20 Korrik 2019

UP nënshkruan Memorandum Mirëkuptimi me MZHE

Prishtinë, 1 mars - Sot mbahet ceremonia e nënshkrimit të Memorandumit të Mirëkuptimit në mes të Universitetit të Prishtinës “Hasan Prishtina” (UP) dhe Ministrisë së Zhvillimit Ekonomik (MZHE).

 Memorandumi do të nënshkruhet nga rektori i UP-së, prof. dr. Marjan Dema dhe ministri në Ministrinë e Zhvillimit Ekonomik, Valdrin Lluka.

 Memorandumi i Mirëkuptimit synon krijimin e bashkëpunimit në mes të Ministrisë së Zhvillimit Ekonomik dhe UP-së, gjegjësisht Fakultetit të Inxhinierisë Elektrike dhe Kompjuterike, me anë të së cilit do të krijohen mundësi për kryerjen e punës praktike të studentëve në disa institucione (të përfaqësuara nga MZHE-ja), si dhe angazhim i përbashkët me qëllim të masivizimit të edukimit universitar në fushën e inxhinierisë elektrike.

Kalendari

Ngjarjet e datës 20 korrik 2019

- Në kuadër të aktiviteteve "Ditët e Diasporës 2019"  Komuna e Deçanit në bashkëpunim më Grupi Lokal i Veprimit “Gjeravica“, organizojnë aktivitetin tradicional “Dita e Qethjes së Deleve, 2019‘’. (Bjeshkët e Strellcit , të ‘’Stanët e Shalës‘’, ora 10:00)

- Lëvizja mban konferencë për media në të cilën flasin Kryetari Albin Kurti dhe nënkryetari Besnik Bislimi. (Zyrët e Vetëvendosjes, ora 11:00)

- Mbahet ceremonia e hapjes se edicionit te parë të Prishtina Gastronomy Festival. (Sheshi “Adem Jashari” në Prishtinë, ora 12:00)

- Mbahet ceremonia e hapjes zyrtare të pikës kufitare Restelicë-Strezomir. (Pika kufitare Restelicë - Strezomir, ora 12:00)

- Behët zbulimi i pllakës së përkujtimit të Betimit të Brigadës 131 dhe promovimi i dokumentarit të historikut të Brigadës 131 të UÇK-së. (Fshati Baran, ora 18:00)