17 Shkurt 2019

Universiteti i Prizrenit dhe ai i Pejës forcojnë bashkëpunimin me Universitetin e Sarajevës

Prishtinë, 9 shkurt - Delegacioni nga Universiteti “Ukshin Hoti” në Prizren dhe Universitetit “Haxhi Zeka” nga Peja kanë vizituar më 7 dhe 8 shkurt 2018 Universitetin e Sarajevës dhe janë takuar me Rektorin prof. dr. Rifat Škrijelj dhe prorektorët e Universitetit.

Universiteti “Ukshin Hoti” është  përfaqësuar nga prof. dr. Ramë Vataj, rektor, dr. Sadik Idrizi, prorektor dhe z. Burim Berisha, Sekretar i përgjithshëm. Delegacion i Universitetit “Haxhi Zeka” ishte i përbërë si më poshtë: Dr. Ibish Mazreku, prorektor, dr. Nexhdet Shala, Dekan i Fakultetit të Bujqësisë, Hysen Nimani, dekan i Fakultetit të Arteve dhe Halit Shabani, dekan i Fakultetit Ekonomik.

Universiteti i Sarajevës në Janar të vitit 2017 nënshkroi marrëveshje bashkëpunimi me katër universiteteve publike në Kosovë, ku ofrohen programet e studimit në gjuhën boshnjake, duke përfshirë Universitetin “Ukshin Hoti” në Prizren dhe Universitetit “Haxhi Zeka” në Pejë. Kjo vizitë ishte një mundësi për zgjerimin e bashkëpunimit në kuadër të fakultetit, sidomos kur bëhet fjalë për shkëmbimin e profesorëve dhe nxënësve.

Me qëllim të zhvillimit të bashkëpunimit, delegacioni i dy universiteteve nga Kosova vizituan Fakultetin e Edukimit, Fakulteti Ekonomik, Akademinë e Muzikës, Institutin Gjuhësor, Fakultetin e Inxhinierisë Elektrike dhe Fakultetin e Bujqësisë, ku kishin mundësinë për të diskutuar format e mundshme të bashkëpunimit me menaxhmentet e njësive të përmendura organizative të Universitetit të Sarajevës.

Takimi në Fakultetin e Bujqësisë e Ushqimit ishte një mundësi për bisedime rreth një projekti të përbashkët BUGI, Western Balkan Urban Agrikulture Iniciative;, objektivat e të cilit janë, zhvillimi i programit të studimit për ciklin e dytë të studimeve, si dhe programet e të mësuarit gjatë gjithë jetës, nga bujqësia urbane në Bosnjë dhe Hercegovinë, Malit të Zi dhe Kosovë.

Në Fakultetin Ekonomik delegacionit të Universitetit “Haxhi Zeka”, pas një takimi të suksesshëm, iu dhurua disa pako me libra për studentët që studiojnë në gjuhën boshnjake.

Në vizitën dy-ditore në Universitetin e Sarajevës u realizua marrëveshja për bashkëpunim akademik ndërmjet Akademisë së Muzikës të Universitetit të Sarajevës dhe Fakultetin e Arteve të Universitetit “Haxhi Zeka”.

Marrëveshja u nënshkrua për një periudhë prej pesë vjetësh, parashikon zbatimin e bashkëpunimit përmes rrjeteve dhe shkëmbimit reciprok të profesorëve, studiuesve, studentëve dhe stafit administrativ, vizita dhe shkëmbimin e përvojave; pjesëmarrje e përbashkët dhe aplikim për fondet e dedikuara për veprimtari arsimore, kërkimore dhe artistike; organizimin e programeve të përbashkëta studimore, si dhe aktivitete të tjera me interes të përbashkët.
 

Kalendari

Ngjarjet e datës 17 shkurt 2019 - Qeveria e Kosovës mban mbledhje festive për nder të 11-vjetorit të Pavarësisë. (Ndërtesa e Qeverisë, ora 8:00)

- Ngritja solemne e Flamurit të Republikës së Kosovës për nder të 11-vjetorit të Pavarësisë në të cilën marrin pjesë presidenti Hashim Thaçi, kreu i Kuvendit, Kadri Veseli dhe kryeministri Ramush Haradinaj. (Hapësira mes ndërtesës së Kuvendit dhe Qeverisë, ora 8:30) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh te shtatorja e ish-presidentit Ibrahim Rugova. (Sheshi “Ibrahim Rugova”, para Kuvendit, ora 8:45) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh në Kompleksin Memorial “Adem Jashari” në Prekaz. (Prekaz, ora 9:40)

