17 Janar 2018

Unë nuk jam krenar që jam shqiptar

Shkruar nga Hilmi Gashi

Jo tani, assesi dhe pikë...! Nuk është koha dhe momenti për t’u ndier i tillë! Jo derisa në vendin tim politika vret ëndrrat e të rinjve, vret të tashmen dhe të ardhmen e vet. Vret të kaluarën! Shtyp dhe godet deri në pangopësi.

Jo derisa në vendin tim që nga pastruesit e deri tek akademiket i rrekën punës në saje të intervenimeve të stilit sicilian.

Jo derisa pushtetarët e shfrytëzojnë vendin e vet dhe postet publike vetëm për përfitime të tyre materiale.

Jo derisa në vendin tim udhëheqin analfabetet dhe punësojnë militantë analfabetë siç iu përshtatën atyre pikë për pikë.

Jo derisa mjekësia vret pacientet e vet në vend që t\'i shëroj, ndërsa bebet e vogla lindin korridoreve të spitalit dhe vdesin duke u përplasur me kokë për dysheme.

Jo derisa vendin tim në ambasada dhe konsullata jashtë vendit neper botë e përfaqësojnë militantët e jo profesionistet, e në mesin e tyre ka edhe kriminelë.

Jo derisa mësuesit tanë shkollohen barazi me nxënësit dhe bëhet shaka me ta, kurse eksperimentet me nxënës nuk kanë të ndalur tashmë e 20 vite më radhë.

Jo derisa universitetet publike janë katandisur aq fortë sa as atomi s\'do të mund ta pastronte mjerimin e mbjellë aty nga grupet mafioze me kollare në qafë.

Jo derisa drejtoret e shkollave zgjidhën si kukulla të shëmtuara të politikes dhe i shërbejnë atyre që bëjnë me gisht e jo parimeve profesionale dhe etikes.

Jo derisa në restorantet e vendit tim hy me fëmijë të vogël, e aty buka më mbet në fyt nga tymi i duhanit. Aty tymosin edhe zyrtarë të policisë sa për t\'ia vënë kulmin marrëzisë.

Jo derisa në barnatoret e vendit tim ilaçet shitën me çmime fiktive e paushall, pa banderolë e pa kuponë fiskalë, ndërsa natën çmimi i tyre rritet trefish më shumë.

Jo derisa në televizionet tona hapësira i jepet të proklamuarve të amoralitetit me mesazh seksin, drogën, fëlliqësinë dhe degradimin.

Jo derisa në vendin tim e zeza shitet për të bardhë dhe e bardha për të zezë. Derisa e pavlera shitet për vlerë dhe vlera shihet si e dalë kohe.

Jo tani, assesi dhe pikë...! Nuk është koha dhe momenti për t’u ndier i tillë!
 

Kalendari

Ngjarjet e datës 17 Janar 2018 - Mbahet mbledhje e Komisionit për Shëndetësi, Punë dhe Mirëqenie Sociale në të cilën do të behët shqyrtimi i projektligjit për ndërmarrjet sociale. (Ndërtesa e Kuvendit, sallaN 303, ora 10:00)

- Në kuadër të organizimeve në 550-vjetorin e vdekjes së Skënderbeut dhe Vitit Mbarëkombëtar të Skënderbeut, nesër më 17 janar 2018, zhvillohen homazhe te shtatorja e Skënderbeut. (Shtatorja e Skënderbeut, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i raportit të punës së Komisionit, për vitin 2017 si dhe shqyrtimi i draft-planit të punës së Komisionit, për vitin 2018. (Ndërtesa e Kuvendit, salla N204, ora 10:00)

- Për nder të 18 vjetorit të themelimit të Administratës Tatimore të Kosovës, do të mbahet shënimin simbolik të këtij përvjetori, në të cilin pjesëmarrës do të jenë Kryeministri i Republikës së Kosovës Ramush Haradinaj, Ministri i Financave Bedri Hamza, palët e interesit dhe donatorët. (Qendra e Shërbimit të Tatimpaguesve, ish-ndërtesa e Gërmisë, ora 11:00) 

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit,  salla  C 301, ora 11:00)

- Prezantohen projektet e studentëve, të cilët do të pasqyrojnë punën që është bërë gjatë semestrit dimëror 2017/18. (Fakulteti i Edukimit, ora 11:00)

- Mbahet mbledhje e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Ministri i Ministrisë së Inovacionit dhe Ndërmarrësisë, Besim Beqaj do të vizitojë kompaninë e prodhimit të produkteve farmaceutike “Trepharm”. (Hapësirat e “Trepharm” në Sllatinë, ora 12:30)

- Komuna e Gjilanit ben zbulimin e bustit te heroit Gjergj Kastrioti - Skenderbeu. (Sheshi kryesore para zyres se kryetarit ne Gjilan, ora 13:00)

- Mbahet Akademi kushtuar 550 vjetorit të Skënderbeut, me ç ‘rast do të promovohet pulla postare e Postës së Kosovës dhe Postës së Maqedonisë në të cilen do të nderohen edhe figurat e shquara të shqiptarëve, Jusuf e Bardhosh Gërvalla dhe Kadri Zeka, në 36-vjetorin e vrasjes së tyre. (Teatri Kombëtar të Kosovës, ora  15:00)

- Komuna e Gjilanit organizon akademin e Flakes se Janarit 2018, qe i kushtohet 550 vjetorit te vdekjes se heroit kombetar Skenderbeu dhe 50 vjetorit te protestave masive per flamurin kombetar. (Teatri i Qytetit, ora 16:00)

- Muzeu i Kosovës, me nismën e "Museum Illyricum" - Zvicër, organizojnë ekspozitë me libra; pulla dhe bankënota nga mesjeta e deri në vitet '30-ta. (Lapidariumin e Muzeut të Kosovës, ora 18:00)

- Hapet ekspozitë 55 portrete për 550-vjetorin e vdekjes së Skënderbeut dhe Vitit Mbarëkombëtar të Skënderbeut. (Swiss Diamond Hotel, ora 18:00)

- Në 550 vjetorin e vdekjes së heroit kombëtar Skenderbeu dhe 50 vjetorit të protestave masive për flamurin kombëtar organizon aktivitetin Peneli i Flakes. (Teatri i Qytetit të Gjilanit, ora 19:00)