22 Qershor 2018

Termokos përmbyll sezonin ngrohës

Prishtinë, 15 prill - Ngrohtorja e Prishtinës “Termokos” ka bërë të ditur se konsumatorët se sot ashtu siç edhe përcaktohet me aktet ligjore në fuqi, do të përmbyllë sezonin ngrohës 2016/2017.

Përfundimi i afatit ligjor për furnizimin me energji ngrohëse korrespondon edhe me ngritjen e temperaturave të ajrit në vendin tonë, kështu që tanimë janë përmbushur të gjitha kushtet që “Termokos” të ndërpres furnizimin me energji ngrohëse.

Shfrytëzojmë rastin që të falënderojmë gjithë konsumatorët, që kanë kryer obligimet me rregull, ndërsa konsumatorët borxhlinj i ftojmë, që të shlyejnë borxhet që kanë ndaj “Termokos”-it, duke përfituar edhe nga Ligji për faljen e borxheve publike, që është në fuqi.

Sezoni ngrohës 2016/2017 është një nga sezonët më të suksesshëm ngrohës deri më tani, gjatë të cilit kemi ofruar ngrohje të mjaftueshme dhe cilësore përgjatë 24 orëve, pa asnjë ditë ndërprerje.

Si rezultat i ngrohjes, që kemi ofruar kjo ka ndikuar në kënaqshmërinë e konsumatorëve, e cila sipas raportit për vlerësimin e kënaqshmërisë së konsumatorëve, që ka përfunduar ditë më parë mbi 96 për qind e të anketuarve janë deklaruar të kënaqur me ngrohjen e ofruar.

Kjo ka ndikuar drejtpërdrejtë edhe në ngritjen e shkallës së inkasimit gjatë vitit 2016, që në raport krahasues me vitin paraprak ka qenë 40 për qind më e lartë.

Falë përkrahjes bujare të donatorëve të ndryshëm, “Termokos” ka arritur jo vetëm të realizojë një nga projektet më kapitale, që është realizuar pas lufte në Kosovë- Projektin e kogjenerimit, por edhe të jetë një nga kompanitë më të suksesshme.

“Termokos” zotohet se me përkrahjen e donatorëve, që kanë shprehur interesim për të investuar realizimin e projekteve të ndryshme në ndërmarrjen tonë, do të vazhdojmë të angazhohemi edhe më tutje për ofrimin e shërbimeve sa më cilësore për konsumatorët tanë.

\"Me shpresë se sezoni ngrohës 2017/2018 do të jetë një sezon edhe më i suksesshëm, falënderojmë gjithë donatorët, konsumatorët dhe mediet, që na kanë përkrahur deri më tani për të përmbushur misionin tonë\", thekson Termokos.

 

Kalendari

Ngjarjet e datës 22 Qershor 2018 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 9:00)

- Kryeministri Ramush Haradinaj merr pjesë në manifestimin për nder të Ditës së Komunitetit Egjiptian. (Ndërtesa e Qeverisë – salla P-31, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Raportit vjetor të Radio Televizionit të Kosovës. (Ndërtesa e Kuvendit, salla N 10, ora 10:00)

- Për nderë të Ditës Ndërkombëtare të Shërbimit Civil, Ministria e Administratës Publike, gjegjësisht Departamenti i Administrimit të Shërbimit Civil, do të organizoj takim për shënimin e kësaj dite​. (Salla e Madhe të ish-Pallatit “Rilindja”, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të diskutohet rreth procesit të anëtarësimit të Kosovës në INTERPOL. (Ndërtesa e Kuvendit, salla N 303, ora 10:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 11:00)

- Në kuadër të “Javës Kundër Korrupsionit” të mbështetur nga Ambasada e SHBA-së në Kosovë, koalicioni i OJQ-ve “Java Kundër Korrupsionit 2017” organizon konferencë për media, për të shpalosur ndikimet e raportimeve të rasteve në kuadër të “Javës Kundër Korrupsionit". (Hoteli Sirius, ora 11:15)

- Ministri i Kulturës, Rinisë dhe Sportit, Kujtim Gashi do të vizitojë Komunën e Kamenicës ku do të takohet me Kryetarin, Qëndron Kastrati. (Komuna e Kamenicës, ora 14:00)

- Në vazhdën e aktivitetit "Ditët e Kuvendit", mbahet takimi i deputetëve të Kuvendit të Republikës së Kosovës me qytetarë të Pejës. (Teatri profesional “Istref Begolli”, ora 14:00)

- Kryeministri Ramush Haradinaj merr pjesë në përurimin e fluturakeve të para të prodhimit të rrymës me erë. (Fshati Kikë, Komuna e Kamenicës, ora 14:00)

- Aleanca Franceze në Prishtinë organizon kuiz muzikor. (Sheshin Zahir Pajaziti, ora 19:00)