- Në 11 vjetorin e shpalljes së pavarësisë të Kosovës, anëtarë të kryesisë së LDK-së bashkë më struktura të saj, bëjnë homazhe te varri i Presidentit Historik të Kosovës, Dr. Ibrahim Rugova. (Velani, ora 10:00)

- Komuna e Gjilanit organizon homazhe  te varrezat e dëshmorëve. (Gjilan, ora 10:00)

- Federata e Ping-Pongut e Kosovës (FPPK) organizon turneun “Dita e Pavarësisë”.  (ShMU “Tefik Çanga”, Ferizaj, ora 10:00)

- “Star Kids” do të performojnë në sheshin “Skënderbeu” për nder të Pavarësisë. (Sheshi “Skënderbeu” në Prishtinë, ora 10:00)

- Kuvendi i Kosovës mban seancë solemne për nder të 11-vjetorit të Pavarësisë. (Kuvendi i Kosovës, ora 10:45) 

- Komuna e Gjilanit organizon akademi solemne dhe program artistik nga Shkolla e Muzikës në Gjilan. (Teatri i Qytetit, ora 11:00)

- Trupat e Forcës së Sigurisë së Kosovë parakalojnë me rastin e 11-vjetorit të Pavarësisë së Kosovës. (Prej Sheshit “Nënë Tereza” deri te Sheshi “Ibrahim Rugova”, ora 12:20)

- Me rastin e 11-vjetorit të Pavarësisë së Kosovës organizohet koktej për të gjithë të ftuarit në Parakalimin e Trupave të FSK-së. (Hotel “Swiss Diamond”, ora 13:00)

- Dega e Lidhjes Demokratike të Kosovë në Gjilan bën përurimin e bustit të ish-presidentit Ibrahim Rugova (Gjilan, ora 13:00)

- Përfaqësues të organizatave studentore organizojnë një “protestë artistike” në lidhje me vonesën e liberalizimit për qytetarët e Kosovës. (Sheshi “Zahir Pajaziti”, ora 13:00) 

- Komuna e Vushtrrisë organizon manifestimin qendror për shënimin e 11-vjetorit të Pavarësisë. (Kalaja e Qytetit, Vushtrri, ora 13:00)

- Kryeministri Ramush Haradinaj pret në takim deputetët nga Mbretëria e Bashkuar, John Grogan dhe Martin Vickers. (Ndërtesa e Qeverisë, ora 14:00)

- Shoqata e Gastronomëve të Prishtinës, në bashkëpunim me Qeverinë e Kosovës, organizon një event simbolik për Pavarësi. (Sheshi “Skënderbeu”, ora 14:00) 

- Kryetari i Kuvendit të Kosovës, Kadri Veseli, dhe ministri i Kulturë, Rinisë dhe Sportit, Kujtim Gashi, përurojnë Palestrën Sportive në Shtime. (Shtime, ora 15:00)

- Kryeministri Ramush Haradinaj pret në takim delegacionin 17-anëtarësh nga Shtetet  e Bashkuara të Amerikës, të kryesuar nga Senatori James Inhofe. (Ndërtesa e Qeverisë, ora 15:00) 

- Komuna e Lipjanit organizon koncert festiv për 11-Vjetorin e Pavarësisë. (Qendra e Kulturës “Tahir Sinani”, Lipjan, ora 15:00)

- Ansambli Kombëtar i Këngëve dhe Valleve “Shota” mban koncert festiv për Pavarësi. (Sheshi “Zahir Pajaziti”, Prishtinë, 18:00)

- Për 11-vjetorin e Pavarësisë së Kosovës bëhet ndezja e organizuar e fishekzjarrëve. (Sheshi “Zahir Pajaziti”, Prishtinë, ora 18:30)

- Me rastin e 11-vjetorit të Pavarësisë së Kosovës organizohet pritja shtetërore nën përkujdesjen kryeministrit Ramush Haradinaj. (Hotel “Venus”, magjistralja Prishtinë-Ferizaj, ora 19:30)

- Mbahet koncerti festiv për nder të 11-vjetorit të Pavarësisë së Kosovës. (Sheshi “Zahir Pajaziti”, Prishtinë, ora 20:00)