21 Maj 2019

Instituti KLGI thellon bashkëpunimin strategjik në rajon

Shkup, 28 maj - Në kuadër të programit në ‘Mbështetje të Komunave të Forta dhe të Qëndrueshme (SSSM)’, Instituti KLGI nisi ditën e parë të trajnimit modular tre-ditor i cili po zhvillohet në Republikën e Maqedonisë.

Vizita ka për synim thellimin e mëtejmë të bashkëpunimit strategjik, njëherësh adresimin dhe njohjen e praktikave të Maqedonisë në fushën e bashkëpunimit ndër-komunal.

Përpos diskutimeve dhe debateve të përbashkëta, delegacioni i përbërë nga zyrtarë të komunave dhe përfaqësues të ministrive pati rastin të vizitojë dhe shoh nga afër punën e angazhimet e Ministrisë së Vetëqeverisjes Lokale dhe Bashkësisë së Njësive të Vetëqeverisjes Lokale (BNJVL).

Në takimin e parë, delegacioni u prit nga Ministri për Vetëqeverisje Lokale, Suhejl Fazliu, dhe të punësuarit e këtij dikasteri qeveritar.

Ministri Fazliu fokus të veçantë vendosi mbi tri fusha të rëndësishme përmes të cilave kjo Ministri synon të avancojë aktivitetet e saj, nisur nga decentralizimi i pushtetit i pushtetit, zhvillimi i balancuar regjional dhe bashkëpunimi ndër-kufitar me fqinjët.

Ndërkaq, u.d. Drejtori Ekzekutiv i Institutit KLGI, Besnik Muçaj, falënderoi për pritjen në këtë takim si një nismë e përbashkët në fuqizimin e lidhjes dhe relacioneve në mes të komunave së Republikës së Maqedonisë dhe atyre të Republikës së Kosovës. Muçaj foli edhe për financimin dhe mbështetjen nga ana e Ministrive të Qeverisjes Lokale për komunat, si dhe shkëmbimin/ndarjen e praktikave dhe njohurive në mes të dyja shteteve duke marrë parasysh sistemin dhe strukturat e ngjashme të qeverisjes.

Ministri Fazliu dhe Drejtori Mucaj u dakorduan për thellimin e mëtejmë të këtij bashkëpunimi të frytshëm edhe në të ardhmen në funksion të ndërtimit të urave për komunikim dhe partneritet në subjekte dhe fusha me interes për të dyja palët.

Në një takim të ndarë, delegacioni u prit nga Drejtoresha Ekzekutive e Bashkësisë së Njësive të Vetëqeverisjes Lokale (BNJVL), Dusica Persic, e cila prezantoi rolin dhe punën e Bashkësisë në mbështetje të komunave. Znj. Persic foli në veçanti për përfaqësimin dhe lobimin që Bashkësia bën në shërbim të fuqizimit të komunave në ofrimin e shërbimeve për qytetarët.

Znj. Persic shpalosi tri platforma të cilat ka ndërtuar bashkësia, nisur nga Qendra e Trajnimeve për ngritjen e kapaciteteve të punonjësve, Përkrahja e komunave përmes sistemit elektronik siç janë softwaret në fusha të ndryshme, dhe platforma e-sendet e cila ndërlidhet me pronat e tundshme dhe të patundshme. Këto tri platforma u cilësuan të jenë modele të mira që mund të shërbejnë dhe të adaptohen edhe në vendet fqinje të Republikës së Maqedonisë. Z. Muçaj falënderoi znj. Persic për bashkëpunimin që kanë pasur edhe në të kaluarën si nevojë për avancimin e të dyja vendeve, me theks për zhvillimin e nivelit lokal.

Vizita studimore do të vazhdojë edhe dy ditë ku në program janë të parapara disa vizita në komuna të Republikës së Maqedonisë. Kjo vizitë mbështetet nga Ambasada e Mbretërisë së Norvegjisë në Kosovë!

