20 Shtator 2018

Sistemi arsimor i Kosovës nesër do të jetë në grevë tërë ditore

Prishtinë, 11 mars - Sindikata e Bashkuar e Arsimit dhe të Shkencës së Kosovës (SBASHK) do të mbajë nesër grevë një ditore në të gjitha institucionet arsimore të Kosovës.

Këtë e ka konfirmuar edhe kryetari i SBASHK-ut Rrahman Jasharaj sipas te cilit greva e së hënës është vazhdimësi e veprimeve sindikale të SBASHK-ut kohën e fundit, për shkak të mos-realizimit të kërkesave nga qeveria, ka thënë kreu i sindikatës së arsimtarëve, Rrahman Jasharaj.

“Nesër pra i tërë sistemi arsimor i Kosovës do të jetë në grevë tërë ditore që fillon në orën 9 dhe përfundon në orën 12 ku do të jenë të punësuarit e të dy ndërrimeve në të njëjtën kohë në greve, poashtu edhe universiteti”

Nëse kërkesat nuk do të realizohen edhe pas grevës të së hënës, sipas vendimit të Kongresit të SBASHK-ut, greva do të përshkallëzohet në muajin prill, theksoi Jasharaj.

“Uroj që qeveria e Kosovës të shoh seriozitetin e situatës dhe të mos na dërgojë në hapin tjetër sepse sipas rezolutës së Kongresit nëse deri më 13 prill qeveria nuk vepron, atëherë do të jemi të shtrënguar të shkojmë në grevë në kohë të pacaktuar që nënkupton që greva do të zgjasë deri në realizimin e kërkesave të anëtarësisë sonë”.

Jasharaj për Radio Kosovën potencoi se kërkesa kryesore e grevistëve do të jetë dërgimi në Parlament i projektligjit për punëtorët e arsimit të viteve të 90-ta.

“Kërkesë tjetër e jona është që qeveria bashkë me institucionet lokale të punojë më shumë të realizohet kontrata kolektive pa pasur nevojë të shkohet nëpër gjykata. Kërkesë e tretë është që propozimi i SBASHK-ut dhe i MASHT-it lidhur me ligjin e pagave të pranohet...”

Sipas organizatorëve, të hënën të gjithë arsimtarët duhet të jenë nëpër vendet e tyre të punës nga ora 9-12 për të mbajtur grevën, përderisa nxënësit nuk duhet të shkojnë në shkollë. Megjithatë, kreu i Sindikatës tha se i kanë përjashtuar çerdhet, për arsye të përkujdesit për fëmijët, prindërit e të cilëve janë të punësuar. 

Kalendari

Ngajrjet e datës 20 shtator 2018  - Këshilli i Investitorëve Evropianë në bashkëpunim me Zyren e Bashkimit Evropian në Kosovë dhe Bankën Evropiane për Rindertim dhe Zhvillim organizojn konferencën e nivelit të lartë 'Drejt një klime miqësore të biznesit dhe investimeve në Kosovë, “White Book 2018”. (Hotel Emerald, ora 8:30)

- Komuna e Gjilanit organizon aktivitetin "Dita pa Makina", që shënohet në kuadër të aksionit "Ta pastrojmë Kosovës". (Para shtatores se Rexhep Males e Nuhi Berishes, ora 10:00)

- Ministria e Kulturës, Rinisë dhe Sportit organizon konferencën “Siguria Njerëzore, Problemi dhe Reagimi Institucional”. (Salla e konferencave Orion, përballë KINO ABC, ora 10:00)

- Nën patronatin e Presidentit të Republikës së Kosovës bëhet përurimi i shtatoreve të heroit Fehmi Lladrovci dhe heroinës Xhevë Krasniqi-Lladrovci. (Sheshi “Fehmi Lladrovci” në Drenas, ora 12:00)

- Kryeparlamentari Kadri Veseli dhe Kryeministri Ramush Haradinaj merr pjesë në zbulimin e shtatoreve të Heroit Fehmi Lladrovci dhe Heroinës Xhevë Krasniqi - Lladrovci. (Sheshi “Fehmi Lladrovci”, Drenas, ora 12:00)

- Ushtruesi i Detyrës së Ministrit te Mjedisit dhe Planifikimit Hapësinor, Fatmir Matoshi do të vizitojë Komunën e Pejës dhe Kompaninë Rajonale të Ujësjellësit “Hidrodini” në Pejë. (Komuna e Pejës, ora 13:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të mbahet shqyrtimi i Projektligjit pÑ‘r Ratifikimin e Marrëveshjes për Pjesëmarrjen e Kosovës në programin Evropa Kreative për Mbështetjen e Sektorëve Kulturorë dhe Kreativë. (Ndërtesa e Kuvendit, salla N 302, ora 13:00)

- Mbahet seanca e jashtëzakonshme e Kuvendit të Republikës së Kosovës. (Kuvendi i Kosovës, ora 14:00)  

- Fillon asfaltimi i rrugëve në oborrin e Qendrës Klinike Universitare të Kosovës. (Oborri i QKUK-së, ora 15:00)

- Kryetari i Odës Ekonomike të Kosovës, Berat Rukiqi takohet me Kryetarin e Odës Ekonomike të Maqedonisë veri-perëndimore, Nebi Hoxha. (Objekti i Odës Ekonomike të Kosovës, ora 15:00)

- Fakulteti Filozofik i Universitetit të Prishtinës dhe forumZFD Programi në Kosovë organizojn konferencën tre ditore 'Rishikimi i ballafaqimit me të kaluarën dhe drejtësia tranzicionale në Ballkan' . (Fakulteti Filozofik, ora 15:30)