22 Qershor 2018

Griezmann mbetet në Atletico Madrid

Madrid, 15 qershor - Lojtari i përfaqësueses franceze Antoine Griezmann ka vazhduar kontratën e tij me Atletico Madrid dhe fanellën e ekipit do të mbajë deri në fund të qershorit 2022.

Stafi udhëheqës i Atletico Madrid, ka njoftuar se kontrata me Griezmann skadon në verën e vitit 2021 dhe se sot është nënshkruar një kontratë e re sipas të cilës Griezmann në klub do të mbetet për një vit më gjatë.

Klubi nga \"Vincente Calderon\" gjatë këtij viti nuk mund të sjellë lojtarë të ri apo të shes lojtarët e tij për shkak të dënimit të vendosur nga ana e Federatës Botërore të Futbollit (FIFA).

Vazhdimi i kontratës të Griezmann ka zvogëluar gjasat e largimit të tij vitin e ardhshëm në \"Old Trafford\", pasi ai është menduar si një nga lojtarët më të dëshirueshëm për Manchester United.

Vetë Griezmann muajin e kaluar për mediat franceze kishte deklaruar se është i gatshëm të largohet nga Madridi, dhe më vonë u kërkoi falje tifozëve duke sqaruar se gabimisht është shprehur ose është keqinterpretuar nga gazetarët.

\"Që nga ardhja ime kam dhënë gjithçka për klubin dhe jam i lumtur që do të qëndroj një vit më gjatë në Atletico Madrid\", ka thënë Griezmann.

Mediat spanjolle raportojnë se me vazhdimin e kontratës Griezmann është bërë lojtari me pagën më të lartë në Atletico Madrid.

Griezmann në tre sezonet e kaluara me fanellën e Atletico Madrid ka luajtur 160 ndeshje dhe shënoi 83 gola. 

Kalendari

Ngjarjet e datës 22 Qershor 2018 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 9:00)

- Kryeministri Ramush Haradinaj merr pjesë në manifestimin për nder të Ditës së Komunitetit Egjiptian. (Ndërtesa e Qeverisë – salla P-31, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Raportit vjetor të Radio Televizionit të Kosovës. (Ndërtesa e Kuvendit, salla N 10, ora 10:00)

- Për nderë të Ditës Ndërkombëtare të Shërbimit Civil, Ministria e Administratës Publike, gjegjësisht Departamenti i Administrimit të Shërbimit Civil, do të organizoj takim për shënimin e kësaj dite​. (Salla e Madhe të ish-Pallatit “Rilindja”, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të diskutohet rreth procesit të anëtarësimit të Kosovës në INTERPOL. (Ndërtesa e Kuvendit, salla N 303, ora 10:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 11:00)

- Në kuadër të “Javës Kundër Korrupsionit” të mbështetur nga Ambasada e SHBA-së në Kosovë, koalicioni i OJQ-ve “Java Kundër Korrupsionit 2017” organizon konferencë për media, për të shpalosur ndikimet e raportimeve të rasteve në kuadër të “Javës Kundër Korrupsionit". (Hoteli Sirius, ora 11:15)

- Ministri i Kulturës, Rinisë dhe Sportit, Kujtim Gashi do të vizitojë Komunën e Kamenicës ku do të takohet me Kryetarin, Qëndron Kastrati. (Komuna e Kamenicës, ora 14:00)

- Në vazhdën e aktivitetit "Ditët e Kuvendit", mbahet takimi i deputetëve të Kuvendit të Republikës së Kosovës me qytetarë të Pejës. (Teatri profesional “Istref Begolli”, ora 14:00)

- Kryeministri Ramush Haradinaj merr pjesë në përurimin e fluturakeve të para të prodhimit të rrymës me erë. (Fshati Kikë, Komuna e Kamenicës, ora 14:00)

- Aleanca Franceze në Prishtinë organizon kuiz muzikor. (Sheshin Zahir Pajaziti, ora 19:00)