22 Qershor 2018

Greqia miraton masat shtrënguese dhe pret këstin e radhës

Athinë, 18 maj - Parlamenti grek miratoi me 153 vota pro të deputetëve të partive të koalicionit qeveritar, nga 281 ligjvënës të pranishëm në sallë, projektligjin për ratifikimin e marrëveshjes me kreditorët, që përmban një paketë të re masash shtrënguese, me vlere 4.9 mld euro , midis të cilave reduktimin e pensioneve dhe rritjen e taksave.

Por në këtë paketë përfshihen gjithashtu edhe masa kompensuese për shtresat e varfëra të popullsisë, si rimbursime për qeratë e shtëpive apo të barnave mjekësore. Ndërsa 128 deputetët  e partive opozitare kanë votuar kundër,përveç disa neneve të parëndësishme.

Tashmë Athina zyrtare pret nga paketa e ndihmës financiare për Greqinë, zhbllokimin e një kësti prej 7.5 mld euro, shumica e të cilave do të shkojnë për shlyerjen e detyrimeve ndaj BQE-së.

“Me përfundimin e votimit, Greqia ka mbajtur plotësisht angazhimet e saj. Tani, topi është në fushen e huadhënësve dhe është radha për të mbajtur ata angazhimet e tyre, siç vepruam ne. Presim dhe kemi të drejtë nga eurogrupi i ditës së hënë një vendim për strukturimin e borxhit grek, që do të jetë ekuivalent me sakrificat e popullit tonë”, tha kryeministri Alexis Tsipras.

Kryeministri grek ka përsëritur edhe një herë se nëse nuk ka një zhvillim pozitiv për lehtësimin e borxhit grek, qeveria e tij nuk do t’i përmbahet premtimeve për implementimin e masave shtrënguese.

Ndërkohë që në parlament diskutohej paketa e katërt e reformave, në sheshin para ndërtesës kanë shpërthyer përsëri incidente të dhunshme, nga të rinj anarkistë, ndërsa policia është kundërpërgjigjur me bomba me gaz lotsjellës.

Kalendari

Ngjarjet e datës 22 Qershor 2018 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 9:00)

- Kryeministri Ramush Haradinaj merr pjesë në manifestimin për nder të Ditës së Komunitetit Egjiptian. (Ndërtesa e Qeverisë – salla P-31, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Raportit vjetor të Radio Televizionit të Kosovës. (Ndërtesa e Kuvendit, salla N 10, ora 10:00)

- Për nderë të Ditës Ndërkombëtare të Shërbimit Civil, Ministria e Administratës Publike, gjegjësisht Departamenti i Administrimit të Shërbimit Civil, do të organizoj takim për shënimin e kësaj dite​. (Salla e Madhe të ish-Pallatit “Rilindja”, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të diskutohet rreth procesit të anëtarësimit të Kosovës në INTERPOL. (Ndërtesa e Kuvendit, salla N 303, ora 10:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 11:00)

- Në kuadër të “Javës Kundër Korrupsionit” të mbështetur nga Ambasada e SHBA-së në Kosovë, koalicioni i OJQ-ve “Java Kundër Korrupsionit 2017” organizon konferencë për media, për të shpalosur ndikimet e raportimeve të rasteve në kuadër të “Javës Kundër Korrupsionit". (Hoteli Sirius, ora 11:15)

- Ministri i Kulturës, Rinisë dhe Sportit, Kujtim Gashi do të vizitojë Komunën e Kamenicës ku do të takohet me Kryetarin, Qëndron Kastrati. (Komuna e Kamenicës, ora 14:00)

- Në vazhdën e aktivitetit "Ditët e Kuvendit", mbahet takimi i deputetëve të Kuvendit të Republikës së Kosovës me qytetarë të Pejës. (Teatri profesional “Istref Begolli”, ora 14:00)

- Kryeministri Ramush Haradinaj merr pjesë në përurimin e fluturakeve të para të prodhimit të rrymës me erë. (Fshati Kikë, Komuna e Kamenicës, ora 14:00)

- Aleanca Franceze në Prishtinë organizon kuiz muzikor. (Sheshin Zahir Pajaziti, ora 19:00)