte

New York, 25 maj - Këshilli i Sigurimit i OKB-së ka miratuar njëzëri një rezolutë që dënon përdorimin e urisë kundër civilëve si një mjet lufte.

Rezoluta u bën thirrje shteteve të kryejnë hetime brenda juridiksionit të tyre për shkeljet e ligjeve ndërkombëtare humanitare në lidhje me përdorimin e urisë së civilëve si një metodë lufte.

OKB-ja vë në dukje se shumica e njerëzve që nuk e kanë të siguruar ushqimin dhe 75 për qind e të gjithë fëmijëve të pazhvilluar mirë nën moshën pesëvjeçare jetojnë në vende të prekura nga konfliktet e armatosura, duke arritur në 74 milionë veta që përballen me pasiguri ushqimore ose më keq.

Programi Botëror i Ushqimit thekson se 13 krizat më të mëdha ushqimore në botë sot janë të gjitha të lidhura me konfliktet.

Kalendari

Ngjarjet e datës 18 janar 2019 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)