20 Shtator 2018

Qeveria e gatshme të mbështes Akademinë e Shkencave dhe Arteve

Prishtinë, 4 janar - Ministri i Arsimit, Shkencës dhe Teknologjisë, Shyqiri Bytyqi dhe Zëvendëskryeministri i Qeverisë së Republikës së Kosovës, Fatmir Limaj, vizituan Akademinë e Shkencave dhe Arteve të Kosovës, me ç’rast i uruan detyrën kryetarit, Akademik Nexhat Daci, me këtë  rast u bisedua edhe sfidat dhe  çështje tjera me interes.

Duke uruar detyrën dhe sukses në përmbushjen e misionit  Akademik Dacit, si kryetar i sapozgjedhur i ASHAK-ut, Ministri Bytyqi shprehu gatishmërinë e MAShT –it  që ta  mbështesë  Akademinë në realizimin e programit të saj e që është me interes madhor për popullin dhe shtetin e Kosovës .

“Ministria e Arsimit  dhe Akademia e Shkencave dhe Arteve të Kosovës  janë afër njëra tjetrës ashtu siç duhet të jetë  dhe do të jetë bashkëpunimi i ndërsjellë në të ardhmen  e për të mirën e vendit, u shpreh ministri Bytyqi .

Ndërsa, zv/kryeministri Limaj tha se, në emër të Qeverisë së Republikës së Kosovës i uruam detyrën kryetarit të AShAK-së dhe i ofruam mbështetjen këtij institucioni shumë të rëndësishëm dhe njëkohësisht kërkuam ndihmën institucionale që na ka munguar nga ky institucion i rëndësishëm i vendit për ndërtimin e kapaciteteve tona shtetërore.

“Qeveria e Kosovës është e gatshme të mbështes fuqishëm këtë institucion, në mënyrë që të krijohen të gjitha kushtet për të kryer misionin e tij, të fuqizimit intelektual dhe shkencor të Republikës së Kosovës dhe besoi që bashkëpunimi në mes të AShAK-së dhe MAShT-it do të forcohet përmes këshillave dhe ideve për të quar përpara vendin tonë”, tha zv/kryeministri Limaj.

Ndërsa kryetari i AShAK-së,Akademik Nexhat Daci, tha se kjo vizitë nuk ishte vetëm një vizitë uruese, por pati qasje në problemet thelbësore në arsim dhe shkencë.

Akademik Daci theksoi se, vizita ishte me karakter substancial të bashkëpunimit dhe kjo akademi si institucion madhor i këtij shteti është në funksion  ofrimit të shërbimeve profesionale që i nevojiten popullit dhe  çdo qeverie e cila synon të jap rezultate pozitive. “Shpresoj në rezultat pozitiv, me të cilin të gjithë do të jemi të kënaqur”, u shpreh kryetari Daci. 

Kalendari

Ngajrjet e datës 20 shtator 2018

 - Këshilli i Investitorëve Evropianë në bashkëpunim me Zyren e Bashkimit Evropian në Kosovë dhe Bankën Evropiane për Rindertim dhe Zhvillim organizojn konferencën e nivelit të lartë 'Drejt një klime miqësore të biznesit dhe investimeve në Kosovë, “White Book 2018”. (Hotel Emerald, ora 8:30)

- Komuna e Gjilanit organizon aktivitetin "Dita pa Makina", që shënohet në kuadër të aksionit "Ta pastrojmë Kosovës". (Para shtatores se Rexhep Males e Nuhi Berishes, ora 10:00)

- Ministria e Kulturës, Rinisë dhe Sportit organizon konferencën “Siguria Njerëzore, Problemi dhe Reagimi Institucional”. (Salla e konferencave Orion, përballë KINO ABC, ora 10:00)

- Nën patronatin e Presidentit të Republikës së Kosovës bëhet përurimi i shtatoreve të heroit Fehmi Lladrovci dhe heroinës Xhevë Krasniqi-Lladrovci. (Sheshi “Fehmi Lladrovci” në Drenas, ora 12:00)

- Kryeparlamentari Kadri Veseli dhe Kryeministri Ramush Haradinaj merr pjesë në zbulimin e shtatoreve të Heroit Fehmi Lladrovci dhe Heroinës Xhevë Krasniqi - Lladrovci. (Sheshi “Fehmi Lladrovci”, Drenas, ora 12:00)

- Ushtruesi i Detyrës së Ministrit te Mjedisit dhe Planifikimit Hapësinor, Fatmir Matoshi do të vizitojë Komunën e Pejës dhe Kompaninë Rajonale të Ujësjellësit “Hidrodini” në Pejë. (Komuna e Pejës, ora 13:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të mbahet shqyrtimi i Projektligjit pÑ‘r Ratifikimin e Marrëveshjes për Pjesëmarrjen e Kosovës në programin Evropa Kreative për Mbështetjen e Sektorëve Kulturorë dhe Kreativë. (Ndërtesa e Kuvendit, salla N 302, ora 13:00)

- Mbahet seanca e jashtëzakonshme e Kuvendit të Republikës së Kosovës. (Kuvendi i Kosovës, ora 14:00)  

- Fillon asfaltimi i rrugëve në oborrin e Qendrës Klinike Universitare të Kosovës. (Oborri i QKUK-së, ora 15:00)

- Kryetari i Odës Ekonomike të Kosovës, Berat Rukiqi takohet me Kryetarin e Odës Ekonomike të Maqedonisë veri-perëndimore, Nebi Hoxha. (Objekti i Odës Ekonomike të Kosovës, ora 15:00)

- Fakulteti Filozofik i Universitetit të Prishtinës dhe forumZFD Programi në Kosovë organizojn konferencën tre ditore 'Rishikimi i ballafaqimit me të kaluarën dhe drejtësia tranzicionale në Ballkan' . (Fakulteti Filozofik, ora 15:30)

-  Kyetari i LDK-së Isa Mustafa mban mbledhje me kryetarë të degëve të LDK-së. (Hotel Sirius, ora 17:00)