18 Dhjetor 2017

Nënshkruhet marrëveshja për sigurimet bujqësore

Prishtinë, 19 maj - Ministria e Bujqësisë, Pylltarisë dhe Zhvillimit Rural dhe IFC-ja, anëtare e Grupit të Bankës Botërore kanë nënshkruar Marrëveshje bashkëpunimi për të zhvilluar sistemin e sigurimit për prodhimtarinë bujqësore në Kosovë. Ky projekt është një nga hapat më të mëdhenj për avancimin e mëtutjeshëm të bujqësisë në vend.

Bazuar në këtë marrëveshje IFC-ja do ta këshillojë Ministrinë në zhvillimin dhe zbatimin e një sistemi të sigurimit për bujqësi që është transparent, i qëndrueshëm dhe financiarisht i zbatueshëm, për ta përmirësuar konkurrueshmërinë në tregun gjithnjë e më të integruar të mallrave.

IFC-ja do të ofrojë mbështetje teknike dhe ligjore, duke përfshirë ekspertizën vendore, dhe do ta krijojë kornizën e nevojshme për funksionim efikas.

Përshpejtimi i rritjes dhe adresimi i varfërisë në zonat  rurale kërkojnë politika dhe reforma për ta zhvendosur bujqësinë nga bujqësia për mbijetesë tek bujqësia  intensive dhe e orientuar nga tregu, e që kultivon produkte me vlerë më të lartë.

  MBPZHR  konsideron se sigurimi i prodhimtarisë bujqësore është segment shumë i rëndësishëm për ta zhvilluar dhe avancuar  si sektorin e bujqësisë edhe më tej dhe për ta bërë atë më konkurrues, si dhe për ta forcuar mjedisin e përshtatshëm e për t\'i rritur aftësitë teknike në mënyrë që të ndihmohet sa më tepër që është e mundur në zbutjen e rreziqeve që kërcënojnë prodhimtarinë bujqësore.. Për këtë arsye kjo është edhe një nga prioritetet e larta të Ministrisë.

Një sistem i mirë i sigurimit gjithashtu do të ndihmojë në rritjen e besimit për sa i përket huadhënies për bujqësi dhe rënien e nivelit të kamatave, e kjo do të ndihmojë padyshim edhe në rritjen e produktivitetit dhe profitabilitetit të fermerëve të Kosovës.

\"Ne po fillojmë për herë të parë zhvillimin dhe implementimin e sistemit të sigurimit të prodhimtarisë bujqësore në vend. Fermerët  kosovarë kanë pësuar humbje të mëdha të shkaktuara nga faktorët klimatikë  dhe rreziqet tjera në prodhimtarinë bujqësore si p.sh. sëmundjet dhe  dëmtuesit.. MBPZHR me përkrahjen e IFC  do ta zhvilloj dhe implementoj sistemin e  sigurimit për prodhimtarinë  bujqësore  për ta mbrojtur punën e fermerëve dhe standardin e jetës së tyre të ndikuar nga humbjet e prodhimit ose cilësisë, dhe për ta rritur qasjen në financa në sektorët konkurrues për ta ndihmuar shtytjen e rritjes ekonomike\" tha Ministri i Bujqësisë, Pylltarisë dhe Zhvillimit Rural, Memli Krasniqi.

\"MBPZHR  planifikon që t\'i subvencionojë një pjesë të kostos për primet e sigurimit për bujqësi, në mënyrë që t\'i bëjë ato  më të përballueshme për fermerët, dhe për t\'i mbrojtur bizneset e tyre bujqësore në rritje.\"

Kjo nismë është duke u drejtuar nga Projekti i Agro-Financimit për Evropën dhe Azinë Qendrore i IFC-së, në partneritet me Ministrinë e Financave e Austrisë dhe Bankën Hungareze Eksport-Import.

