20 Prill 2018

Ukraina bllokon qasjen ndaj disa faqeve ruse në internet

Kiev, 18 maj - Zyrtarët amerikanë thanë se po ndjekin nga afër një urdhër të qeverisë ukrainase, për bllokimin e qasjes ndaj një numri faqesh elektronike ruse, në raundin e fundit të sanksioneve lidhur me aneksimin e Krimesë nga Rusia në vitin 2014.

Departamenti amerikan i Shtetit nuk ka marrë një pozicion zyrtar për këtë çështje. Megjithatë një zyrtar amerikan i paidentifikuar, i tha Zërit të Amerikës se vendimi i fundit i presidentit ukrainas, Petro Poroshenko për të ndaluar qasjen ndaj disa faqeve elektronike popullore ruse, si ajo e kërkimeve, “Yandex” për tre vjet, minon të drejtën e sanksionuar me kushtetutë për lirinë e shprehjes.

Megjithë fushatat e mediave të kontrolluara nga Rusia, që kërkojnë të minojnë median perëndimore dhe qeverinë e Ukrainës – me lajme të rreme dhe informacione të pasakta,\" liria e shprehjes është një element kyç i çdo demokracie të shëndetëshme dhe mishërohet në Kushtetutën e Ukrainës.”

\"Ne i bëjmë thirrje qeverisë së Ukrainës, të gjejë një rrugë për të mbrojtur interesat e saj kombëtare që nuk minojnë parimet kushtetuese”, tha zyrtari.

I pyetur në se kishte ndonjë komunikim mes zyrtarëve amerikanë dhe atyre ukrainas para njoftimit të zotit Poroshenko për ndalimin e qasjes ndaj faqeve elektronike, zyrtari tha se megjithëse nuk mund të komentonin për bisedat diplomatike private lidhur me këtë çështje, \"ne jemi përfshirë shpesh në biseda me qeverinë e Ukrainës rreth rëndësisë së garantimit të lirisë së shprehjes.\"

Raundi i fundit i sanksioneve shton faqen “Yandex” dhe faqet e medias sociale “Odnoklassniki” dhe “Vkontakte”, në listën e mbi 400 firmave ruse të ndaluara nga Kievi, që nga aneksimi i Krimesë nga Moska në vitin 2014. Sipas agjencisë “Reuters”, Kremlini ka kërcënuar se do të kundërpërgjigjet.

Kalendari

Ngjarjet e datës 20 Prill 2018

- Ministria e Shëndetësisë, me mbështetjen e Organizatës Botërore të Shëndetësisë-Zyra në Prishtinë, shënon Ditën Botërore të Shëndetit me temën: “Mbulimi shëndetësor i përgjithshëm: për të gjithë, kudo”. (Ndërtesa e Qeverisë, Salla P-38, ora 9:00)

- Kryeministri i Republikës së Kosovës, Ramush Haradinaj, merr pjesë në shënimin e Ditës Botërore të Shëndetit. (Ndërtesa e Qeverisë, salla P-38, ora 9:00)

- Ministrja e Mjedisit dhe Planifikimit Hapësinor, Albena Reshitaj do t’i bashkohet përseri aksionit të komunës së Suharekës për largimin e mbeturinave përgjatë rrugëve kryesore dhe lokale, shesheve dhe hapësirave publike të kësaj komune. (Objekti i komunës së Suharekës, ora 9:30)

- Mbahet Mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrimit Raportit Vjetor i Zyrës së Rregullatorit të Energjisë dhe shqyrtimi i Raportit te Projektligjit për Mbrojtjen e Konsumatorit. (Ndërtesa e Kuvendit, salla N 10, ora 10:00)

- Ministri i Drejtësisë, Abelard Tahiri, së bashku me përfaqësues e Odës Ekonomike e Kosovës dhe Odës Ekonomike Amerikane do të takojnë bizneset nga rajoni i Pejës në kuadër të kampanjës “Drejtësia dhe biznesi”. (Restorant “Univers” në Pejë, ora 10:00)

 - Zyra e Bashkimit Evropian dhe Ministria e Integrimit Evropian organizojnë prezantimin e 45 përfituesve të granteve të përzgjedhur në raundin XI të projektit të Skemës së Qelizave të Reja për të ndjekur studimet për Master një vjeçar në universitetet e BE-së. (Hotel Sirius, ora 10:30)

 - Ministria e Infrastrukturës do të mbajë ceremoninë e inaugurimit të fillimit të punimeve për ndërtimin e “Rrugës Rajonale R102, Komoran-Skenderaj, Segmenti Komoran-Morinë”. (Fshati Polluzhë te rreth - rrotullimi, ora 11:00)

- Mbahet manifestim për nderë të 70-të vjetorit  të themelimit të SHFMU 'Isa Boletini". (Ambientet e Shkollës 'Isa Boletini' në Isniq, ora 11:00)

- Ministria e Infrastrukturës do të mbajë ceremoninë e inaugurimit të fillimit të punimeve për ndërtimin e “Rrugës Rajonale R102, Komoran-Skenderaj, Segmenti Komoran-Morinë”. (Fshati Polluzhë te​ rreth - rrotullimi, ora 11:00)

- Mbahet konferenca e rregullt javore e Grupit Parlamentar të Lidhjes Demokratike të Kosovës. (Selia qendrore e LDK-së, te Qafa, ora 11.00)

- Mbahet seanca e jashtëzakonshme e Kuvendit të Republikës së Kosovës në të cilën do të mbahet debat parlamentar lidhur me Raportin e Progresit për Republikën e Kosovës.. (Kuvendi i Kosovës, ora 12:00)

-  Aleanca Kosovare e Bizneseve mban konferencë për media me temë 'Publikimi i dokumentave zyrtare të Bosnjës dhe Herecegovinës që paraqesin shtet Republikën e Kosovës'. (Zyret e AKB-së, ora 13:30) 

- Ministri i Kulturës, Rinisë dhe Sportit, Kujtim Gashi, do të marrë pjesë në konferencën e organizuar me rastin e pjesëmarrjes së Republikës së Kosovës në edicionin e 16-të të Ekspozitës Ndërkombëtare, Bienalen e Venedikut. (Galerinë Kombëtare të Kosovës, ora 13:45)

- Qendra për Hulumtime Psiko-Sociale dhe Mjekësore organizon 'Evidence Based Future'. (Hotel Grand, ora 14:00)

- Agjensioni i Përkrahjes së Punësimit Kosovë mbanë takimin përmbyllës me 61 punëkërkuesit kosovarë të cilët në fillim të shtatorit do të fillojnë shkollimin dhe aftësimin trevjeçar profesional në profesionin “Përkujdesës/e ndaj të moshuarve” në Gjermani. (Salla e konferencave, objekti i APPK-së, ora 18:00)