19 Nëntor 2017

Rënia e lirë e një ish partie

Shkruar nga Gani Qarri

Zgjedhjet e fundit dëshmuan se tërheqja e Isa Mustafës nga kandidatura për kryeministër nuk mjaftoi dhe ishte hap i mangët për elektoratin e LDK-së.

Kjo parti, ka kohë që ndjenë nevojën për rifreskimin me kryetar dhe kryesi të re si dhe një reformim të thellë brenda saj.

Këtë e dëshmuan katërçipërisht edhe këto zgjedhje, në të cilat u pa se të gjitha bastionet e LDK-së, po bien njëra pas tjetrës dhe përveç Prishtinës, të cilën Isa Mustafa e humbi dikur me “duar në xhepa” edhe qytetet e tjera të mëdha e të vogla, me kryetarë të komunave që vijnë nga LDK-ja, po i humb një nga një.

Le të shohim, qoftë edhe sa për kuriozitet, se si bastionet e LDK-së, pësuan rëniet e njëpasnjëshme, pothuajse në të gjitha qendrat ku ajo si parti ka kryetarët. Po fillojmë nga qyteti i Ferizajt, udhëhequr nga Muharrem Sfarqa i LDK-së, i cili deri para pak kohësh, konsiderohej si kuadër me perspektivë, por që partia të cilës ai i takon, në këto zgjedhje nuk arriti të dalë as e dyta me vota në qytetin që ai udhëheq.

Derisa VV në Ferizajn e Muharrem Sfarqës ka marrë më se 35 % dhe PAN rreth 31% sosh, koalicioni i kryesuar nga LDK-ja, ka rënë në pozitën e fundit me më pak se 30% të votave.

Rënien drastike të LDK-së, dhe koalicionit LAA, udhëheqësi i Ferizajt e arsyeton me veprimin e Isa Mustfafës që largoi Adem Salihajn nga lista e deputetit.

Por çfarë arsyetimi do të na japë Lutfi Haziri për Gjilanin, ku edhe aty fitoi Lëvizja Vetëvendosje, madje me dallim të madh kundrejt LDK-së. VV në këtë qytet ka arritur të sigurojë rreth 42% të votave, kurse i tërë koalicioni LAA me vetëm 27-8% të tyre.

Madje megjithëse në koalicion me disa parti politike, LDK humbi edhe në qytetin e Pejës, e cila në zgjedhjet e fundit komunale, ishte fituesja më e madhe. Derisa koalicioni PAN, siguroi më se 37% të votave, koalicioni LAA- në Pejë mezi arriti në rreth 31% të tyre.

Njëjtë si në Ferizaj, Gjilan e Pejë, LDK ka humbur besimin e elektoratit në masë të madhe edhe në Fushë Kosovë. Edhe aty, Vetëvendosja doli para LDK-së, duke fituar rreth 35% të votave, kurse koalicioni LAA, me vetëm rreth 34% sosh.

Po ashtu në Viti, e cila udhëhiqet nga Sokol Haliti i LDK-së, përsëri e para doli Lëvizja Vetëvendosje që siguroi më tepër se 37% të votave, ndërsa të shtatë partitë e koalicionit LAA, me në krye LDK-në, as 35% të tyre.

LDK pësoi edhe në Suharekën e udhëhequr nga Salih Asllanaj i LDK-së, ku koalicioni PAN arriti të jetë i pari me rreth 44% të votave, kurse LDK-ja me partnerë të koalicionit, nuk mundi të marrë as 35%  nga to.

E vetmja që vërtet shkëlqeu në këto zgjedhje, ishte kandidatja e anashkaluar e Lidhjes Demokratike të Kosovës, kandidatja për deputete zonja Vjosa Osmani, e cila sikur zbuti sadopak dhembjen e humbjeve galoponte të partisë së saj dhe nga 40 mijë vota sa kishte në zgjedhjet e vitit 2014, kësaj radhe megjithëse u rendit e fundit dhe  vetëm nën numrin 81 të listës zgjedhore të koalicionit LAA, votuesit e gjetën emrin e saj dhe pothuajse i shprehën besim të dyfishuar asaj, duke i dhënë, siç u tha në fillim-rreth 60 mijë vota, ani pse ato tanimë u korrigjuan nga partia dhe paraqitën vetëm si 45 mijë sosh.