 /InfoKouna/ 

Kalendari

Ngjarjet e datës 21 maj 2019 - Komisioni Qendror i Zgjedhjeve mban mbledhjen e radhës. (Selia e KQZ-së, ora 9:00)

- Komiteti për Politik dhe Financa i Komunës së Rahovecit mban mbledhjen e pestë të rregullt në të cilen shqyrton Qarkoren e parë buxhetore të Ministrisë së Financave. (Salla e mbledhjeve të Kuvendit të Komunës së Rahovecit, ora 10:00)

- Ministri i Punës dhe Mirëqenies Sociale, Skender Reqica dhe Avokati i Popullit raportojnë para komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me çështjen e statusit të personave të plagosur në Kosovë, para periudhës së luftës. (Ndërtesa e Kuvendit, salla N 302, ora 10:00)

- Forumi Ekonomik Mbarëkombëtar, në mbështetje të Klubit të Prodhuesve të Kosovës, Dhomës së Tregtisë dhe Industrisë në Tiranë, Odës Ekonomike të Kosovës dhe Bashkimit të Prodhuesve Shqiptarë organizon konferencën “Mundësitë dhe sfidat e marrëdhënieve tregtare Kosovë- Shqipëri”, konferencë kjo e cila do të adresojë problemet dhe barrierat tregtare që prodhuesit e dy të dy vendeve janë duke i hasur. (Hotel Tirana International në Tiranë, ora 10:30)

- “Let’s Do It” organizon aksion për pastrimin e deponisë më të madhe në Rajonin e Pejës, në fshatin Dydesh. (Fshati Dydesh, ora 10:30)

-  Projekti “Mbështetja e Komunikimit të Procesit të Integrimit Evropian”, I financuar nga Zyra e Bashkimit Evropian në Kosovë, në bashkëpunim me Ministrinë e Integrimit Evropian, organizon panel diskutimime temën: Prodhimi vendor dhe tregu i BE-së. (Ndërtesa e Kuvendit Komunal të Kamenicës, ora 10:30)

- Mbahet seancë e veçantë e Kuvendit të Republikës së Kosovës në të cilën do të përkujtohet 20 vjetori i Masakrës në Burgun e Dubravës. (Kuvendi i Kosovës, ora 11:00)

- Ministri i Mjedisit dhe Planifikimit Hapësinor, Fatmir Matoshi do të pres në takim kryetarët e komunave: Prizren, Podujevë, Shtërpc, Obiliq dhe Novobërdë, me të cilët do të nënshkruajë Memorandume të Bashkëpunimit për realizimin e disa projekteve mjedisore të cilat financohen nga Ministria e Mjedisit dhe Planifikimit Hapësinor. (Kabineti i Ministrit Matoshi, ish objekti Rilindja, kati 17, ora 11:00)

- Kryetari i komunës së Istogut, Haki Rugova pret në takim zëvendës ambasadorin bullgar në Kosovë ku do të bëje nënshkrimin e një marrëveshjeje për financimin e një projekti në qerdhën “Gëzimi Ynë” në Istog. (Zyra e krytarit Rugova, ora 11:30)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të votohet vendimi i Qeverisë me të cilin autorizohet Komisioni Qeveritar për Privatizimin e Ndërmarrjes Publike "Telekomi i Kosovës". (Ndërtesa e Kuvendit, salla N 10, ora 12:00)

- Universiteti “Kadri Zeka” në Gjilan organizon promovimin e katër librave të profesorëve  të Fakultetit të Edukimit ne UKZ: “Poetika e këngës epike historike”  autore Nevrije Bislimi-Ismaili, “As engjëlli, as djall” autor  Merxhan Avdyli, “Kurrikula dhe të menduarit kritik” autor Mensur Neziri dhe libri “Kërkime në leksikun e Pjetër Bogdanit” i autorit Faton Krasniqi. (Salla A34 në Universitetin “Kadri Zeka” në Gjilan, ora 12:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të shqyrtohet raportit vjetor i Komisionit Qëndror të Zgjedhjeve për vitin 2018, etj. (Ndërtesa e Kuvendit, salla C 203, ora 13:00)

- Kryetari i Komunës së Prizrenit Mytaher Haskuka do të bëjë përurimin e parkut dhe këndit të lojërave për fëmijë. (Prapa Shtëpisë së Bardhë në Prizren, ora 13:00) 

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet Projektligjit për mbrojtjen e ajrit nga ndotja. (Ndërtesa e Kuvendit, salla N 303, ora 13:00)

- Ministri i Infrastrukturës dhe Transportit Pal Lekaj merrë pjesë në përurimin e urës së fshatit Topanicë, komuna e Kamenicës. (Fshati Topanicë, rruga Crep - Kamenicë, kilometri i parë, ora 15:00)

- Mbahet Akademi përkujtimore në nderim të 20 vjetorit të rënies së dëshmorëve Kemal Thaqi e Ekrem Gudaqi dhe martirëve të rënë më 21 maj të vitit 1999, Hanife Jaha, Selvije Krivanjeva, Hanife Gudaqi, Ramush Jaha, Baki Bela, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi dhe Fitim Gudaqi. (Shtëpia e Kulturës “Xheladin Kurtaj” në Kaçanik 16:00)