10 Korrik 2020

Ministri Buja: Mësimi plotësues në diasporë të jetë unik

Shtutgard, 12 mars - Në ditën e dytë në takimet konsultative, që u mbajtën në Shtutgard të Gjermanisë, me temën "Gjendja aktuale e mësimit plotësues në diasporë dhe hapat për intitucionalizimin e tij", ministri i Arsimit, Shkencës dhe Teknologjisë, Ramë Buja, ka shprehur gatishmërinë e MAShT-it për unisimin e teksteve në diasporë, si dhe për përkrahjen e plotë për institucionalizimin e mësimit plotësues në Gjermani.

Në ditën e dytë u mbajt edhe seanca e fundit e konsultës, ku komisioni punues iu ofroi të dy ministrave Buja e Makolli konkluzionet e punës dyditore.

Ministri i Arsimit, Shkencës dhe Teknologjisë, z. Ramë Buja, dhe ministri i Diasporës, z. Ibrahim Makolli, kanë dalë me qëndrimet e tyre që mësimi plotësues në diasporë të jetë unik në të gjitha shtetet, si dhe të përdoren tekste të njëjta mësimore.

Në konkluzionet e punës dyditore të komisionit punues, të cilat u janë ofruar të dy ministrave, Buja e Makolli, parashihet që të ofrohen trajnime për mësimdhënësit shqiptarë në diasporë, ku Ministria e Arsimit, Shkencës dhe Teknologjisë obligohet të marrë përsipër licencimin e tyre, si dhe financimi i mësimdhënësve të bëhet sipas ligjeve ne fuqi.

MAShT-i gjithashtu obligohet që të krijojë plan-programet mësimore, si dhe të udhëheqë politikat arsimore për mësimin plotësues në diasporë, ndërsa Ministria e Diasporës të kryejë pjesën logjistike, ndërkaq është bërë e ditur se kah mesi i këtij viti do të mbahet konferenca kombëtare për mësimin plotësues në diasporë.

Pas përfundimit të punimeve dyditore, ministri Buja gjithashtu ka vizituar konsullatën e Republikës së Kosovës në Shtutgart, ku është pritur nga konsulli z. Faket Kajtazi si dhe zv.konzulli Imer Lladrovci dhe është njoftuar për së afërmi me punën dhe stafin e konsullatës.

Ministri Buja po ashtu është pritur edhe nga  një numër i madh i mësimdhënësve shqiptarë të mësimit plotësues në landin e Baden Ëutternbergut, ku është biseduar  për punën që bëhet atje, si dhe për sfidat me të cilat ballafaqohen.

Ministri Buja ka falënderuar të gjithë mërgatën për kontributin e tyre që kanë dhënë për lirinë e Kosovës, por edhe në punën e tyre vullnetare për mbajtjen gjallë të mësimit shqip në Gjermani. Për më tepër, ministri ka apeluar të gjithë prindërit shqiptarë që të inkurajojnë fëmijët e tyre për të vijuar mësimin plotësues.

Ndryshe, takimet konsultative me diasporën, që u organizuan nga Ministria e Diasporës në bashkëpunim me Konsulatën e Republikës së Kosovës në Shtutgard, i paraprijnë organizimit të një konference kombëtare me temën "Institucionalizimi i arsimit në diasporë", që do të mbahet në Prishtinë.

Kalendari

Ngjarjet e datës 10 Korrik 2020

- Shoqata e Radio Taxive “Pasagjeri” organizon protestë për shkak të mosplotësimit të kërkesave nga Komuna e Prishtinës. (Nisj nga rrethrrotullimi “Te Fontana” në Ulpianë, ora 10:00)

- Drejtoria e Turizmit dhe Zhvillimit Ekonomik do të bëjë hapjen e Qendrës Artizanale në Prizren, ku do të mbahen pesë kurse të ndryshme si: Djegie ne Dru, Reliev në letër, Rrobaqepje, Punim të Shajakut si dhe Dizajnimi i Veshjeve Moderne. (ish objektin e Megasportit në qendër të Prizrenit, ora 11:00)

- Ministri i Ekonomisë dhe Ambientit, Blerim Kuçi do të vizitojë Komunën e Gjakovës ku do të takohet me Kryetarin e Komunës së Gjakovës Ardian Gjini. (Komuna e Gjakovës, ora 11:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 11:00)

- Banorët e lagjes “Qendra” protestojnë, të pakënaqur me parkingjet dhe shërbimet komunale. (Rr.“Rexhep Luci”, ora 11:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Ndërmarrjen publike ‘’KRU Gjakova’’. (Gjakovë, ora 11:30)

- Komitetit Emergjent të Gjilanit mban konferencë për media pas 27 rasteve të reja pozitive me COVID-19. (Qendra Operative Emergjente, Qendra e Studentëve, ora 11:30)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Impiantin e Trajtimit të Ujërave të Ndotura projekt që është duke u realizuar në Komunën e Gjakovës. (Gjakovë, ora 11:50)

- Ministri i Drejtësisë, Selim Selimi mban konferencë për media. (Ministria Drejtësisë, salla 914, ora 12:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë ndërmarrjen publike Ngrohtorja e Qytetit – ndërtimi i Ngrohtores së re të qytetit Impianti I koogjenerimit me biomasë, projekt që është duke u realizuar në Komunën e Gjakovës. (Gjakovë, ora 12:20)

- Mbahet seanca plenare e Kuvendit të Republikës së Kosovës në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 16:00)