Vjosa Osmani, mund të thuhet lirisht se ishte fituesja më e madhe brenda LDK-së, në këto zgjedhje e cila për nga votat, pothuajse ndan vendin e parë me kandidatin për kryeministër nga koalicioni LAA, z. Avdullah Hoti.

LDK, jo vetëm se humbi në të gjitha komunat ku udhëheqin kandidatët e saj, por ajo ra edhe në pozitat e fundit nga partitë që në rrethana të Kosovës konsiderohen, si të mëdha.

Madje, derisa koalicioni PAN mori 34% të votave, Vetëvendosje e vetme arriti në 27% prej tyre, kurse LDK mbeti e fundit edhe si koalicion me vetëm 25.7% sosh, që përpjesëtuar në proporcion partie, befason shumë në rënie.

Këto zgjedhje sollën edhe një risi duke nxjerrë Bajram Gecajn e LDK-së, si humbësin rekord të tyre, personin që njihej si mbrojtësi më i zëshëm i qeverisjes së kaluar, i cili u ndëshkua aq rëndë nga votuesit, sa ra edhe në shifrën prej vetëm 8 votash. 

Kjo tregon më së miri se sa në të vërtetë është lodhur elektorati i LDK-së nga politikanët e konsumuar, humbës të zgjedhjeve shumë herë, të cilët LDK-në, si parti ish lidere, nga lartësitë zenitore të Rugovës, e lëshuan kryengulthi, në rënie të lirë, e cila me verdiktin e fundit, pothuajse u plandos tërësisht përtoke.

Ndaj, sovrani foli me gjuhën e tij të qartë në këto zgjedhje dhe dëshmoi se ai përfundimisht kërkon ndryshime thelbësore edhe në LDK. Kështu që si z. Isa Mustafa, ashtu edhe Agim Veliu, Lutfi Haziri, Ismet Beqiri etj. duhet ta lexojnë drejt porosinë e dhënë, kuptojnë si duhet mesazhin e votuesve dhe lëshojnë vendin kuadrove të reja dhe më të mirë që ka LDK, në mënyrë që me emra të rinj e të dëshmuar për punë e seriozitet, të forcohet e ngrihet përsëri në këmbët e veta dhe të fitojë namin që dikur LDK kishte, jo vetëm si parti por dhe organizatë gjithëpopullore, e adhuruar nga të gjithë.

Kalendari

Ngjarjet e datës 19 Nëntor 2017 - Kryetarja e KQZ-së, Valdete Daka do të votojë në Prishtinë ku me pas votimit do të jap deklaratë për media për fillimin e votimit për kryetar në 19 komuna dhe rivotimin për kryetar të komunës së Parteshit. (Qendra e Votimit 1907E në Fakultetin Teknik, ora 07:00)

- Komisioni Qendror i Zgjedhjeve mban konferencën e parë për media lidhur me hapjen e qendrave të votimit në Republikën e Kosovës. (Qendra mediale të KQZ-së, ora 8:00)

 - Kongresmenit amerikan, Eliot Engel do të vizitojë qendrën e thirrjeve të Demokracisë në Veprim. (Qendra për media e DnV-së në Hotel Sirius, ora 9:00)

- Deputeti i i Lëvizjes Vetëvendosjes, Albin Kurti  voton Fakulteti Juridik  të Universitetit te Prishtinës. (Qendra e votimit 1913E, Vendvotimi - 1913E/03R , ora 9:00)

- Kongresmeni amerikan, Eliot L. Engel do të vizitojë Komisionin Qendror të Zgjedhjeve, ku do të pritet nga anëtarët e KQZ-së dhe me pas do të japin nga një deklaratë para gazetarëve. (Selia e KQZ-së, ora 9:20)
 
- Demokracia në Veprim mban konferencën e parë për media lidhur me hapjen e vend votimëve. (Qendra për media e DnV-së në Hotel Sirius, ora 9:30)

- Kandidatja e PDK-së për kryetare të Komunës së Mitrovicës, Valdete Idrizi, voton në shkollën fillore “Çajupi”. (Mitrovicë, ora 9:30)

