10 Korrik 2020

Në Prishtinë po mbahet konferenca për rishikimin e arsimit

Prishtinë, 28 mars - Në Prishtinë po mbahet konferenca dyditore për Rishikimin e Përbashkët Vjetor të zhvillimeve në Sektorin e Arsimit në Kosovë. Qëllimi është që të analizohet progresi, kufizimet dhe sfidat në Sektorin e Arsimit në vitin 2011, si dhe të diskutohen prioritetet për periudhën vijuese trevjeçare. Këtë vit, procesi i rishikimit zhvillohet me përkrahjen financiare të Bashkimit Evropian dhe Qeverisë së Suedisë.

Ministri i Arsimit, Ramë Buja, tha se plani strategjik 2011-2016 është baza nga e cila nisemi për të realizuar synimet në zhvillimin e sektorit të arsimit. Ai theksoi se një prej qëllimeve të hartimit të këtij plani, ka qenë që të shtrohej rruga për një bashkërendim më të mirë mes donatorëve që veprojnë në këtë sektor. Dekarlatat e misnitrit Buja bënë sot në hapje të konferencës dy ditore për Rishikimin e Përbashkët Vjetor të zhvillimeve në Sektorin e Arsimit në Kosovë.

Përfaqësuesi i Zyrës së Bashkimit Evropian në Prishtinë, Melvin Asin, tha se BE-ja do të mbështesë iniciativë të ministrisë së arsimit, ku ofrohet mundësia për rishikimin e përbashkët vjetor, në mënyrë që të fuqizohet më tej sektori i arsimit:

“Rishikimi i përbashkët vjetor është i bazuar në planin e strategjisë 2011-2012 dhe është një përpjekje e rëndësishme e ministrisë së arsimit, për të parë së cilat janë çështjet kyçe, cilat janë kufizimet dhe sfidat në sektorin e arsimit. Rekomandimet që do të dalin për të përmirësuar sektorin e arsimit, do të shikohen nga të tjerët dhe do të dërgohen në zyrën qëndrore të Bashkimit Evropian në Bruksel”, tha Asin.

Përfaqësuesja e Ambasadës suedeze, Maria Melbing, tha se shumë donatorë kanë vendosur që të mbështesin sektorin e arsimit në Kosovë dhe ministria e arsimit duhet t’i koordinojë të gjithë donatorët.

“Që nga viti 2008 Suedia ka mbështetur ministrinë e arsimit, për të përmirësuar kapacitetet në sektorin e arsimit, ka mbështetur elaborimin dhe miratimin e planit strategjik dhe tani do të mbështesë edhe zbatimin e këtij plani. Ky rishikim i përbashkët vjetor është pikënisja për të fuqizuar sistemin arsimor të Kosovës”, tha Melbing.


Pritet që rishikim të ofrojë mundësi për nxjerrjen e përfundimeve të përbashkëta për zhvillimet në vitin 2011 dhe të përcaktojë modalitetet e bashkëpunimit me partnerë të ndryshëm në periudhën 2012-2014. Në këtë proces të rishikimit, që do të vazhdojë edhe nësër, po marrin pjesë të gjitha agjencitë donatore që ndihmojnë arsimin në Kosovë, ndërsa rishikime të tilla do të organizohen çdo vit. 

Kalendari

Ngjarjet e datës 10 Korrik 2020

- Shoqata e Radio Taxive “Pasagjeri” organizon protestë për shkak të mosplotësimit të kërkesave nga Komuna e Prishtinës. (Nisj nga rrethrrotullimi “Te Fontana” në Ulpianë, ora 10:00)

- Drejtoria e Turizmit dhe Zhvillimit Ekonomik do të bëjë hapjen e Qendrës Artizanale në Prizren, ku do të mbahen pesë kurse të ndryshme si: Djegie ne Dru, Reliev në letër, Rrobaqepje, Punim të Shajakut si dhe Dizajnimi i Veshjeve Moderne. (ish objektin e Megasportit në qendër të Prizrenit, ora 11:00)

- Ministri i Ekonomisë dhe Ambientit, Blerim Kuçi do të vizitojë Komunën e Gjakovës ku do të takohet me Kryetarin e Komunës së Gjakovës Ardian Gjini. (Komuna e Gjakovës, ora 11:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 11:00)

- Banorët e lagjes “Qendra” protestojnë, të pakënaqur me parkingjet dhe shërbimet komunale. (Rr.“Rexhep Luci”, ora 11:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Ndërmarrjen publike ‘’KRU Gjakova’’. (Gjakovë, ora 11:30)

- Komitetit Emergjent të Gjilanit mban konferencë për media pas 27 rasteve të reja pozitive me COVID-19. (Qendra Operative Emergjente, Qendra e Studentëve, ora 11:30)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Impiantin e Trajtimit të Ujërave të Ndotura projekt që është duke u realizuar në Komunën e Gjakovës. (Gjakovë, ora 11:50)

- Ministri i Drejtësisë, Selim Selimi mban konferencë për media. (Ministria Drejtësisë, salla 914, ora 12:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë ndërmarrjen publike Ngrohtorja e Qytetit – ndërtimi i Ngrohtores së re të qytetit Impianti I koogjenerimit me biomasë, projekt që është duke u realizuar në Komunën e Gjakovës. (Gjakovë, ora 12:20)

- Mbahet seanca plenare e Kuvendit të Republikës së Kosovës në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 16:00)