Tiranë, 4 dhjetor - Shqipëria ka një shkallë punësimi për gratë mbi 50 për qind, duke shënuar njërin nga dy vendet e zgjerimit me shkallë punësimi mbi këtë normë.

Sipas raportit të Eurostat, Zyra e Statistikave të Bashkimit Europian, shkalla e punësimit për gratë në 2015-ën ishte e ulët në të gjithë vendet e zgjerimit.

Normat më të larta të punësimit për gratë e moshës 20-64 vjeç janë regjistruar në Mal të Zi (51.5%) dhe Shqipëri (50.7%), thuhet në raportin e Eurostat, të cituar nga ATSH.