- Kryetari i Komunes se Gjilanit, Lutfi Haziri voton në shkollën fillore “Abaz Ajeti”. (Gjilan, ora 9:45)

- Kandidati i i Lëvizjes Vetëvendosjes për kryetar të Gjilanit Sami Kurteshi voton në Gjilan. (Shkolla fillore "Selami Hallaqi", ora 10:00)

- Kryeministri i Republikës së Kosovës, Ramush Haradinaj me bashkëshorten Anita Haradinaj, do të votojnë  në Shkollën e Mjekësisë “Ali Sokoli”. (Prishtinë, ora 10:00)

- Kryetari i Prishtinës, Shpend Ahmeti voton në Shkollë fillore "Faik Konica". (Qendra e votimit 1903E, Vendvotimi - 1903E/01R, ora 10:00)

- Kandidati i i Lëvizjes Vetëvendosjes për kryetar të Prizrenit Mytaher Haskuka voton në Prizren. (Shkolla e mesme  "11 Marsi", ora 11:00)

- Kandidati i i Lëvizjes Vetëvendosjes për kryetar të Podujevës, Ajet Potera voton në Podujevë. (Shkolla fillore “Naim Frashëri”, ora 10:00)

- Kandidati i i Lëvizjes Vetëvendosjes për kryetar të Kaçanikut, Basri Kodra voton në Kaçanik. (Shkolla Fillore “Emin Duraku”, ora 10:30)

- Kryetari i Lëvizjes Vetëvendosjes Visar Ymeri voton në Shkollen fillore "Faik Konica" ne Prishtinë. (Qendra e votimit 1903E, Vendvotimi - 1903E/09D në objektin e shkollës, ora 11:00)

- Komisioni Qendror i Zgjedhjeve mban konferencën e dytë për media lidhur me pjesëmarrjen në votime dhe për procesin zgjedhore deri në ora 11:00. (Qendra mediale të KQZ-së, ora 11:30)

- Zëvendëskryeministri i Kosovës, Fatmir Limaj do të votojë në shkollën fillore Faik Konica. (Prishtinë, ora 12:00)

- Aleanca për Ardhmërinë e Kosovës, do të zhvilloj konferencën e rregulltë për media. (Salla e Mediave në Selinë Qendrore të AAK-së, ora 12:00)

- Kandidati i i Lëvizjes Vetëvendosjes për kryetar të Kamenicës Qëndron Kastrati voton në Kamenicë. (Gjimnazi “Ismail Qmali”, ora 12:00)

- Lidhja Demokratike e Kosovës në Gjilan mban konferencën e radhës për media. (Selia e LDK-së, ora 12:00)

- Lëvizja Vetëvendosje mban konferencë për media në të cilën do të flasin Nënkryetari dhe deputeti, Dardan Sejdiu. (Zyret e Vetëvendosjes në lagjen "Arbëria", ora 12:00)

- Demokracia në Veprim mban konferencën e dytë për media lidhur me mbarëvajtjen e procesit te votimit. (Qendra për media e DnV-së në Hotel Sirius, ora 14:00)

- Komisioni Qendror i Zgjedhjeve mban konferencën e tretë për media lidhur me pjesëmarrjen në votime dhe për procesin zgjedhore deri në ora 15:00. (Qendra mediale të KQZ-së, ora 15:30)

- Aleanca për Ardhmërinë e Kosovës, do të zhvilloj konferencën e rregulltë për media. (Salla e Mediave në Selinë Qendrore të AAK-së, ora 16:00)

- E Diela e tretë e muajit Nëntor shënon Ditën Botërore për Përkujtimin e Viktimave në Trafikun Rrugor me c'rast behët ndezja e qirinjëve, në nderim të viktimave të cilët kanë humbur jetën në aksidente trafiku. (Teatri Kombëtar në Prishtinë, ora 17:00)

- Demokracia në Veprim mban konferencën e tretë për media lidhur me mbarëvajtjen e procesit te votimit. (Qendra për media e DnV-së në Hotel Sirius, ora 19:00)

- Komisioni Qendror i Zgjedhjeve mban konferencën e katertë për media lidhur me pjesëmarrjen në votime dhe për procesin zgjedhore deri në ora 19:00. (Qendra mediale të KQZ-së, ora 20:00)