\"Bujqësia është punëdhënës kryesor globalisht,\" ka thënë Leah Soroka, Menaxhere e Programit të IFC-së për Agro-Financim për Evropën dhe Azinë Qendrore. \"

Sigurimi për bujqësi ndërton besim për institucionet financiare për sa i përket huadhënies për bujqësi, pasi që bujqit kanë ndërmarrë masa paraprake të sigurisë për ta mbrojtur biznesin e tyre, andaj është komponentë esenciale në rritjen e biznesit bujqësorë dhe forcimin e sektorit financiar. IFC-ja do të ofrojë aftësi teknike dhe trajnime për të krijuar një mjedis të fuqishëm dhe të përshtatshëm, sisteme të forta të te dhënave dhe produkte të sigurimit për t\'i mbrojtur fushat më profitabile, si dhe për ta rritur produktivitetin dhe profitabilitetin në Kosovë.\" 

Kalendari

Ngjarjet e datës 19 Dhjetor 2017 - Ambasadori amerikan Greek Delawi dhe Presidetni, Hashim Thaci nënshkruajn amandamentimin e Marrëveshjes mbi Grantin e Objektivave Zhvillimore. (Zyra e Presidentit të Republikës së Kosovës, ora 10:00)

- Instituti Demokratik i Kosovës se bashku me deputetë të Kuvendit të Kosovës organizon vizitën në pikën kufitare në Merdare. (Pika kufitare në Merdare, ora 10:00)

- Koalicioni i OJQ-ve për Mbrojtjen e Fëmijëve në Kosovë - KOMF organizon ceremoninë e ndarjes së çmimeve vjetore për gazetari në fushën e mbrojtjes së të drejtave të fëmijëve në Kosovë. (Hotel Sirius, ora 10:00)

- Instituti Demokraci për Zhvillim bën lansimin e punimit “Ndryshimi i paradigmës. Barazi përmes lejes prindërore”. (Swiss Diamond Hotel, ora 10:00)

- Mbahet ceremonia vjetore e ndarjes së çmimeve për gazetari në fushën e mbrojtjes së të drejtave të fëmijëve në Kosovë. (Hotel Sirius, ora 10:00)

- Grupi për Studime Juridike dhe Politike (GLPS) ka kënaqësinë t’ju ftojë të merrni pjesë në Tryezën e Diskutimit me temë “Në kërkim të një konsesusi: Cili duhet të jetë Formati i Ri i Dialogut?”. (Hotel Swiss Diamond, ora 10:30)

- Muzeu i Kosovës për festat e fundvitit organizon market me produkte nga artistë bashkëpuntorë të Muzeut, si dhe produkte nga programi edukativ “Muzeu Kreativ”!. (Muzeu i Kosovës, ora 11:00)

- Instituti Demokratik i Kosovës  organizon debatin publik “E ardhmja e dialogut Kosovë-Serbi këndvështrimi i qytetarëve të Podujevës”, me banorët e rajonit të Podujevës dhe deputetë të Kuvendit të Kosovës. (Hotel Besiana, në Podujevë, ora 11:00)

- Zyra e BE-së në bashkëpunim me Njësinë e Specializuar Shumëkombëshe (NjSSh-në) do ta organizojë një ngjarje lansuese të "Aktiviteteve të trajnimit të specializuar kundër terrorizimit". (Sala Pastrengo, baza e NjSSh-së në Fushë Kosovë, ora 11:00)

- Qytetarët e Pavarur që po e organizojnë protestën kundër rritjes së çmimit për energjinë elektrike do të mbajnë një aksion simbolik para zyrave të ZRRE-së. (Para zyrave të ZRRE-së, ora 12:00) 

- Kryetari i Komunës së Gjilanit, Lutfi Haziri pret në takim përfaqësuesit politik shqiptar të Kosovës Lindore. (Zyrët e Kryetarit Haziri, ora 14:00)

- Mbledhja e Kryesisë së Kuvendit me kryetarët e grupeve parlamentare ne te cilen do te diskutohet adresimi i Presidentit, Hashim Thaçi, deputetëve të Kuvendit si dhe shqyrtimi i dytë i Projektligjit për Buxhetin e vitit 2018. (Ndertesa e Kuvendit, salla  C-301, ora 16:00)

- Galeria Kombëtare e Kosovës organiozn hapjen e ekspozitës personale të Rosemarie Trockel. (Galeria Kombëtare e Kosovës, ora 20:00)