22 Qershor 2018

Themelohet Shoqata e Turizmit të Kosovës

Prishtinë, 8 maj - Sot në Odën Ekonomike të Kosovës është mbajtur takimi i Këshillit Inicijativ për themelimin e Shoqatës së Turizmit të Kosovës e cila do të përfaqëson dhe mbroj interesat e kësaj industrie.

Në takim, në të cilin morri pjesë edhe kryetari i Odës, Safet Gërxhaliu u theksua se aktualisht kompanitë të cilat veprojnë në lëmine e turizmit janë duke u ballafaquar me një sërë problemesh të cilat kërkojnë zgjidhje të shpejtë ligjore dhe administrative  dhe se organizimi i tillë mundëson adresimin dhe  shqyrtimin e tyre të gjithanshëm nga institucionet e shtetit.

Duke i dhënë përkrahje të plotë iniciativës së themelimit të Shoqatës, kreu i Odës tha se edhe deri më tash interesat e bizneseve të Kosovës janë përfaqësuar dhe mbrojtur nga OEK-u, por se me themelimin e kësaj Shoqate do të ketë një adresë ku do ti shprehin brengat dhe problemete me të cilat ballafaqohet kjo industri.

Këshilli Inicijativ vendosi që mbledhja konstitutive dhe zgjedhore e Shoqatës të mbahet më 18 maj, duke filluar në ora 10,00.

Njëkohësisht KI fton të gjithë bizneset të cilat merren me veprimtari turistike që të marrin pjesë në Kuvendit Zgjedhor.
 

Kalendari

Ngjarjet e datës 22 Qershor 2018 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 9:00)

- Kryeministri Ramush Haradinaj merr pjesë në manifestimin për nder të Ditës së Komunitetit Egjiptian. (Ndërtesa e Qeverisë – salla P-31, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Raportit vjetor të Radio Televizionit të Kosovës. (Ndërtesa e Kuvendit, salla N 10, ora 10:00)

- Për nderë të Ditës Ndërkombëtare të Shërbimit Civil, Ministria e Administratës Publike, gjegjësisht Departamenti i Administrimit të Shërbimit Civil, do të organizoj takim për shënimin e kësaj dite​. (Salla e Madhe të ish-Pallatit “Rilindja”, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të diskutohet rreth procesit të anëtarësimit të Kosovës në INTERPOL. (Ndërtesa e Kuvendit, salla N 303, ora 10:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 11:00)

- Në kuadër të “Javës Kundër Korrupsionit” të mbështetur nga Ambasada e SHBA-së në Kosovë, koalicioni i OJQ-ve “Java Kundër Korrupsionit 2017” organizon konferencë për media, për të shpalosur ndikimet e raportimeve të rasteve në kuadër të “Javës Kundër Korrupsionit". (Hoteli Sirius, ora 11:15)

- Ministri i Kulturës, Rinisë dhe Sportit, Kujtim Gashi do të vizitojë Komunën e Kamenicës ku do të takohet me Kryetarin, Qëndron Kastrati. (Komuna e Kamenicës, ora 14:00)

- Në vazhdën e aktivitetit "Ditët e Kuvendit", mbahet takimi i deputetëve të Kuvendit të Republikës së Kosovës me qytetarë të Pejës. (Teatri profesional “Istref Begolli”, ora 14:00)

- Kryeministri Ramush Haradinaj merr pjesë në përurimin e fluturakeve të para të prodhimit të rrymës me erë. (Fshati Kikë, Komuna e Kamenicës, ora 14:00)

- Aleanca Franceze në Prishtinë organizon kuiz muzikor. (Sheshin Zahir Pajaziti, ora 19:00)